完整藏文原文 · 德格版页 当前仅加载第 48 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
མཚམས་རྣམས་སུ་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་དག་ཏུ་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་དག་ལ་བཅོམ་ལྡན་འདས་ཆོས་བསྟན་དུ་གསོལ། བདེ་བར་གཤེགས་པ་ཆོས་བསྟན་དུ་གསོལ་ཞེས་ཆོས་ཀྱི་འཁོར་ལོ་
D101.048.0035a01.01བསྐོར་བར་བསྐུལ་ཅིང་གསོལ་བ་བཏབ་བོ། དེ་ཕྱིན་ཆད་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་བསྒྲགས་པའི་སྟོབས་ཀྱིས་འབར་བ་དེ་སངས་རྒྱས་ཀྱི་ཞིང་ཡོངས་སུ་མ་དག་པར་ནམ་ཡང་མ་སྐྱེས་ཤིང་མངལ་དུ་སྐྱེ་བ་ནམ་ཡང་ཡོངས་སུ་མ་བཟུང་ངོ་། །
D101.048.0035a02.01སངས་རྒྱས་ཀྱི་ཞིང་གང་དང་གང་དུ་སོང་བའི་སངས་རྒྱས་ཀྱི་ཞིང་དེ་ན་ཡལ་གའམ། འདབ་མའམ། ལོ་མའམ། ཤིང་ལྗོན་པའམ། ནགས་ཚལ་གང་དག་ཡོད་པ་དེ་དག་ཐམས་ཅད་ལས་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པའི་སྒྲ་
D101.048.0035a03.01དག་གྲག་གོ། །འཇིག་རྟེན་གྱི་ཁམས་དེ་དག་ན་སེམས་ཅན་གང་དག་འཁོད་པ་དེ་དག་ཀྱང་དེའི་ཚེ་རང་རང་གི་སྒྲ་རབ་ཏུ་བརྗོད་དེ། ཕན་ཚུན་སྒྲ་ཐོས་ཤིང་མི་རྟག་པ་དང་། སྡུག་བསྔལ་བ་དང་། བདག་མེད་པའི་སྒྲ་ཐོས་སོ། །ཤ་ར་དྭ་ཏིའི་བུ་དེའི་ཚེ་དེའི་དུས་ན་དེ་བཞིན་
D101.048.0035a04.01གཤེགས་པ་རབ་ཀྱི་རྩལ་གྱིས་རྣམ་པར་གནོན་པའི་ཁྱུ་མཆོག་རྒྱལ་པོ་དེ་ལས་སྔོན་གྱི་ཚོགས་ཀྱི་དགེ་བའི་རྩ་བ་ཐོས་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དགེ་བའི་རྩ་བ་དེ་ཡང་སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་
D101.048.0035a05.01ཆུབ་ཏུ་ཡོངས་སུ་བསྔོས་ཤིང་ལུས་ཐོབ་པ་དེས་ཀྱང་མངོན་པར་ཤེས་པ་རྣམས་སོ་སོར་ཐོབ་ལ། ཏིང་ངེ་འཛིན་གྱི་སྟོབས་བསྐྱེད་པས་ཀྱང་ཤར་ཕྱོགས་སུ་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་ཏུ་སོང་ནས། སངས་རྒྱས་བཅོམ་ལྡན་འདས་བྱང་ཆུབ་ཀྱི་སྙིང་པོ་
D101.048.0035a06.01དམ་པ་ན་བཞུགས་པ་གང་གཱའི་ཀླུང་གི་བྱེ་མ་སྙེད་དག་ལ་ཆོས་ཀྱི་འཁོར་ལོ་བསྐོར་བར་བསྐུལ་ཅིང་གསོལ་བ་བཏབ་ལ། དེ་བཞིན་དུ་ཕྱོགས་བཅུ་ཐམས་ཅད་དུ་སོང་ནས་རྒྱས་པར་བྱས་པའི་འཁོར་ལོས་སྒྱུར་བའི་རྒྱལ་པོ་རྣམ་པར་བསྒྲགས་པའི་སྟོབས་ཀྱིས་འབར་བ་ཞེས་
D101.048.0035a07.01