完整藏文原文 · 德格版页 当前仅加载第 48 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་པའི་ཐ་སྙད་ཀྱི་ཚིག་གང་དག་གིས་མཁས་པ་རྣམས་ཀྱིས་བཅོམ་ལྡན་འདས་བསྟོད་པ་དང་། བཀུར་བ་དང་། བསྔགས་པ་དང་རབ་ཏུ་བསྟོད་པ་དང་། རབ་ཏུ་བསྔགས་པ་དང་། བཅོམ་ལྡན་འདས་ཐ་སྙད་ཀྱི་ཚིག་གང་དག་གིས་འཇིག་རྟེན་མངོན་པར་བརྗོད་
D101.048.0005b01.01པའི་ཆོས་དེ་དག་ནི་བཅོམ་ལྡན་འདས་བདག་མ་འཚལ་མི་རྟེན་མ་མཐོང་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཆོས་ཐམས་ཅད་ནི་ངོ་བོ་ཉིད་ཀྱིས་ཡ་མ་བརླ་དང་། ངོ་བོ་ཉིད་ཀྱིས་གསོབ་ལགས་པའི་སླད་དུའོ། །བཅོམ་ལྡན་འདས་དཔེར་བགྱི་ན་
D101.048.0005b02.01སྒྱུ་མ་མཁན་གྱིས་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། དཔུང་གི་ཚོགས་ཡན་ལག་བཞི་པ་དང་ལྡན་པ། རིན་པོ་ཆེ་སྣ་བདུན་དང་ལྡན་པའི་འཁོར་ལོས་སྒྱུར་བ་ཞིག་སྤྲུལ་པར་གྱུར་ལ། བཅོམ་ལྡན་འདས་དེའི་ཐད་དུ་གླིང་བཞི་པའི་འཇིག་རྟེན་གྱི་ཁམས་སུ་
D101.048.0005b03.01གཏོགས་པའི་སེམས་ཅན་རྣམ་པར་རྒྱལ་བར་བགྱི་བ་ལ་གནས་པ། མཐའ་ཡས་པ་དེ་དག་ཐམས་ཅད་ལྷགས་ཤིང་བཅོམ་ལྡན་འདས་དེ་ལ་ལུས་ཐ་དད་པར་ཡང་གདའ་ལ། བཅོམ་ལྡན་འདས་དེ་ལ་སེམས་ཅན་ལུས་ཐ་དད་པར་ཡང་མཐོང་ལགས་མོད་ཀྱི། བཅོམ་ལྡན་འདས་
D101.048.0005b04.01སྒྱུ་མ་མཁན་གྱིས་སྤྲུལ་པའི་འཁོར་ལོས་སྒྱུར་བའི་རྒྱལ་པོ་དེ་འདི་སྙམ་དུ་བདག་གིས་ནི་དཔུང་གི་ཚོགས་འདིའི་བདག་པོ་བྱ་ཞིང་། གླིང་བཞི་པའི་འཇིག་རྟེན་གྱི་ཁམས་ཀྱི་རྗེས་སུ་འཇུག་པར་བྱའོ། །སྙམ་དུ་མི་སེམས་ལགས་ལ། དཔུང་གི་ཚོགས་ཡན་ལག་བཞི་པོ་དེ་ཡང་
D101.048.0005b05.01འདི་སྙམ་དུ་འཁོར་ལོས་སྒྱུར་བའི་རྒྱལ་པོ་འདི་ནི་བདག་ཅག་གི་གཙོ་བོ་ཡིན་པས་བདག་ཅག་ནི་འདིའི་རྗེས་སུ་འཇུག་པར་བྱའོ། །སྙམ་དུ་མི་སེམས་ལགས་མོད་ཀྱི། དེ་དག་དེའི་རྗེས་སུ་འཇུག་པར་བགྱིད་པར་ཡང་གདའ་ལགས་སོ། །བཅོམ་ལྡན་འདས་དེ་བཞིན་དུ་ཆོས་
D101.048.0005b06.01དེ་དག་གིས་ཆོས་ཉིད་གང་ལགས་པ་དེ་ལ། བཅོམ་ལྡན་འདས་དེ་བཞིན་གཤེགས་པའམ། ཉན་ཐོས་སམ། སློབ་པའམ། མི་སློབ་པའམ། རང་སངས་རྒྱས་སམ། སོ་སོའི་སྐྱེ་བོ་མ་མཆིས་ལགས་སོ། །བཅོམ་ལྡན་འདས་ཆོས་ཉིད་དེ་ལ་དེ་བཞིན་གཤེགས་
D101.048.0005b07.01