完整藏文原文 · 德格版页 当前仅加载第 48 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཞི་བའི་སེམས་བསྐྱེད་པ་དང་བདེ་བའི་ཡོ་བྱད་ཀྱི་སེམས་བསྐྱེད་པ་དེ་དག་གིས་འཁོར་བ་དཔག་ཏུ་མེད་པ་དུམ་བུར་ཆད་པར་ཡང་དག་པར་རྗེས་སུ་མཐོང་ངོ་། །སེམས་ཅན་དཔག་ཏུ་མེད་པ་ལ་བདེ་བའི་ཡོ་བྱད་ཉེ་བར་བསྒྲུབས་པར་ཡང་ཡང་དག་པར་རྗེས་སུ་མཐོང་ངོ་། །
D101.048.0140a01.01བདག་ཉིད་ཀྱི་སངས་རྒྱས་ཀྱི་ཆོས་ཡོངས་སུ་སྨིན་པར་ཡང་ཡང་དག་པར་རྗེས་སུ་མཐོང་ངོ་། །སེམས་བསྐྱེད་པ་རེ་རེ་ལ་ཡང་སངས་རྒྱས་ཀྱི་ཆོས་དཔག་ཏུ་མེད་པ་སྒྲུབ་པ་ཉིད་དུ་ཡང་དག་པར་རྗེས་སུ་མཐོང་སྟེ། དེ་ལྟར་ན་བྱང་ཆུབ་སེམས་དཔའ་ནི་ལྷག་པའི་བསམ་པ་དང་ལྡན་ཞིང་ཐབས་ལ་
D101.048.0140a02.01མཁས་པར་རིག་པར་བྱའོ། །གང་སེམས་མ་སྨས་ཤིང་སེམས་མ་ཉམས་པས་སེམས་ཅན་དེ་ལ་བདེ་བའི་ཡོ་བྱད་ཉེ་བར་བསྒྲུབས་ལ། སེམས་ཅན་དེ་ཡང་གཤེ་བར་བྱེད་ཅིང་བརྒྱད་བཀག་བྱེད་ལ་ཚིག་ཚོགས་པར་དབྱུང་བར་འོས་པ་མ་ཡིན་པ་སྡིག་པ་ཅན་གྱིས་ཀུན་ཏུ་སྤྱོད་པར་བྱེད་ན་བྱང་ཆུབ་
D101.048.0140a03.01སེམས་དཔའ་ནི་དེ་ལ་བཟོད་པར་བྱེད་ཅིང་། དེ་ལ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་འདི་སྙམ་དུ་སེམས་ཏེ། སེམས་ཅན་འདི་དག་ལ་ནི་བདག་ལ་སངས་རྒྱས་ཀྱི་ཆོས་རྣམས་རབ་ཏུ་སྟོན་པར་བྱེད་དེ། བདག་གིས་དེ་ལ་གནོད་སེམས་གང་ཅི་ཡང་རུང་བ་བསྐྱེད་པར་གྱུར་
D101.048.0140a04.01ན། དེ་ཙམ་དུ་བདག་བྱང་ཆུབ་ལས་ཉམས་པར་འགྱུར་རོ་སྙམ་པ་འདི་ནི་བྱང་ཆུབ་སེམས་དཔའི་ལྷག་པའི་བསམ་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཐབས་ལ་མཁས་པ་ཡིན་པར་བལྟ་བར་བྱའོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའི་ཐད་དུ་མི་ལ་ལ་ཞིག་
D101.048.0140a05.01འོངས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་རྙེད་པར་དཀའ་སྟེ། ཁྱོད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པར་མི་ནུས་ཤིང་། ཁྱོད་ཀྱིས་སངས་རྒྱས་ཀྱི་ཆོས་རྣམས་ཡང་དག་པར་སྒྲུབ་པར་མི་ནུས་སོ་ཞེས་དེ་སྐད་
D101.048.0140a06.01ཅེས་སྨྲས་ལ། གལ་ཏེ་ཐོས་ནས་ཡིད་གཏོད་པར་བྱེད་ན་ལྷག་པའི་བསམ་པ་མ་ཡིན་པར་བལྟ་བར་བྱའོ། །གལ་ཏེ་དེ་ལ་སངས་རྒྱས་ཀྱི་ཆོས་རྙེད་པར་དཀའ་བ་ཉིད་ལ་རྙེད་སླ་བ་ཉིད་སྐྱེས་ན་དེ་ལྟ་ན་ལྷག་པའི་བསམ་པ་མ་ཡིན་པར་བལྟ་བར་བྱའོ། །ཤ་ར་དྭ་ཏིའི་བུ་གཞན་ཡང་གལ་ཏེ་
D101.048.0140a07.01