完整藏文原文 · 德格版页 当前仅加载第 48 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཡིན་ཏེ། །ཀུན་དགའ་བོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་མི་ཉམས་ཤིང་ཡོངས་སུ་མི་ཉམས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ལྷག་པའི་
D101.048.0200b01.01བསམ་པས་ཕུན་ཚོགས་ནས། །སངས་རྒྱས་མཐོང་བ་ཚོལ་བར་བྱེད། །ཆོས་རྣམས་ཀྱིས་ནི་ཆོག་མི་ཤེས། །བདེན་པའི་ཚིག་ལ་རབ་ཏུ་གནས། །སེམས་ཅན་སྡུག་བསྔལ་རྣམས་མཐོང་ནས། །ལྷག་པའི་བསམ་པ་སྐྱེད་པར་བྱེད། །ལྷག་པའི་བསམ་པ་ཤེས་ནས་སུ། །
D101.048.0200b02.01སེམས་ཅན་རྣམས་ལ་ཆོས་སྟོན་འགྱུར། །དེ་འདྲའི་ཆོས་དག་ཐོས་པ་ན། །ཆོས་རྣམས་ཀྱིས་ནི་ངོམས་པ་མེད། །གང་གིས་དེ་ཡི་ཤེས་འཕེལ་བ། །དེ་ལ་བརྩོན་འགྲུས་རྩོམ་པར་བྱེད། །རྟག་པར་བདེན་ཚིག་སྨྲ་བར་འགྱུར། །བདེན་པའི་ཚིག་ལ་རབ་ཏུ་གནས། །
D101.048.0200b03.01ཇི་ལྟར་དེ་ནི་ཚིག་སྨྲ་བ། །དེ་བཞིན་ཡིན་ཏེ་གཞན་དུ་མིན། །ཆོས་བཞི་པོ་ནི་དེ་དག་ལ། །དུས་དུས་སུ་ནི་སྟེན་པར་བྱེད། །བྱང་ཆུབ་དམ་པ་འཐོབ་པར་འགྱུར། །མིག་གི་དམ་པ་འཕེལ་བར་བྱེད། །གང་གི་རྣམ་སྨིན་དཔག་མེད་ཅིང་། །བསམ་མི་ཁྱབ་པར་བཤད་པ་ཡི། །
D101.048.0200b04.01ཆོས་དེ་འདྲ་བ་ཐོས་ནས་སུ། །ཆོས་རྣམས་ལ་ནི་སུ་མི་གནས། །ཀུན་དགའ་བོ་ཐེག་པ་ཆེན་པོ་ལ་ཡང་དག་པར་ཞུགས་པ་ཆོས་བཞི་དང་ལྡན་ན། །དྲན་པ་ཉམས་པར་མི་འགྱུར་ཞིང་ལྷས་བསྐུལ་བ་ཡང་ཐོབ་ལ། །སྦྱིན་གནས་དང་བྲལ་བར་ཡང་མི་འགྱུར་ཞིང་། གལ་ཏེ་སྦྱིན་
D101.048.0200b05.01གནས་མེད་པར་གྱུར་ན་བདག་ཉིད་ཀྱང་སྦྱིན་གནས་སུ་བྱེད་པ་ཡིན་ཏེ། །བཞི་གང་ཞེ་ན། ཀུན་དགའ་བོ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སེམས་ཅན་ཡང་དག་པར་འཛིན་དུ་འཇུག་པར་སྤྲོ་བ་དང་ལྡན་པ་ཡིན། དེ་
D101.048.0200b06.01བཞིན་གཤེགས་པ་ལ་བསྟི་སྟང་བྱ་བ་སྤྲོ་བ་དང་ལྡན་པ་ཡིན། ཆོས་ཡོངས་སུ་བཙལ་བར་སྤྲོ་བ་དང་ལྡན་པ་ཡིན། ཆོས་སྨྲ་བ་རྣམས་ལ་ཡང་བདེ་བའི་ཡོ་བྱད་ཀྱིས་ཉེ་བར་གནས་པ་ཡིན་ཞིང་། སེམས་ཅན་སྡུག་བསྔལ་བ་དག་མཐོང་ནས་ཀྱང་མི་འཇིགས་པས་དབུགས་འབྱིན་པར་བྱེད་
D101.048.0200b07.01