完整藏文原文 · 德格版页 当前仅加载第 48 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རྣམ་པར་གྲོལ་བའི་ཚད་དེ་ལྟ་བུ་དང་། རྣམ་པར་གྲོལ་བའི་ཕ་རོལ་ཏུ་ཕྱིན་པའི་ཚད་དེ་ལྟ་བུ་དང་། རྣམ་པར་གྲོལ་བའི་ཡེ་ཤེས་མཐོང་བའི་ཚད་དེ་ལྟ་བུ་དང་། རྣམ་པར་གྲོལ་བའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པའི་ཚད་དེ་ལྟ་བུས་དཔག་པར་མི་ནུས་སོ། །
D101.048.0008a01.01འོད་སྲུང་བཞི་པོ་འདི་དག་ནི་དེ་བཞིན་གཤེགས་པའི་མི་མཉམ་པའི་ཡེ་ཤེས་རྣམས་ཡིན་ཏེ། དེ་དག་དང་ལྡན་ན་དེ་བཞིན་གཤེགས་པ་འཁོར་གྱི་ནང་དུ་སེང་གེའི་སྒྲ་སྒྲོགས་པར་བྱེད་པའོ། །བཞི་གང་ཞེ་ན། ཚུལ་ཁྲིམས་མཉམ་པ་ཉིད་དང་། ཏིང་ངེ་འཛིན་མཉམ་པ་ཉིད་དང་། ཤེས་
D101.048.0008a02.01རབ་མཉམ་པ་ཉིད་དང་། སངས་རྒྱས་ཀྱི་ཆོས་མཉམ་པ་ཉིད་དེ། འོད་སྲུང་མཉམ་པའི་ཡེ་ཤེས་བཞི་པོ་དེ་དག་ནི་གང་དག་དང་ལྡན་ན་དེ་བཞིན་གཤེགས་པ་འཁོར་གྱི་ནང་ན་བཞུགས་ཤིང་སེང་གེའི་སྒྲ་ཡང་དག་པར་སྒྲོགས་པར་བྱེད་པའོ། །དེ་ནས་བཅོམ་ལྡན་འདས་ཀྱིས་དེའི་ཚེ་
D101.048.0008a03.01ཚིགས་སུ་བཅད་པ་འདི་དག་བཀའ་སྩལ་ཏོ། །སངས་རྒྱས་འཇིག་རྟེན་བསམ་ཡས་ན། །སངས་རྒྱས་ཡེ་ཤེས་མཐའ་ཡས་ཏེ། །སེམས་ཀྱི་ལས་ནི་སྦྱངས་པས་ན། །དེ་དག་སེང་གེའི་སྒྲ་སྒྲོགས་བྱེད། །སེང་གེའི་སྒྲ་སྒྲོགས་བྱེད་པ་ནི། །མུ་སྟེགས་གཞན་རྣམས་སྐྲག་པར་
D101.048.0008a04.01འགྱུར། །ཆོས་ཀྱི་ཆོས་ཉིད་ཐོས་ནས་སུ། །གཡང་སར་རབ་ཏུ་ལྟུང་བར་འགྱུར། །བདག་ཏུ་འདུ་ཤེས་གང་གནས་དང་། །སེམས་ཅན་འདུ་ཤེས་གང་གནས་པ། །འོད་སྲུང་དེ་དག་བསྟན་འདི་ལ། །མུ་སྟེགས་ཅན་ཞེས་ངས་བཤད་དོ། །དངོས་པོའི་འདུ་ཤེས་གང་གནས་
D101.048.0008a05.01དང་། །ང་ཡི་ང་ཞེས་རྟེན་པ་དང་། །འོད་སྲུང་དེ་དག་བསྟན་འདི་ལ། །མུ་སྟེགས་ཅན་ཞེས་ངས་བཤད་དོ། །གང་དག་ཚུལ་ཁྲིམས་ཕུང་པོ་དང་། །བསམ་གཏན་རྣམས་དང་ཐོས་མང་གིས། །རློམ་སེམས་རྣམ་རྨོངས་དེ་དག་ནི། །འོད་སྲུང་མུ་སྟེགས་ཅན་རྣམས་སོ། །
D101.048.0008a06.01བདག་ནི་ཆོག་ཤེས་འདོད་ཆུང་དང་། །རབ་ཏུ་དབེན་ལ་གནས་པ་དང་། །ཆོས་གོས་ངན་པ་འཆང་སྙམ་པ། །འོད་སྲུང་དེ་ནི་མུ་སྟེགས་སོ། །དཔེར་ན་ནམ་མཁའ་འདི་ལ་ནི། །ལག་པ་བསྐྱོད་ཀྱང་ཐོགས་མེད་ཅིང་། །དཔེར་ན་མཁའ་ལ་རྡུལ་གྱིས་ཀྱང་། །ནམ་ཡང་གོས་པར་
D101.048.0008a07.01