完整藏文原文 · 德格版页 当前仅加载第 48 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཆོས་ཀྱི་རྒྱལ་པོ་གང་གིས་བཅོམ་ལྡན་འདས་དེ་བཞིན་གཤེགས་པ་བདེ་བའི་རྒྱལ་པོ་དེ་ལ་ལོངས་སྤྱོད་དུ་རྒྱལ་སྲིད་ཕུལ་ཞིང་ཁྱིམ་ནས་ཁྱིམ་མེད་པར་རབ་ཏུ་བྱུང་བ་དེ་གཞན་ཞིག་ཡིན་པ་སྙམ་དུ་ཁྱོད་སོམ་ཉིའམ། ཡིད་གཉིས་ཟ་བར་གྱུར་ན། ཤ་ར་དྭ་ཏིའི་བུ་ཁྱོད་
D101.048.0128a01.01ཀྱིས་དེ་ལྟར་བལྟ་བར་མི་བྱའོ། །དེ་ཅིའི་ཕྱིར་ཞེ་ན། ང་ནི་དེའི་ཚེ་དེའི་དུས་ན་རྒྱལ་པོ་དཔས་བྱིན་ཞེས་བྱ་བ་དེར་གྱུར་ཏོ། །ཤ་ར་དྭ་ཏིའི་བུ་དེའི་ཚེ་དེའི་དུས་ན་རྒྱལ་པོའི་གཞོན་ནུ་བསོད་ནམས་མཆོག་ཅེས་བྱ་བ་བྱུང་བར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་སོམ་ཉིའམ་ཡིད་གཉིས་
D101.048.0128a02.01ཟ་བར་གྱུར་ན། དེ་ལྟར་བལྟ་བར་མི་བྱ་སྟེ། ཤ་ར་དྭ་ཏིའི་བུ་དེའི་ཚེ་དེའི་དུས་ན་བྱང་ཆུབ་སེམས་དཔའ་སེམས་དཔའ་ཆེན་པོ་བརྟན་པའི་བླ་གྲོས་འདི་ནི་རྒྱལ་པོའི་གཞོན་ནུ་བསོད་ནམས་མཆོག་ཅེས་བྱ་བར་གྱུར་ཏོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་
D101.048.0128a03.01ཀྱི་ཆོས་ཉིད་ནི་སྡུག་བསྔལ་གྱིས་གཟིར་བའི་སེམས་ཅན་དག་མཐོང་ན་སྙིང་རྗེ་ཆེན་པོ་སྐྱེད་པར་བྱེད་པའོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་ནི་ཆོས་ཟབ་མོ་ལ་མངོན་པར་བརྩོན་པ་ཡིན། ཆོས་ཟབ་མོ་ཁོ་ནར་ཡོངས་སུ་ཚོལ་པ་ཡིན། ཆོས་ཟབ་མོ་ཁོ་ན་ཡང་
D101.048.0128a04.01དག་པར་རབ་ཏུ་སྟོན་པར་བྱེད་པ་ཡིན་ནོ། །ཤ་ར་དྭ་ཏིའི་བུ་གང་ལ་བརྟན་པ་རྣམས་འགྲོ་བའི་ཆོས་ཟབ་མོ་དེ་དག་ནི་གང་ཡིན། ཤ་ར་དྭ་ཏིའི་བུ་བརྟན་པ་དེ་དག་ནི་གང་ཡིན་ཞེ་ན། ཤ་ར་དྭ་ཏིའི་བུ་བྱང་ཆུབ་སེམས་དཔའ་དག་ནི་བརྟན་པ་ཞེས་བྱ་སྟེ། དེ་དག་ནི་བླ་ན་མེད་པ་ཡང་དག་
D101.048.0128a05.01པར་རྫོགས་པའི་བྱང་ཆུབ་ལས་སྐྱོ་བར་མི་འགྱུར་ཞིང་སྒྱིད་ལུག་པར་མི་འགྱུར་རོ། །ཤ་ར་དྭ་ཏིའི་བུ་དེ་དག་ནི་བརྟན་པ་དག་ཅེས་བྱ་སྟེ། དེ་དག་ནི་ཆོས་རྣམས་འཛིན་པའོ། །ཆོས་གང་དག་འཛིན་ཅེ་ན། མིག་གིས་ཆོས་འཛིན་པར་བྱེད་དོ། །ཤ་ར་དྭ་ཏིའི་
D101.048.0128a06.01བུ་དེ་ལ་གང་མིག་འཛིན་པ་དེ་ནི་ཆོས་མ་ཡིན་ཏེ། དེ་ནི་གཟུང་དུ་མེད་པའོ། །ཤ་ར་དྭ་ཏིའི་བུ་ཆོས་ཀྱང་གང་ཞེ་ན། རང་བཞིན་གྱིས་ནང་ན་ཡང་མེད། ཕྱི་རོལ་ན་ཡང་མེད། བདག་ཀྱང་མེད། བདག་གི་ཡང་མེད། ཀུན་ནས་ཉོན་མོངས་པ་ཡང་མེད། རྣམ་པར་
D101.048.0128a07.01