完整藏文原文 · 德格版页 当前仅加载第 48 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
འོན་ཀྱང་དེ་ནི་བསྐལ་པ་གྲངས་མེད་དཔག་ཏུ་མེད་པའི་ལས་ཡིན་ནོ། །ཤ་ར་དྭ་ཏིའི་བུ་རེ་ཞིག་སེམས་དང་པོ་བསྐྱེད་པའི་བསོད་ནམས་ཀྱི་ཕུང་པོ་གང་ཡིན་པ་དེ་ཉིད་ཀྱི་བསོད་ནམས་ཀྱི་ཕུང་པོ་ངན་ངོན་ཙམ་དང་། གསོག་ཙམ་དང་། ཅུང་ཟད་ཙམ་གྱི་ཡོན་ཏན་དེ་དག་ཀྱང་རེ་
D101.048.0134a01.01ཞིག་བསྐལ་པ་བརྒྱ་དང་། བསྐལ་པ་སྟོང་དང་། བསྐལ་པ་འབུམ་གྱིས་ཀྱང་བགྲོད་པར་མི་ནུས་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སེམས་བསྐྱེད་པའི་ཚད་ཤེས་པར་འགྱུར་བ་ལྟ་ཅི་སྨོས་ཏེ་དེ་ནི་གནས་མེད་དོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་
D101.048.0134a02.01རྣམས་ཀྱི་སྤྱོད་པ་ནི་ཡེ་ཤེས་ཆེན་པོ་དོན་དུ་གཉེར་བ་ཉིད་ཀྱི་ཕྱིར་ཚོགས་དཔག་ཏུ་མེད་པའོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་རྣམས་ཀྱི་སྤྱོད་པ་ནི་སེམས་ཅན་གྲངས་མེད་པ་ཡོངས་སུ་སྨིན་པར་འགྱུར་བས་ཟད་མི་ཤེས་པའོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་རྣམས་ཀྱི་
D101.048.0134a03.01སྤྱོད་པ་ནི་ཆོས་ཟབ་མོ་མངོན་པར་རྫོགས་པར་བྱང་ཆུབ་པ་ཉིད་ཀྱི་ཕྱིར་ཁོང་དུ་ཆུད་པར་དཀའ་བའོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་རྣམས་ཀྱི་སྤྱོད་པ་ནི་ཆོས་ཐམས་ཅད་ལ་རྟེན་པ་མེད་པ་ཉིད་ཀྱི་ཕྱིར་ཟབ་པའོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་རྣམས་ཀྱི་སྤྱོད་པ་ནི་སངས་
D101.048.0134a04.01རྒྱས་ཀྱི་ཡེ་ཤེས་མཐའ་ཡས་པ་ཉིད་ཀྱི་ཕྱིར་མཐའ་ཡས་མུ་མེད་པའོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་རྣམས་ཀྱི་སྤྱོད་པ་ནི་ཚད་མེད་པའི་ཕྱིར་ལས་མཐར་ཐུག་པ་མེད་པའོ། །ཤ་ར་དྭ་ཏིའི་བུ་སེམས་ཅན་དེ་ཙམ་ཡོངས་སུ་མྱ་ངན་ལས་འདའ་བར་བྱ། སྦྱིན་པ་དེ་ཙམ་སྦྱིན་པར་བྱ།
D101.048.0134a05.01ཚུལ་ཁྲིམས་དེ་ཙམ་དང་། བཟོད་པ་དེ་ཙམ་དང་། བརྩོན་འགྲུས་དེ་ཙམ་དང་། བསམ་གཏན་དེ་ཙམ་དང་། ཤེས་རབ་དེ་ཙམ་བསྒོམ་པར་བྱ། དུས་དེ་ཙམ་གྱིས་འདི་ཕན་ཆད་བསྒོམ་པར་བྱ། འདི་ཕན་ཆད་བསྒོམ་པར་མི་བྱའོ་སྙམ་མོད་ཀྱི་འོན་ཀྱང་བྱང་ཆུབ་སེམས་དཔའ་རྣམས་ཀྱི་
D101.048.0134a06.01སྤྱོད་པ་ནི་མཐར་ཐུག་པ་མེད་པ་ཁོ་ནའོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་རྣམས་ཀྱིས་ནི་འདི་ལྟ་སྟེ། བྱང་ཆུབ་ཀྱི་སྙིང་པོའི་མཐར་ཐུག་པ་གཅིག་པུ་ཁོ་ན་མཐོང་སྟེ། དེ་ལ་ཆོས་ཐམས་ཅད་ཤིན་ཏུ་བྱང་བ་དྲི་མ་མེད་པ་ཞེས་བྱ་བའི་ཏིང་ངེ་འཛིན་ཐོབ་ནས། ཆོས་ཐམས་ཅད་མངོན་པར་རྫོགས་
D101.048.0134a07.01