完整藏文原文 · 德格版页 当前仅加载第 48 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་བདུད་རྣམས་ཀྱིས་བདུད་ཀྱི་ལས་བྱའོ། །སྙམ་ནས་གནོད་པའི་སེམས་བསྐྱེད་པར་གྱུར་ན། དེ་དག་གིས་སེམས་བསྐྱེད་མ་ཐག་ཁོ་ནར་བདུད་ཀྱིས་བཅིང་བ་ཐམས་ཅད་ཐལ་བར་རློག་པར་བྱེད་པར་འགྱུར་བ་དང་། བདུད་ཀྱི་སེམས་ཐམས་ཅད་ཐལ་
D101.048.0161b01.01བར་རློག་པར་བྱེད་པར་འགྱུར་བར་རིག་པར་བྱ་བ་ཡིན་ནོ། །འདི་ལྟ་སྟེ། དཔེར་ན་ཀླུ་ཆེན་པོ་དེ་དག་ནི་རྒྱ་མཚོ་ཆེན་པོ་ལས་ཕྱིར་བསྒྱུར་བར་དཀའ་བ་ཡིན་ཞིང་། དེ་དག་རྒྱ་མཚོ་ཆེན་པོ་ནས་མངོན་དུ་བྱུང་ནས། གླིང་བཞི་པའི་འཇིག་རྟེན་གྱི་ཁམས་ཆར་པའི་རྒྱུན་
D101.048.0161b02.01ཆེན་པོས་ཀུན་དུ་ཚིམ་པར་བྱེད་ཅིང་། དེར་སྨན་དང་། ནགས་ཚལ་དག་འཕེལ་བ་དང་། རྒྱས་པ་དང་། ཡངས་པ་ཉིད་དུ་འགྱུར་བ་དང་། རྐང་གཉིས་པ་དང་། རྐང་བཞི་པ་དག་སྐོམ་པ་རྒྱུན་གཅོད་པར་འགྱུར་བ་དང་། དེའི་འོག་ཏུ་ཡང་རྒྱ་མཚོ་ཆེན་
D101.048.0161b03.01པོར་འབབ་པར་འགྱུར་བ་ཡིན་ནོ། །ཤ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་དེ་རབ་ཏུ་གནས་པ་ན། ཤ་ར་དྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཀླུ་ཆེན་པོ་རྣམས་ཀྱི་གནས་ཡིན་པར་འགྱུར་བ་དང་། དེ་
D101.048.0161b04.01ནས་མངོན་དུ་བྱུང་ནས་ཀྱང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དག་ཏུ་འདོད་ཆགས་དང་བྲལ་བའི་མཐའ་ལས་བྱུང་བའི་ཆོས་ཀྱི་ཆར་
D101.048.0161b05.01པ་མངོན་དུ་འབེབས་པར་བྱེད་པ་དང་། ཆོས་ཀྱི་ཆར་པ་ཆེན་པོ་འབེབས་པར་འགྱུར་བ་དང་། སེམས་ཅན་གྲངས་མེད་དཔག་ཏུ་མེད་པའི་སྲེད་པ། འདོད་པའི་སྲེད་པ་དང་། གཟུགས་ཀྱི་སྲེད་པ་དང་། གཟུགས་མེད་པའི་སྲེད་པ་རབ་ཏུ་ཞི་བར་བྱེད་པར་འགྱུར་
D101.048.0161b06.01བ་དེ་ལྟ་བུར་རིག་པར་བྱ་བ་ཡིན་ནོ། །ཤ་ར་དྭ་ཏིའི་བུ་འདི་ལྟ་སྟེ། དཔེར་ན་རྒྱ་མཚོ་ཆེན་པོ་དེ་ཉིད་ཡོངས་སུ་གནས་པ་ན། གླིང་བཞི་པ་ན་ཆུ་ཀླུང་ཆེན་པོ་གང་དག་ཇི་སྙེད་ཡོད་པ་དེ་དག་ཐམས་ཅད་འདིར་འབབ་པར་འགྱུར་བ་དང་། རྒྱ་མཚོ་ཆེན་པོ་ནི་རིམ་གྱིས་
D101.048.0161b07.01