完整藏文原文 · 德格版页 当前仅加载第 48 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
གཏན་དང་། །ཏིང་འཛིན་ཤེས་རབ་འབྲས་དེ་ལགས། །དེ་ཉིད་བདག་གིས་བསྟེན་པར་བགྱི། །སྤྱན་ལྡན་དག་ལ་འདུན་པ་སྐྱེས། །མྱུར་དུ་བདག་ནི་རབ་ཏུ་ཕྱུང་། །ངུར་སྨྲིག་གོས་ནི་འཚལ་ནས་སུ། །ཆོས་ཀྱི་དམ་པ་སྤྱད་པར་བགྱི། །མེ་ལོང་ཡེ་ཤེས་ལྟ་
D101.048.0197a01.01བུས་ཀྱང་། །འཇིག་རྟེན་དེ་ལ་རྣམ་སེམས་ཤིང་། །འཇིག་རྟེན་མཆོག་ཏུ་འགྱུར་བར་བགྱི། །ལེགས་པར་རབ་ཏུ་དབྱུང་དུ་གསོལ། །ཐམས་ཅད་ཀྱང་ནི་མ་མཆིས་པས། །སེམས་ཅན་འདུ་ཤེས་མི་གནས་ཤིང་། །བདག་མངོན་རྫོགས་པར་སངས་རྒྱས་ནས། །འདྲེན་པ་ཆོས་དེ་
D101.048.0197a02.01བསྟན་པར་བགྱི། །བདུད་དཔུང་བཅས་པ་བཅོམ་ནས་སུ། །མུ་སྟེགས་གཞན་རྣམས་སྐྲག་བགྱིས་ཏེ། །ལྟ་བའི་དྲ་བ་རབ་བཅོམ་ནས། །སྲོག་ཆགས་རྣམས་ཀྱི་དོན་བགྱིའོ། །མྱ་ངན་འདས་བདེ་འཐོབ་སླད་དུ། །བདག་གིས་ལམ་ནི་བསྟན་པར་བགྱི། །དེ་ལ་སྐྱེ་བ་མ་མཆིས་
D101.048.0197a03.01པས། །ལམ་དེ་བསམ་མི་ཁྱབ་པ་ལགས། །བདག་གིས་དྲ་བ་རྣམ་ཕྱེ་ནས། །བདག་གིས་ཆོས་ཀྱི་སྣང་བར་བགྱི། །རང་བཞིན་དེ་དང་མཚན་ཉིད་དེའི། །ཆོས་ནི་ཇི་ལྟ་བཞིན་དུ་བསྟན། །རྫུ་འཕྲུལ་སྟོབས་ཀྱིས་རྣམ་འཕྲུལ་བགྱི། །ཆོ་འཕྲུལ་དག་ནི་བསྟན་པར་བགྱི། །དེ་ལ་གང་
D101.048.0197a04.01དག་བདག་ལ་ལྟ། །ཀུན་གྱི་ཐེ་ཚོམ་འཆད་པར་འགྱུར། །དེ་ནས་བཅོམ་ལྡན་འདས་ཀྱིས་ཁྱེའུ་རྣམ་པར་རྒྱལ་བ་སྲུང་བ་ལ་འདི་སྐད་ཅེས་བཀའ་སྩལ་ཏོ། །ཁྱེའུ་ངའི་བསྟན་པ་འདི་ལ་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འདོད་དམ། །དེས་གསོལ་པ། བཅོམ་ལྡན་འདས་དེ་ལྟ་
D101.048.0197a05.01ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། །གང་ཞིག་ངུར་སྨྲིག་མི་འཛིན་ཅིང་། །གང་དག་སྙིགས་མ་མེད་གྱུར་པ། །ང་ཡི་བསྟན་ལ་རབ་འབྱུང་བར། །བྱ་བའི་ཆོས་ནི་དེ་ཡིན་ནོ། །གང་གི་སྐྲ་དག་མ་བྲེགས་ཤིང་། །བཅིང་བ་ཐམས་ཅད་བཅད་གྱུར་ལ། །མ་བཅིངས་
D101.048.0197a06.01པ་དང་མ་གྲོལ་བ། །འདི་ལ་རབ་ཏུ་བྱུང་བ་དེའོ། །གང་དག་བསླབ་ལ་མི་སློབ་པ། །བསླབ་པའང་འབོགས་པར་བྱེད་མ་ཡིན། །བསླབ་པ་ཀུན་ལ་བསླབས་པ་ནི། །འདི་ལ་རབ་ཏུ་བྱུང་བ་དེའོ། །གང་ཞིག་དམ་ཆོས་མི་འཛིན་ཅིང་། །ཆོས་རྣམས་ཐམས་ཅད་རྣམ་བསྒོམས་ལ། །ཆོས་ཀྱི་
D101.048.0197a07.01