完整藏文原文 · 德格版页 当前仅加载第 48 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
དག་བྱེད་ཅིང་། དེའི་ཚེ་དེས་མི་རྟག་པ་དང་། སྡུག་བསྔལ་བ་དང་། བདག་མེད་པའི་སྒྲ་ཐོས་སོ། །དེའི་ཚེ་དེ་འདོད་པའི་ཡོན་ཏན་དག་ལས་ཡིད་བྱུང་བར་གྱུར་ཏེ། མ་ཆགས་པའི་ཡིད་དང་། སྐྲག་པའི་ཡིད་དང་། སྐྱོ་བའི་ཡིད་དང་ལྡན་པས་དེ་བཞིན་
D101.048.0034a01.01གཤེགས་པ་རབ་ཀྱི་རྩལ་གྱིས་རྣམ་པར་གནོན་པ་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་དེའི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་པ་དང་། འོངས་པ་དེ་ལ་བཅོམ་ལྡན་འདས་དེས་སྔོན་གྱི་དགེ་བའི་རྩ་བ་གླེང་བ་མཛད་དེ། དེས་དེ་ཐོས་ནས་འདི་
D101.048.0034a02.01སྙམ་དུ་སེམས་ཏེ། དེ་བཞིན་གཤེགས་པ་དེ་ནི་འདི་ལྟར་སྒྲིབ་པ་མི་མངའ་བའི་ཡེ་ཤེས་གཟིགས་པ་དང་ལྡན་ཏེ། བཅོམ་ལྡན་འདས་དེ་ནི་དུས་དེ་སྲིད་འདས་ཀྱང་དགེ་བའི་རྩ་བ་དག་ཐུགས་སུ་ཆུད་ཀྱི། བདག་གིས་ནི་དེ་ལས་དགེ་བའི་རྩ་བ་གཅིག་ཀྱང་མི་ཤེས་སོ་སྙམ་
D101.048.0034a03.01མོ། །འདི་ལྟ་སྟེ། སངས་རྒྱས་བཅོམ་ལྡན་འདས་དེ་སྙེད་ལ། འདོད་པའི་ཡོན་ཏན་གྱི་སྦག་པས་སྦགས་པ། རྒྱལ་སྲིད་ཀྱི་སྦག་པས་སྦགས་པ། དབང་ཕྱུག་གིས་སྦགས་པ་བདག་གིས་དགེ་བའི་རྩ་བ་དག་བྱས་ཤིང་བྱས་ནས་ཀྱང་མངོན་པར་མི་ཤེས་ལ། བྱང་ཆུབ་ཏུ་
D101.048.0034a04.01ཡང་ཡོངས་སུ་མ་བསྔོས་སུ་ཟིན་ཀྱང་གང་ད་ལྟར་བདག་དགེ་བའི་རྩ་བ་གང་ངེས་པར་མངོན་པར་འདུ་བྱེད་པ་དེ་སེམས་ཅན་ཐམས་ཅད་ཀྱི་དོན་དུ་ཡོངས་སུ་བསྔོ་བར་གྱུར་ཅིག །གང་དང་གང་དུ་སོ་སོར་སྐྱེ་བ་དང་། གང་དང་གང་དུ་སྐྱེ་བ་དང་། སངས་རྒྱས་ཀྱི་ཞིང་གང་དང་གང་
D101.048.0034a05.01དུ་འགྲོ་བར་གྱུར་པ་ཐམས་ཅད་དུ་སེམས་ཅན་དེ་དག་ལ་རང་རང་གི་སྒྲ་མངོན་པར་བརྗོད་པས་སྒྲ་འབྱིན་པར་གྱུར་ཅིག །དེ་ཐམས་ཅད་ཀྱང་སེམས་ཅན་རྣམས་ཀྱིས་མི་རྟག་པ་དང་། སྡུག་བསྔལ་བ་དང་། བདག་མེད་པའི་སྒྲ་ཐོས་པར་གྱུར་ཅིག །འཇིག་རྟེན་གྱི་ཁམས་དེ་
D101.048.0034a06.01དག་ན་རྩྭ་དང་། ནགས་ཚལ་གང་དག་ཡོད་པ་དག་ཐ་ན་སོར་བཞི་ཙམ་པ་དག་ཀྱང་རུང་སྟེ། ཐམས་ཅད་ལས་མི་རྟག་པ་དང་། སྡུག་བསྔལ་བ་དང་། བདག་མེད་པའི་སྒྲ་འབྱུང་བར་གྱུར་ཅིག །སྒྲ་དེ་ཡང་སེམས་ཅན་ཐམས་ཅད་ཀྱིས་ཐོས་པར་གྱུར་ཅིག །ཚོགས་ཀྱི་དགེ་
D101.048.0034a07.01