完整藏文原文 · 德格版页 当前仅加载第 48 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་སོ། །དེ་ནས་ཁྱིམ་བདག་བརྟན་པའི་སྡེ་ངུས་སོ། །དེ་ནས་ལྷ་དེས་ཁྱིམ་བདག་བརྟན་པའི་སྡེ་དེ་ལ་འདི་སྐད་ཅེས་སྨྲས་སོ། །ཁྱིམ་བདག་ཁྱོད་ཅིའི་ཕྱིར་རངས་པ་སྐྱེས་ནས་ཕྱིས་ངུས། དེ་སྐད་ཅེས་སྨྲས་པ་དང་། ཁྱིམ་བདག་བརྟན་པའི་སྡེས་ལྷ་
D101.048.0136a01.01དེ་ལ་སྨྲས་པ། ལྷ་ཁྱོད་ཀྱིས་དེ་བཞིན་གཤེགས་པ་ཡོད་དོ་ཞེས་དེ་སྐད་ཅེས་སྨྲས་པ་དེ་ལ་བདག་རངས་པ་སྐྱེས་སོ། །གང་དེ་བཞིན་གཤེགས་པ་མེད་དོ་ཞེས་དེ་སྐད་ཅེས་སྨྲས་པ་དེ་ལ་བདག་ངུས་ཏེ། ལྷ་འདི་ལྟར་དེ་བཞིན་གཤེགས་པ་བདག་གིས་མ་མཐོང་བས་བདག་འཚོ་
D101.048.0136a02.01བ་ནི་དོན་མེད་དོ། །དེ་ནས་ལྷ་དེས་ཁྱིམ་བདག་བརྟན་པའི་སྡེ་ལ་འདི་སྐད་ཅེས་སྨྲས་སོ། །ཁྱིམ་བདག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་ཡོངས་སུ་མྱ་ངན་ལས་འདའ་བ་ན་དགེ་སློང་
D101.048.0136a03.01ཆོས་སྨྲ་བ་ཆོས་སྟོན་པ་འོད་གྲགས་པ་ཞེས་བྱ་བ་བྱིན་གྱིས་བརླབས་པ་ཡོད་དེ། ཁྱིམ་བདག་ཆོས་སྨྲ་བ་དེ་ནི་བཅོམ་ལྡན་འདས་དེས་ཇི་སྙེད་ཀྱི་ཆོས་བསྟན་པ་མཛད་པ་དེ་ཐམས་ཅད་ཀུན་འཛིན་པར་བྱེད་ཀྱི་ཆུད་གཟོན་པར་མི་བྱེད་དོ། །ཁྱིམ་བདག་དགེ་སློང་དེ་ནི་བཅོམ་ལྡན་
D101.048.0136a04.01འདས་དེའི་ཆོས་ཀྱི་མཛོད་འཛིན་པའོ། །དེ་ནས་ཁྱིམ་བདག་བརྟན་པའི་སྡེས་ལྷ་དེ་ལ་འདི་སྐད་ཅེས་སྨྲས་སོ། །ལྷ་ཆོས་སྨྲ་བ་དེ་ད་ལྟར་གང་ན་གནས། ལྷས་སྨྲས་པ། ཁྱིམ་བདག་ཆོས་སྨྲ་བ་འོད་གྲགས་པ་དེ་ནི་ད་ལྟར་སེར་སྐྱའི་གྲོང་ཁྱེར་གྱི་རྒྱལ་པོའི་ཕོ་བྲང་ན་གནས་ཏེ།
D101.048.0136a05.01རྒྱལ་པོའི་ཕོ་བྲང་དེ་ནི་འདི་ནས་ཤར་ཕྱོགས་སུ་དཔག་ཚད་དྲུག་སྟོང་སུམ་བརྒྱ་འདས་པ་ན་ཡོད་དོ། །དེ་ནས་ཁྱིམ་བདག་བརྟན་པའི་སྡེས་དེའི་མཚན་མོ་འདས་ནས། འགྲོན་བུ་བྱེ་བ་ཕྲག་བརྒྱད་ཅུ་ཐོགས་ཤིང་གསེར་སྲང་བྱེ་བ་ཕྲག་བརྒྱད་ཅུ་ཐོགས་ནས། གཡོག་འཁོར་མང་པོ་དང་
D101.048.0136a06.01སེར་སྐྱའི་རྒྱལ་པོའི་ཕོ་བྲང་ག་ལ་བ་དེར་སོང་སྟེ་ཕྱིན་ནས། ཆོས་སྨྲ་བ་འོད་གྲགས་པ་ག་ལ་བ་དེར་སོང་སྟེ་རྐང་པ་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། །ཁྱིམ་བདག་བརྟན་པའི་སྡེ་ཕྱོགས་གཅིག་ཏུ་འདུག་པ་ལ་ཡང་ཆོས་སྨྲ་བ་འོད་གྲགས་པས་འདི་ལྟ་སྟེ་
D101.048.0136a07.01