完整藏文原文 · 德格版页 当前仅加载第 48 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ནི་འབྱུང་བ་དཀོན། །དལ་བ་དེ་འདྲ་འང་རྙེད་པར་དཀའ། །དེར་ནི་དལ་བའང་འཐོབ་འགྱུར་ཞིང་། །ཐོབ་ནས་ཀྱང་ནི་ཡིད་མི་འབྱུང་། །གང་ལས་ཡེ་ཤེས་འཐོབ་འགྱུར་བའི། །མངོན་འབྱུང་དེ་ལ་སྟེན་པར་བྱེད། །རངས་དང་མཆོག་ཏུ་དགའ་བསྐྱེད་ནས། །ཡེ་ཤེས་
D101.048.0193a01.01དམ་པ་ཚོལ་བར་བྱེད། །གང་ལས་བྱང་ཆུབ་འཐོབ་འགྱུར་བའི། །ཆོས་ལའང་རྟག་པར་གནས་པར་བྱེད། །ཤ་ར་དྭ་ཏིའི་བུ་ཐེག་པ་ཆེན་པོ་ལ་ཡང་དག་པར་ཞུགས་པ་ཆོས་བཞི་དང་ལྡན་ན་བདག་ཉིད་ཀྱིས་བདག་ཉིད་དབུགས་འབྱིན་ཅིང་མཆོག་ཏུ་དགའ་བ་སྐྱེས་ནས་ཀྱང་གནས་པར་བྱེད་དོ། །
D101.048.0193a02.01བཞི་གང་ཞེ་ན། ཤ་ར་དྭ་ཏིའི་བུ་འདི་ལ་ཐེག་པ་ཆེན་པོ་ལ་ཡང་དག་པར་ཞུགས་ནས་ལོངས་སྤྱོད་ཀྱི་ཕུང་པོའི་བདོག་པ་ཐམས་ཅད་ཡོངས་སུ་གཏོང་བ་ཡིན། ཚུལ་ཁྲིམས་ཀྱི་ཕུང་པོའི་ཡོན་ཏན་ཐམས་ཅད་ལ་རབ་ཏུ་གནས་པ་ཡིན། ཆོས་ཟབ་མོ་རྣམས་ཀྱིས་ཡེ་ཤེས་ཐམས་ཅད་མངོན་དུ་འཕགས་
D101.048.0193a03.01པ་ཡིན་ཞིང་མངོན་དུ་འཕགས་ནས་ལུས་དང་སྲོག་གཏོང་བར་བྱེད་ཀྱང་ཆོས་གཏོང་བར་མི་བྱེད་པ་ཡིན། དགེ་སློང་ཆོས་སྨྲ་བ་དམ་པའི་ཆོས་ཡོངས་སུ་འཛིན་པ་མདོ་སྡེ་དེ་ལྟ་བུ་འཛིན་པ་རྣམས་ལ་ཡང་བདེ་བའི་ཡོ་བྱད་ཐམས་ཅད་ཀྱིས་སྤྲོ་བར་བྱ་བ་ལ་ཞུགས་པ་ཡིན་ཏེ། ཤ་ར་དྭ་ཏིའི་བུ་ཐེག་པ་
D101.048.0193a04.01ཆེན་པོ་ལ་ཡང་དག་པར་ཞུགས་པ་ཆོས་བཞི་པོ་དེ་དག་དང་ལྡན་ན་བདག་ཉིད་ཀྱིས་བདག་ཉིད་ལུང་སྟོན་པ་དང་། དབུགས་འབྱིན་པ་མང་བ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ལོངས་སྤྱོད་རྣམས་ནི་ཀུན་བགེད་བྱེད། །ཚུལ་ཁྲིམས་
D101.048.0193a05.01ཕུང་པོར་ཤིན་ཏུ་གནས། །ཆོས་རྣམས་ལ་ནི་མངོན་དུ་འཕགས། །སྟོང་པའི་ཆོས་ལ་ཐེ་ཚོམ་མེད། །གང་དག་ཆོས་ནི་སྟོན་པ་ཡི། །ཆོས་དེ་ཡང་ནི་ཡོངས་སུ་འཛིན། །གང་དག་ཆོས་ནི་སྟོན་པ་ལའང་། །བདེ་བར་སྒྲུབ་པས་ཞུགས་པ་ཡིན། །དེ་ཕྱིར་དེ་ནི་དགའ་བ་འཐོབ། །
D101.048.0193a06.01མཆོག་ཏུ་དགའ་བའང་དེ་ཡིས་འཐོབ། །མི་མཆོག་སངས་རྒྱས་འགྱུར་བར་ནི། །བདག་ཉིད་ལ་ཡང་ལུང་སྟོན་ཏོ། །དེ་ལ་སངས་རྒྱས་ལུང་སྟོན་མཛད། །གང་དག་འདས་དང་མ་བྱོན་དང་། །གང་དག་བྱུང་བའི་རྫོགས་སངས་རྒྱས། །དེ་དག་རྒྱལ་བར་ལུང་ཡང་སྟོན། །སངས་རྒྱས་ཐེག་པ་
D101.048.0193a07.01