完整藏文原文 · 德格版页 当前仅加载第 48 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འཕེལ་བར་བྱས་ནས་ཀྱང་སེམས་ཅན་གྲངས་མེད་དཔག་ཏུ་མེད་པའི་ནད་ངེས་པར་འཇོམས་པར་བྱེད་པ་ཡིན། ཡེ་ཤེས་ཀྱི་སྨན་སྦྱོར་བར་བྱེད་པ་ཡིན། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཀྱང་ལྷ་དང་། མི་དང་། ལྷ་མ་ཡིན་གྱི་
D101.048.0142b01.01འཇིག་རྟེན་དུ་བཅས་པའི་སེམས་ཅན་ཉོན་མོངས་པ་དང་བཅས་པ་དང་། ཉོན་མོངས་པ་མེད་པ་རྣམས་ཀྱིས་བགྲོད་པར་བྱ་བ་ཡང་ཡིན་ནོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐད་དུ་མི་ལ་ལ་ཞིག་འོངས་ནས་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་
D101.048.0142b02.01བསྐྱེད་པ་དེ་ནི་སེམས་ཅན་དམྱལ་བ་ཆེན་པོར་སྐྱེ་བར་འགྱུར་ཏེ། དེ་ཅིའི་ཕྱིར་ཞེ་ན། རིགས་ཀྱི་བུ་བྱང་ཆུབ་སེམས་དཔའ་ནི་ཇི་ཙམ་དུ་སེམས་ཅན་དག་ཐར་བར་བྱེད་པ་དེ་ཙམ་ཁོ་ནར་གྲངས་མེད་པར་སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཏེ། སེམས་ཅན་དེ་དག་ཐམས་ཅད་ཀྱི་སྡུག་
D101.048.0142b03.01བསྔལ་གང་ཡིན་པ་དེ་གཅིག་པུས་ཉམས་སུ་མྱང་བར་བྱ་དགོས་ཤིང་། དེ་བཞིན་དུ་བདག་གི་སྡུག་བསྔལ་ཡང་གཅིག་པུ་འབའ་ཞིག་གིས་ཉམས་སུ་མྱང་བར་བྱ་དགོས་ལ། ཐམས་ཅད་མཁྱེན་པའི་ཡེ་ཤེས་ལ་སེམས་བསྐྱེད་པ་བྱས་པའི་སྡུག་བསྔལ་དེ་ཡང་ཁྱོད་གཅིག་པུ་འབའ་
D101.048.0142b04.01ཞིག་གིས་ཉམས་སུ་མྱང་བར་བྱ་དགོས་ཏེ། སེམས་ཅན་ཐམས་ཅད་ནི་ཐར་བར་གྱུར་ན། ཁྱོད་ནི་སྡུག་བསྔལ་ཉམས་སུ་མྱོང་བར་འགྱུར་རོ། །གལ་ཏེ་ཁྱོད་ཀྱིས་དེ་ལྟར་བཏང་ན། དེ་ལྟ་ན་ཁྱོད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་
D101.048.0142b05.01ནུས་སོ་ཞེས་དེ་སྐད་ཅེས་སྨྲས་ན། གལ་ཏེ་བྱང་ཆུབ་སེམས་དཔས་དེ་ལྟར་མོས་པ་བཟློག་པ་ཉེ་བར་བསྒྲུབས་པའི་ཚིག་ཐོས་ནས་དང་དུ་ལེན་པར་བྱེད་དེ། སྐྲག་ཅིང་དངངས་ལ་དེ་མི་ནུས་སོ་སྙམ་དུ་མངོན་པར་བསམས་ནས་ཞུམ་པར་བྱེད་ན། ལྷག་པའི་བསམ་པ་མ་ཡིན་པར་བལྟ་
D101.048.0142b06.01བར་བྱའོ། །གལ་ཏེ་བྱང་ཆུབ་སེམས་དཔའ་ལ་སེམས་འདི་ལྟ་བུ་སྐྱེ་སྟེ། གལ་ཏེ་བདག་སེམས་ཅན་དམྱལ་བར་སྐྱེས་ནས་སེམས་ཅན་དེ་དག་ཡོངས་སུ་སྨིན་པར་གྱུར་ཅིང་། རྣམ་པ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་གྱུར་ལ། སེམས་ཅན་དམྱལ་བ་ཆེན་
D101.048.0142b07.01