完整藏文原文 · 德格版页 当前仅加载第 48 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱ་བའི་ཕྱིར་བཅོམ་ལྡན་འདས་ལ་ཕུལ་ལོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་ཐུགས་བརྩེ་བའི་ཕྱིར་པད་མ་ཆེན་པོ་བདུན་པོ་དེ་དག་བཞེས་ཏེ། བཞེས་ནས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ་ལ་
D101.048.0049b01.01བཀའ་སྩལ་པ། མ་ཕམ་པ་དེ་བཞིན་གཤེགས་པ་ནི་ད་ལྟར་ཁྱེད་ཀྱི་དགེ་བའི་རྩ་བ་བསྐྱེད་པའི་ཕྱིར་རྟུལ་བར་མཛད། མཆོག་ཏུ་རྟུལ་བར་མཛད་དོ། །མ་ཕམ་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་ཤིན་ཏུ་རྙེད་པར་དཀའ་ཞིང་མཆོག་
D101.048.0049b02.01ཏུ་རྙེད་པར་དཀའོ། །མ་ཕམ་པ་བྱང་ཆུབ་སེམས་དཔའ་རྣམས་ཀྱང་ཤིན་ཏུ་མཆོག་ཏུ་རྙེད་པར་དཀའོ། །དེ་ཅིའི་ཕྱིར་ཞེ་ན། མ་ཕམ་པ་སངས་རྒྱས་ཀྱི་ཆོས་དེ་དག་ནི་བྱང་ཆུབ་སེམས་དཔའི་སྤྱོད་པ་ལས་ངེས་པར་བྱུང་བའི་ཕྱིར་རོ། །མ་ཕམ་པ་གལ་ཏེ་སྔོན་ངས་བྱང་ཆུབ་ཏུ་
D101.048.0049b03.01སེམས་བསྐྱེད་པར་མ་གྱུར་ན། མ་ཕམ་པ་འོ་ན་ད་ལྟར་དེ་བཞིན་གཤེགས་པའི་སྟོབས་བཅུ་སྐྱེ་བར་འགྱུར་རམ། གསོལ་པ། བཅོམ་ལྡན་འདས་དེ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། མ་ཕམ་པ་འདི་ཇི་སྙམ་དུ་སེམས། གལ་ཏེ་སྔོན་ངས་བླ་ན་མེད་པ་
D101.048.0049b04.01ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་མི་འཇིགས་པ་བཞི་སྐྱེ་བར་འགྱུར་རམ། གསོལ་པ། བཅོམ་ལྡན་འདས་དེ་མ་ལགས་སོ། །བཀའ་སྩལ་པ། མ་ཕམ་པ་འདི་ཇི་སྙམ་དུ་སེམས། གལ་ཏེ་སྔོན་ངས་བླ་ན་མེད་པ་
D101.048.0049b05.01ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་དེ་བཞིན་གཤེགས་པའི་བྱམས་པ་ཆེན་པོ་འབྱུང་བར་འགྱུར་རམ། གསོལ་པ། བཅོམ་ལྡན་འདས་དེ་མ་ལགས་སོ། །བཀའ་སྩལ་པ། མ་ཕམ་པ་འདི་ཇི་སྙམ་དུ་
D101.048.0049b06.01སེམས། གལ་ཏེ་སྔོན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་སྙིང་རྗེ་ཆེན་པོ་འབྱུང་བར་འགྱུར་རམ། དེ་བཞིན་དུ་འཇིག་རྟེན་དུ་དགའ་བ་ཆེན་པོ་དང་། བཏང་སྙོམས་ཆེན་པོ་འབྱུང་བར་འགྱུར་རམ།
D101.048.0049b07.01