完整藏文原文 · 德格版页 当前仅加载第 48 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
བཙལ། །དེས་ན་ང་ཡི་དགའ་བ་བླ་མེད་གྱུར། །དེ་ཕྱིར་གང་ཞིག་བྱང་ཆུབ་འདོད་བྱེད་པ། །ཇི་ལྟར་ངས་བསླབས་དེ་བཞིན་སློབ་བྱེད་ན། །སློབ་པ་བྱང་ཆུབ་ལས་ནི་ཉམས་མི་འགྱུར། །ཆོས་ཀྱི་འཁོར་ལོ་དམ་པ་བསྐོར་བར་འགྱུར། །མངོན་པར་འབྱུང་བ་ཡང་དག་པར་བརྗོད་པའི་ལེའུ་སྟེ་
D101.048.0204b01.01བཅུ་གཅིག་པའོ།། །།ཀུན་དགའ་བོ་བྱང་ཆུབ་སེམས་དཔའ་ཆོས་བཞི་དང་ལྡན་ན་དྲན་པ་དང་ལྡན་པ་ཡིན། རྟོགས་པ་དང་ལྡན་པ་ཡིན། བློ་དང་ལྡན་པ་ཡིན། ཆོ་ག་དང་སྤྱོད་ཡུལ་དང་སྤྱོད་པ་དང་ལྡན་པ་ཡིན་ཏེ། བཞི་གང་ཞེ་ན། ཀུན་དགའ་བོ་འདི་ལ་བྱང་ཆུབ་སེམས་
D101.048.0204b02.01དཔའ་ཆོས་དེ་ལྟ་བུ་དེ་དག་ཡོངས་སུ་བཙལ་བའི་ཕྱིར་བརྩོན་འགྲུས་རྩོམ་པ་ཡིན། རྙེད་ནས་ཀྱང་ཆོས་དེ་དག་ལ་སྒྲུབ་པ་ཡིན། བདག་ཉིད་ཀྱང་ཆོས་ལ་གནས་ནས་དེ་ཉིད་ལ་སྐྱེ་བོ་མང་པོ་ཡང་དག་པར་འཛིན་དུ་འཇུག་པ་ཡིན། ཡང་དག་པར་འཛིན་དུ་བཅུག་ནས་ཀྱང་ཆོས་དང་ལྡན་པའི་གཏམ་གྱིས་
D101.048.0204b03.01རངས་པར་བྱེད་ཅིང་ཡང་དག་པར་གཟེངས་སྟོད་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །གང་དག་དེ་ཡི་བདེ་འདྲེན་པའི། །ཆོས་དེ་དག་ནི་ཡོངས་སུ་ཚོལ། །དེ་འདྲའི་ཆོས་དག་མ་རྙེད་པར། །དེ་ནི་བརྩོན་འགྲུས་འདོར་མི་བྱ། །དེ་འདྲའི་
D101.048.0204b04.01ཆོས་དག་ཐོས་ནས་མང་དུ་ཐོས་པས་འཇལ། །རྟག་ཏུ་ཆོས་ལ་གནས་ཤིང་ཇི་སྐད་བཤད་ལ་སློབ། །བདག་དེ་ཇི་ལྟར་གནས་བཞིན་གཞན་དག་ཆོས་ལ་དགོད། །གང་དག་ཆོས་འདིར་གནས་ལ་ཅི་ཡང་འདོམས་མི་བྱེད། །ཀུན་དགའ་བོ་གཞན་ཡང་བྱང་ཆུབ་སེམས་དཔའ་ནི་བདག་གིས་ཆོས་
D101.048.0204b05.01དེ་དག་ཐོས་ནས་ནུབ་པར་གྱུར་ན་མི་རུང་ཞིང་། བདག་གིས་ཆོས་ཁ་ཅིག་ཆུད་གཟན་པར་གྱུར་ན་མི་རུང་ངོ་སྙམ་ནས། ཆོས་དེ་ལྟ་བུ་དེ་དག་གི་དོན་གྱི་ཕྱིར་རྟག་ཏུ་ཆོས་སྨྲ་བའི་རྗེས་སུ་འབྲང་བ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །གང་དག་
D101.048.0204b06.01དགེ་སློང་རྟག་སྟེན་པ། །དེ་དག་མང་དུ་ཐོས་པར་འགྱུར། །ཆོས་ཀྱི་རྒྱལ་པོས་བཀུར་བ་ཡིན། །དེ་དག་འདི་ན་ང་ཡི་རྗེས་སུ་འབྲང་། །ང་ལ་ཆོས་རྣམས་མ་ཐོས་དོན་རྣམས་མ་ཤེས་པར། །ནུབ་པར་འགྱུར་ཞིང་ཕྱི་ནས་གཞན་ལས་ཐོས་མི་འཐོབ། །དེ་ཚེ་བརྩོན་འགྲུས་བརྟན་པོར་ཤེས་ནས་
D101.048.0204b07.01