完整藏文原文 · 德格版页 当前仅加载第 48 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
པར་མཛད་ཅིང་། སེམས་ཅན་རྣམས་ལ་ཆོས་སྟོན་པར་མཛད་ཀྱང་། མཽད་གལ་གྱི་བུ་དེ་བཞིན་གཤེགས་པའི་ཆོས་གོས་གསོལ་བ་ལས་སེམས་ཅན་ཇི་སྙེད་ཀྱི་དོན་མཛད་པ་དང་། དེ་ལས་ཆོས་བསྟན་པ་ཇི་ལྟ་བུ་འབྱུང་བ་ཡང་ཉན་ཐོས་ཐམས་ཅད་ཀྱིས་
D101.048.0041a01.01ཀུན་ཤེས་པར་མི་ནུས་ཏེ། མཽད་གལ་གྱི་བུ་དེ་ལ་ཡང་ཁྱོད་སྤོབས་པར་མི་འགྱུར་ན་དེ་བཞིན་གཤེགས་པའི་སྤྱོད་ཡུལ་རབ་ཏུ་ཤེས་པ་ལྟ་ཅི་སྨོས་ཏེ་དེ་ནི་གནས་མེད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་པད་མ་ཆེན་པོ་དེ་བཞེས་ནས། བྱང་ཆུབ་སེམས་དཔའ་སེམས་
D101.048.0041a02.01དཔའ་ཆེན་པོ་བཟང་སྐྱོང་ལ་སོགས་པ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་གྲོང་ཁྱེར་ཡོངས་སུ་སྐྱོང་བར་བྱེད་པ་དེ་དག་ལ་བཀའ་སྩལ་པ། རིགས་ཀྱི་བུ་དག་ཁྱེད་ཀྱིས་དེ་བཞིན་གཤེགས་པའི་ཆོས་ཀྱི་གཏེར་དེ་བསྲུང་བའམ། སྦ་བའམ།
D101.048.0041a03.01དེ་བཞིན་གཤེགས་པའི་སྤྱོད་ཡུལ་ཀུན་ཤེས་པའམ། བརྗོད་པའམ། བསྟན་པའམ། ཡང་དག་པར་རབ་ཏུ་བསྟན་པར་ནུས་སམ། དེ་དག་གིས་གསོལ་པ། བཅོམ་ལྡན་འདས་རྔོ་ཐོགས་ལགས་སོ། །བཀའ་སྩལ་པ། རིགས་ཀྱི་བུ་དག་དེའི་ཕྱིར་ཁྱེད་ཀྱིས་
D101.048.0041a04.01ཆོས་གང་དང་གང་ཁོ་ན་སྟོན་པ་དེ་ཐམས་ཅད་དེ་བཞིན་གཤེགས་པའི་གཏེར་དེ་བཞིན་གཤེགས་པའི་སྤྱོད་ཡུལ་ལ་རྣམ་པར་བལྟས་ནས་བསྟན་པར་བྱའོ། །རིགས་ཀྱི་བུ་དག་གང་སངས་རྒྱས་ཀྱི་ཡེ་ཤེས་ཡོངས་སུ་རྫོགས་པ་དང་། སངས་རྒྱས་ཀྱི་བྱང་ཆུབ་ཡོངས་སུ་
D101.048.0041a05.01རྫོགས་པ་དང་། སངས་རྒྱས་ཀྱི་ཡེ་ཤེས་གྲུབ་པ་དང་། སངས་རྒྱས་ཀྱི་བྱང་ཆུབ་གྲུབ་པ་ཡང་དག་པར་བརྗོད་པས་བརྗོད་པ་དེས་ན་རིགས་ཀྱི་བུ་དག་དེ་བཞིན་གཤེགས་པའི་སྤྱོད་ཡུལ་དེ་ཡང་དག་པར་བརྗོད་པས་བརྗོད་པར་བྱའོ། །རིགས་ཀྱི་བུ་དག་གང་དུ་དམིགས་
D101.048.0041a06.01པ་མཐོང་བ་དེར་དེ་བཞིན་གཤེགས་པའི་སྤྱོད་ཡུལ་ལ་རྣམ་པར་བལྟས་ནས་ངེས་པར་བསྟན་པར་བྱའོ། །དེ་བཞིན་གཤེགས་པས་ཆོས་བསྟན་པ་དེ་ནི་གང་དུ་སེམས་ཅན་གྱི་སྤྱོད་པ་མཐོང་བ་དེར་དེ་བཞིན་གཤེགས་པའི་སྤྱོད་ཡུལ་ལ་རྣམ་པར་བལྟས་ནས་སེམས་ཅན་དེ་
D101.048.0041a07.01