完整藏文原文 · 德格版页 当前仅加载第 48 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་འཚལ་དེ་དག་འཁོད་པར་གྱུར། །སྤྲུལ་པ་དེ་དག་དེར་ནི་མི་སྣང་ནས། །གང་དག་དེ་བཞིན་གཤེགས་ལ་ཞུ་ཞུ་བ། །དེ་དག་གང་ནས་མཆི་ཞིང་མིང་ཅི་ཞེས། །དེ་ཚེ་འཁོར་ཀྱང་སྤུ་རྣམས་ཟིང་ཞེས་བྱེད། །འཁོར་རྣམས་བཞི་པོ་དེ་དག་གུས་པ་ཡིས། །
D101.048.0094a01.01རྒྱལ་བ་ལ་ནི་ཞུ་བར་མི་སྤྲོ་སྟེ། །དེ་ཚེ་འཇིག་རྟེན་མགོན་པོའི་སྤྲུལ་པ་སྤྲུལ། །དེ་ཚེ་དགེ་སློང་ཀུན་དགའ་བཟང་པོ་བྱུང་། །མགོན་པོ་ཞུ་བ་འདི་ཞུ་དེ་དག་གང་། །ཞུས་ནས་ཀྱང་ནི་མི་གདའ་མ་མཐོང་གྱུར། །དེ་དག་སུ་ལགས་དེ་དག་སུ་ཡི་ལགས། །མགོན་པོ་བཤད་ཅིང་
D101.048.0094a02.01ཐེ་ཚོམ་བསལ་དུ་གསོལ། །སྨོན་ལམ་དཔའ་བོ་ལྡན་པའི་གོ་ཆ་ལྟོས། །དེ་ཡིས་བྱིན་གྱིས་བརླབས་ནས་འདིར་ལྷགས་ཏེ། །ཤར་ཕྱོགས་ཀྱི་ནི་འཇིག་རྟེན་ཁམས་ཀྱི་ཚུལ། །གྲངས་མེད་དག་ནས་དེ་དག་ལྷགས་པ་ཡིན། །དཔའ་བོ་འཇིག་རྟེན་ཕན་ཕྱིར་གང་ལྷགས་པ། །རྣམ་
D101.048.0094a03.01པར་བལྟས་ནས་དོང་བར་གྱུར་པ་སྟེ། །བསམ་པ་དག་པ་བྱང་ཆུབ་ཕྱིར་སྤྱོད་པ། །དེ་ཡི་སྨོན་ལམ་དེ་ནི་དེ་འདྲ་འོ། །དེ་དག་དགེ་བས་ངེས་པར་སངས་རྒྱས་མཐོང་། །དེ་དག་འདིར་ནི་དེ་ལ་སྒྱིད་མི་ལུག །ཚུལ་ཁྲིམས་ཀྱིས་ཀྱང་དམན་པར་མི་འགྱུར་ཏེ། །ཐོས་པ་མང་ཞིང་ཕ་རོལ་
D101.048.0094a04.01ཕྱིན་པས་འཕགས། །དེ་དག་ཐབས་ཤེས་པ་ལ་ཤིན་ཏུ་བསླབས། །མངལ་གྱི་གནས་སུ་འགྲོ་བར་མི་འགྱུར་ཏེ། །འཁོར་བའི་ཚེ་ན་ཚེ་རབས་ཚེ་རབས་སུ། །དེ་དག་ཆོས་ཀྱི་སེམས་རྒྱུད་བརྗེད་མི་འགྱུར། །རྟག་ཏུ་སངས་རྒྱས་རྣམས་དང་མངོན་དུ་ཕྲད། །རྟག་ཏུ་འཕགས་པ་རྣམས་
D101.048.0094a05.01དང་འགྲོགས་པར་འགྱུར། །དཔའ་བོ་དེ་ཡིས་སེམས་ཅན་འདིར་མཐོང་རྣམས། །རྟག་ཏུ་དེ་ལ་རབ་ཏུ་འབྱུང་བ་འཐོབ། །མཐོང་མ་ཐག་ཏུ་དགེ་བས་དེ་འདྲ་སྟེ། །གང་དག་གཞན་མ་བརྗོད་པ་དེ་དག་མང་། །དཔའ་བོ་དེ་ཡི་ཡོན་ཏན་གང་ཡོད་པ། །མང་དུ་བསྒྲགས་ཀྱང་མཐར་ཐུག་
D101.048.0094a06.01འགྱུར་བ་མེད། །དཔའ་བོ་ཤིན་ཏུ་གནས་པ་དེ་ཡི་མིང་། །དེ་ཚེ་བུད་མེད་གང་གིས་ཐོས་གྱུར་པ། །དེ་ནི་ཕྱིན་ཆད་བུད་མེད་དངོས་མི་འགྱུར། །སེམས་ཅན་དམ་པའི་མཆོག་ཏུ་དེ་འགྱུར་རོ། །སྐྱེས་པ་བུད་མེད་གང་གིས་མིང་ཐོས་ཤིང་། །ཐོས་ནས་དེ་ལའང་དགའ་བ་སྐྱེད་བྱེད་
D101.048.0094a07.01