完整藏文原文 · 德格版页 当前仅加载第 48 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པ་པོ་ཡིན་ཞིང་། དེ་ཉིད་མྱོང་བ་པོ་ཡིན་པར་འགྱུར་རོ། །གལ་ཏེ་སེམས་གཞན་གྱིས་སེམས་མངོན་པར་འདུ་བྱེད་ན་ནི་གང་གིས་བྱས་པ་དེ་ནི་དེའི་ཡིན་པར་འགྱུར་ལ། གཞན་གྱིས་བྱས་ན་ཡང་གཞན་གྱིས་མྱོང་བར་འགྱུར་རོ། །ཤ་ར་དྭ་ཏིའི་
D101.048.0172a01.01བུ་དེ་ལྟ་བས་ན་སེམས་ནི་སེམས་ཀྱིས་སྟོང་སྟེ། དེ་ལ་བྱེད་པ་པོ་གང་ཡང་མེད་དོ། །གང་ལ་བྱེད་པ་པོ་མེད་པ་དེས་ནི་ཅུང་ཟད་ཀྱང་བྱས་པ་མེད་དོ། །གང་གིས་ཅུང་ཟད་ཀྱང་བྱས་པ་མེད་པ་དེ་ལ་ནི་བྱེད་པ་དམིགས་སུ་མེད་དོ། །གང་ལ་བྱེད་པ་པོ་མི་དམིགས་པ་
D101.048.0172a02.01དེ་ལ་ནི་རྩོད་པའི་གནས་མེད་དོ། །གང་དག་དེ་ལ་རྩོད་པར་བྱེད་པ་དེ་དག་ནི་མེད་པ་ལ་རྩོད་པར་བྱེད་པའོ། །གང་དག་མེད་པ་ལ་རྩོད་པར་བྱེད་པ་དེ་དག་ནི་སྟོང་པ་ལ་རྩོད་པར་བྱེད་པའོ། །མཚན་མ་མེད་པ་དང་། སྨོན་པ་མེད་པ་ལ་རྩོད་པར་བྱེད་པའོ། །གང་དག་སྟོང་
D101.048.0172a03.01པ་ལ་རྩོད་པར་བྱེད་པ་དེ་དག་ནི་གསོབ་དང་གསོག་ལ་རྩོད་པར་བྱེད་པའོ། །གང་དག་གསོབ་དང་གསོག་ལ་རྩོད་པར་བྱེད་པ་དེ་དག་ནི་དེ་བཞིན་གཤེགས་པ་དང་ལྷན་ཅིག་དུ་རྩོད་པར་བྱེད་པའོ། །གང་དག་དེ་བཞིན་གཤེགས་པ་དང་ལྷན་ཅིག་ཏུ་རྩོད་པར་བྱེད་པ་དེ་དག་ནི་གཡང་ས་
D101.048.0172a04.01ཆེན་པོར་ལྟུང་བར་བྱེད་པ་ཡིན་ནོ། །ཤ་ར་དྭ་ཏིའི་བུ་གཡང་ས་ཆེན་པོ་ཡང་གང་ཞེ་ན། འདི་ལྟ་སྟེ་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ནོ། །ཤ་ར་དྭ་ཏིའི་བུ་གཡང་སའི་ཕུལ་ནི་འདི་ཡིན་ཏེ། འདི་ལྟ་སྟེ་དམིགས་པར་ལྟ་བ་དང་། ཕུང་པོར་ལྟ་བ་དང་།
D101.048.0172a05.01ཁམས་སུ་ལྟ་བ་དང་། སྐྱེ་མཆེད་དུ་ལྟ་བ་དང་། སྲོག་ཏུ་ལྟ་བ་དང་། འབྱུང་བར་ལྟ་བ་དང་། འཇིག་པར་ལྟ་བ་དང་། སེམས་ཅན་དུ་ལྟ་བ་དང་། གང་ཟག་ཏུ་ལྟ་བའོ། །ཤ་ར་དྭ་ཏིའི་བུ་མདོར་ན་མྱ་ངན་ལས་འདས་པར་ལྟ་བ་ཡང་དམིགས་པ་ཡིན། སངས་རྒྱས་སུ་ལྟ་
D101.048.0172a06.01བ་དང་། ཆོས་སུ་ལྟ་བ་དང་། དགེ་འདུན་དུ་ལྟ་བ་ཡང་དམིགས་པ་ཡིན་ཏེ། ལྟ་བ་དེ་དག་ལ་ཆགས་པའི་བྱིས་པ་སོ་སོའི་སྐྱེ་བོ་རྣམས་ནི་གཡང་ས་ཆེན་པོར་ལྟུང་བར་འགྱུར་ཏེ། གཡང་ས་ཆེན་པོ་ནི་འདི་ལྟ་སྟེ། འཁོར་བ་དེ་ཡིན་པར་ཟད་དོ། །བྱང་ཆུབ་ཀྱི་སེམས་
D101.048.0172a07.01