完整藏文原文 · 德格版页 当前仅加载第 48 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
བཤད་དོ། །ཤ་ར་དྭ་ཏིའི་བུ་སྔོན་བྱུང་བ་འདས་པའི་དུས་ན། བསྐལ་པ་གྲངས་མེད་པའི་ཡང་ཆེས་གྲངས་མེད་པ་ཡངས་པ་ཚད་མེད་པ་བྱུང་བར་གྱུར་པ་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་
D101.048.0122b01.01ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་རྣམས་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་བདེ་བའི་རྒྱལ་པོ་ཞེས་བྱ་བ་འཇིག་རྟེན་དུ་བྱུང་སྟེ། ཤ་ར་དྭ་ཏིའི་བུ་དེ་བཞིན་གཤེགས་པ་བདེ་
D101.048.0122b02.01བའི་རྒྱལ་པོའི་ཚེའི་ཚད་ནི་ལོ་བདུན་ཁྲི་ཐུབ་པར་གྱུར་ཏོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་དེའི་ཉན་ཐོས་འདུས་པ་གཅིག་ནི་དགྲ་བཅོམ་པ་བྱེ་བ་ཕྲག་ཉི་ཤུར་གྱུར་ཏོ། །གཉིས་པ་ནི་དགྲ་བཅོམ་པ་བྱེ་བ་ཕྲག་བཞི་བཅུར་གྱུར་
D101.048.0122b03.01ཏོ། །འདུས་པ་གསུམ་པ་ནི་དགྲ་བཅོམ་པ་བྱེ་བ་ཕྲག་དྲུག་ཁྲིར་གྱུར་ཏོ། །དེའི་ཚེ་འཛམ་བུའི་གླིང་དེ་ནི་ཡངས་ཤིང་རྒྱ་ཆེ་བར་གྱུར་ཏེ། དཔག་ཚད་འབུམ་ཕྲག་དགུ་བཅུ་ཡོད་དོ། །དེའི་ཚེ་འཛམ་བུའི་གླིང་དེ་ན་གྲོང་ཁྱེར་བརྒྱད་ཁྲི་བཞི་སྟོང་བྱུང་བར་གྱུར་ཏོ། །ཐམས་ཅད་
D101.048.0122b04.01ཀྱང་རིན་པོ་ཆེ་སྣ་བདུན་གསེར་དང་། དངུལ་དང་། ཤེལ་དང་། བཻ་དཱུརྱ་དང་། སྤུག་དང་། རྡོའི་སྙིང་པོ་དང་། བདུན་པ་མུ་ཏིག་དམར་པོ་ལས་བྱས་པ་བཀྲ་བ། བལྟ་ན་སྡུག་པ། ཆུ་དང་སྲིད་དུ་ནི་དཔག་ཚད་བཅུ་གཉིས་ཡོད་ལ། ཞེང་དུ་ནི་དཔག་ཚད་བདུན་ཡོད་པའོ། །ཐམས་
D101.048.0122b05.01ཅད་ཀྱང་འབྱོར་པ། རྒྱས་པ། བདེ་བ། ཉམས་དགའ་བ། ལོ་ལེགས་པ། སྐྱེ་བོ་མང་པོས་གང་བའོ། །གྲོང་ཁྱེར་ཆེན་པོ་དེ་དག་ཐམས་ཅད་ཀྱང་ཁོར་ཡུག་ཏུ་ར་བ་རིམ་བདུན་དང་། འོབས་རིམ་བདུན་གྱིས་ཡོངས་སུ་བསྐོར་བའོ། །འོབས་དེ་དག་ཐམས་ཅད་ཀྱང་ཆུས་
D101.048.0122b06.01གང་བ། ཀུན་ནས་རྗེས་སུ་འབབ་པའི་ཆུ་འབབ་པ། ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དག་གིས་ཀུན་དུ་ཁེབས་ཤིང་། ངུར་པ་དག་གིས་སྒྲ་ཕྱུང་བ། བྱ་རྣམ་པ་སྣ་ཚོགས་ཀྱི་ཚོགས་ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། རི་སྐེགས་
D101.048.0122b07.01