完整藏文原文 · 德格版页 当前仅加载第 48 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོས་པ་ལྟ་བུར་གཟུང་དུ་མེད་པའོ། །ཤ་ར་དྭ་ཏིའི་བུ་ཀྱེ་མ་འཇིག་རྟེན་གནས་པ་འདི་ནི་ཕྱིན་ཅི་ལོག་ཏུ་ཀུན་བརྟགས་པའི་ཕྱིར་སྒྱུ་མ་ལྟ་བུའོ། །ཤ་ར་དྭ་ཏིའི་བུ་ཀྱེ་མ་འཇིག་རྟེན་གནས་པ་འདི་ནི་ནམ་མཁའ་ལ་ཀུན་དུ་རྒྱུག་པའི་ཀུན་དུ་རྟོགས་པས་ཡོངས་སུ་བཅད་པའི་ཕྱིར་
D101.048.0037b01.01སྨིག་རྒྱུ་ལྟ་བུའོ། །ཤ་ར་དྭ་ཏིའི་བུ་ཀྱེ་མ་འཇིག་རྟེན་གནས་པ་འདི་ནི་དངོས་པོར་གཟུང་དུ་མེད་པའི་ཕྱིར་མིག་ཡོར་ལྟ་བུའོ། །ཤ་ར་དྭ་ཏིའི་བུ་ཀྱེ་མ་འཇིག་རྟེན་གནས་པ་འདི་ནི་ནམ་མཁའི་ཀུན་དུ་རྟོག་པའི་ལས་ཀྱིས་ཀུན་ནས་བསླང་བའི་ཕྱིར་བྲག་ཅ་ལྟ་བུའོ། །ཤ་ར་དྭ་
D101.048.0037b02.01ཏིའི་བུ་འཇིག་རྟེན་གནས་པ་འདི་ཇི་ལྟ་བ་བཞིན་དུ་ཤ་ར་དྭ་ཏིའི་བུ་འཇིག་རྟེན་གནས་པ་འདི་ཕྱིན་ཅི་ལོག་ཏུ་དེ་བཞིན་གཤེགས་པས་མངོན་པར་རྫོགས་པར་སངས་རྒྱས་སོ། །ཤ་ར་དྭ་ཏིའི་བུ་ཀྱེ་མ་འཇིག་རྟེན་གནས་པ་འདི་ནི་གསོག་ཡིན་ཏེ། ཀྱེ་མ་འཇིག་རྟེན་གནས་པ་འདི་ནི་
D101.048.0037b03.01ཆགས་པ་མེད་པར་དེ་བཞིན་གཤེགས་པས་མངོན་པར་རྫོགས་པར་སངས་རྒྱས་སོ། །ཤ་ར་དྭ་ཏིའི་བུ་འཇིག་རྟེན་འདི་ནི་རོ་མྱང་བ་མེད་པ་དང་། ཉེས་དམིགས་དང་། ངེས་པར་འབྱུང་བ་མེད་པའི་བར་དུ་ཡང་དག་པ་ཇི་ལྟ་བ་བཞིན་དུ་ངས་མངོན་པར་མཁྱེན་ཏེ། དེ་ལྟར་ངས་བླ་ན་
D101.048.0037b04.01མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་བདག་ཉིད་མངོན་པར་མཁྱེན་ཏོ། །ཤ་ར་དྭ་ཏིའི་བུ་ངས་འཇིག་རྟེན་འདི་ཇི་ལྟ་བ་བཞིན་དུ་མངོན་པར་མཁྱེན་པ་དེ་བཞིན་དུ་འཇིག་རྟེན་ཀུན་འབྱུང་བ་དང་། འཇིག་རྟེན་འགོག་པར་འགྱུར་བའི་ལམ་ཡང་
D101.048.0037b05.01མངོན་པར་མཁྱེན་ཏེ། ཤ་ར་དྭ་ཏིའི་བུ་ད་ལྟར་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་བདག་ཉིད་མངོན་པར་མཁྱེན་ཏོ། །ཤ་ར་དྭ་ཏིའི་བུ་དེ་ལ་འཇིག་རྟེན་གང་ཞེ་ན། ཤ་ར་དྭ་ཏིའི་བུ་འཇིག་རྟེན་ཞེས་བྱ་བ་ནི་ཕུང་པོ་ལྔ་དག་གོ། །
D101.048.0037b06.01ལྔ་གང་ཞེ་ན། གཟུགས་ཀྱི་ཕུང་པོ་དང་། ཚོར་བའི་ཕུང་པོ་དང་། འདུ་ཤེས་ཀྱི་ཕུང་པོ་དང་། འདུ་བྱེད་ཀྱི་ཕུང་པོ་དང་། རྣམ་པར་ཤེས་པའི་ཕུང་པོའོ། །ཤ་ར་དྭ་ཏིའི་བུ་དེ་ལ་གཟུགས་ཀྱི་ཕུང་པོ་གང་ཞེ་ན། ཤ་ར་དྭ་ཏིའི་བུ་གཟུགས་ཀྱི་ཕུང་པོ་ནི་དེ་བཞིན་གཤེགས་
D101.048.0037b07.01