完整藏文原文 · 德格版页 当前仅加载第 48 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པར་བྱ་བ་མེད་དོ། །གང་ལ་ཡང་ཐོབ་པར་བྱ་བ་མེད་དོ། །ཀུན་དགའ་བོ་དེ་ལྟར་ན་དེ་བཞིན་གཤེགས་པས་ཆོས་མངོན་དུ་བྱའོ་ཞེས་བསྟན་ཀྱང་གང་ཡང་མངོན་དུ་བྱ་བ་མེད་དོ། །གང་གི་ཡང་མངོན་དུ་བྱ་བ་མེད་དོ། །གང་གིས་ཀྱང་མངོན་དུ་བྱ་བ་མེད་དོ། །གང་ལ་
D101.048.0209a01.01ཡང་མངོན་དུ་བྱ་བ་མེད་དོ། །ཀུན་དགའ་བོ་དེ་ལྟར་ན་དེ་བཞིན་གཤེགས་པས་ཆོས་བསྒོམ་པར་བྱའོ་ཞེས་བསྟན་ཀྱང་གང་ལ་ཡང་བསྒོམ་པར་བྱ་བ་མེད་དོ། །གང་གི་ཡང་བསྒོམ་པར་བྱ་བ་མེད་དོ། །གང་གིས་ཀྱང་བསྒོམ་པར་བྱ་བ་མེད་དོ། །གང་ལ་ཡང་བསྒོམ་པར་བྱ་བ་མེད་དོ། །
D101.048.0209a02.01ཀུན་དགའ་བོ་དེ་ལྟར་ན་དེ་བཞིན་གཤེགས་པས་ཆོས་རྣམ་པར་བསྒོམས་སོ་ཞེས་བསྟན་ཀྱང་གང་ཡང་རྣམ་པར་བསྒོམས་པ་མེད་དོ། །གང་གི་ཡང་རྣམ་པར་བསྒོམས་པ་མེད་དོ། །གང་གིས་ཀྱང་རྣམ་པར་བསྒོམས་པ་མེད་དོ། །གང་ལ་ཡང་རྣམ་པར་བསྒོམས་པ་མེད་དོ། །ཀུན་དགའ་བོ་དེ་ལྟར་
D101.048.0209a03.01ན་དེ་བཞིན་གཤེགས་པས་ཆོས་འདུས་བྱས་སོ་ཞེས་བསྟན་ཀྱང་གང་ཡང་འདུས་བྱས་མེད་དོ། །གང་གི་ཡང་འདུས་བྱས་མེད་དོ། །གང་གིས་ཀྱང་འདུས་བྱས་མེད་དོ། །གང་ལ་ཡང་འདུས་བྱས་མེད་དོ། །ཀུན་དགའ་བོ་དེ་ལྟར་ན་དེ་བཞིན་གཤེགས་པས་ཆོས་འདུས་མ་བྱས་སོ་ཞེས་བསྟན་ཀྱང་
D101.048.0209a04.01གང་ཡང་འདུས་མ་བྱས་མེད་དོ། །གང་གི་ཡང་འདུས་མ་བྱས་མེད་དོ། །གང་གིས་ཀྱང་འདུས་མ་བྱས་མེད་དོ། །གང་ལ་ཡང་འདུས་མ་བྱས་མེད་དོ། །ཀུན་དགའ་བོ་དེ་ལྟར་ན་དེ་བཞིན་གཤེགས་པས་ཆོས་རྣམས་ཀུན་ནས་ཉོན་མོངས་པ་ཅན་ནོ་ཞེས་བསྟན་ཀྱང་གང་ཡང་ཀུན་ནས་ཉོན་མོངས་པ་
D101.048.0209a05.01ཅན་མེད་དོ། །གང་གི་ཡང་ཀུན་ནས་ཉོན་མོངས་པ་ཅན་མེད་དོ། །གང་གིས་ཀྱང་ཀུན་ནས་ཉོན་མོངས་པ་ཅན་མེད་དོ། །གང་ལ་ཡང་ཀུན་ནས་ཉོན་མོངས་པ་ཅན་མེད་དོ། །ཀུན་དགའ་བོ་དེ་ལྟར་ན་དེ་བཞིན་གཤེགས་པས་ཆོས་རྣམས་རྣམ་པར་བྱང་བའོ་ཞེས་བསྟན་ཀྱང་གང་ཡང་རྣམ་པར་བྱང་བ་མེད་
D101.048.0209a06.01དོ། །གང་གི་ཡང་རྣམ་པར་བྱང་བ་མེད་དོ། །གང་གིས་ཀྱང་རྣམ་པར་བྱང་བ་མེད་དོ། །གང་ལ་ཡང་རྣམ་པར་བྱང་བ་མེད་དོ། །ཀུན་དགའ་བོ་ཆོས་ཀྱི་ཕྱག་རྒྱ་དེ་ནི་ཆོས་ཐམས་ཅད་ཀྱི་ཕྱག་རྒྱ་སྟེ། ཕྱག་རྒྱ་མེད་པ་ཡིན་ནོ། །མ་བྱས་པའི་ཕྱག་རྒྱ་ཡིན་ནོ། །དབྱེར་མེད་པའི་ཕྱག་རྒྱ་ཡིན་ནོ། །ཀུན་དགའ་
D101.048.0209a07.01