完整藏文原文 · 德格版页 当前仅加载第 48 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བ་ཡིན་ནོ། །ཤ་ར་དྭ་ཏིའི་བུ་འདི་ལྟ་སྟེ། དཔེར་ན་རིའི་རྒྱལ་པོ་ཁོར་ཡུག་ཆེན་པོ་དག་རབ་ཏུ་གནས་པ་ན། སེམས་ཅན་གང་དག་ཁོངས་སུ་གཏོགས་པ་དེ་དག་ཐམས་ཅད་ནི་ཐོགས་པ་མེད་པར་འགྲོ་བའི་རླུང་གི་དཀྱིལ་འཁོར་དག་གིས་
D101.048.0164a01.01ཐུལ་བར་དཀའ་བར་འགྱུར་བ་ཡིན་པར་རིག་པར་བྱ་བ་ཡིན་ནོ། །ཤ་ར་དྭ་ཏིའི་བུ་དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བྱང་ཆུབ་སེམས་དཔའི་སེམས་བསྐྱེད་པར་རབ་ཏུ་གནས་པ་ན། གནས་ཀྱི་འདུ་ཤེས་ཅན་སེམས་ཅན་གང་དག་བྱང་ཆུབ་
D101.048.0164a02.01སེམས་དཔའི་ཁོངས་སུ་གཏོགས་པ་དེ་ལྟ་བུར་རིག་པར་བྱ་བ་ཡིན་ནོ། །ཤ་ར་དྭ་ཏིའི་བུ་དེ་དག་ནི་ཉོན་མོངས་པའི་རླུང་གི་དཀྱིལ་འཁོར་ཐམས་ཅད་ཀྱིས་ཐུལ་བར་དཀའ་བ་ཡིན་ནོ། །ཤ་ར་དྭ་ཏིའི་བུ་འདི་ལྟ་སྟེ། དཔེར་ན་རིའི་རྒྱལ་པོ་གངས་རི་རབ་ཏུ་གནས་པ་ན།
D101.048.0164a03.01དེ་ནི་སྨན་ཐམས་ཅད་ཀྱི་གནས་སུ་གྱུར་པར་རབ་ཏུ་གནས་པ་དེ་ལྟ་བུར་རིག་པར་བྱ་བ་ཡིན་ནོ། །ཤ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པར་རབ་ཏུ་གནས་པ་ན། ཤ་ར་དྭ་ཏིའི་བུ་སེམས་ཅན་གྲངས་མེད་དཔག་ཏུ་མེད་པའི་ཉོན་མོངས་པའི་ནད་ཡང་དག་
D101.048.0164a04.01པར་གཞོམ་པར་བྱ་བའི་ཕྱིར། ཡེ་ཤེས་ཆེན་པོའི་སྨན་དེ་རབ་ཏུ་གནས་པ་དེ་ལྟ་བུར་རིག་པར་བྱ་བ་ཡིན་ནོ། །ཤ་ར་དྭ་ཏིའི་བུ་འདི་ལྟ་སྟེ། དཔེར་ན་རིན་པོ་ཆེའི་འབྱུང་གནས་ཆེན་པོ་རབ་ཏུ་གནས་པ་ན། དེ་ནི་སེམས་ཅན་འབུམ་ཕྲག་མང་པོ་ལ་ཕན་འདོགས་པར་གྱུར་པ་ཡིན་
D101.048.0164a05.01པར་འགྱུར་བ་དང་། ཀུན་བགེད་པ་ཡིན་པར་འགྱུར་བ་དང་། འདུ་བ་ཡིན་པར་འགྱུར་བ་དེ་ལྟ་བུར་རིག་པར་བྱ་བ་ཡིན་ནོ། །ཤ་ར་དྭ་ཏིའི་བུ་དེ་བཞིན་དུ། བྱང་ཆུབ་སེམས་དཔའི་སེམས་བསྐྱེད་པ་རབ་ཏུ་གནས་པ་ན། དེ་ནི་སེམས་ཅན་གྲངས་མེད་དཔག་ཏུ་མེད་པ་ལ་ཕན་
D101.048.0164a06.01འདོགས་པ་ཡིན་པར་འགྱུར་བ་དང་། དེ་ནི་འདི་ལྟ་སྟེ། ཆོས་དཀོན་མཆོག་གི་རྗེས་སུ་སྤྱོད་པ་ཉིད་ཀྱིས་ཀུན་བགེད་པ་ཡིན་པར་འགྱུར་བ་དེ་ལྟ་བུར་རིག་པར་བྱ་བ་ཡིན་ནོ། །ཤ་ར་དྭ་ཏིའི་བུ་འདི་ལྟ་སྟེ། དཔེར་ན་ཉི་མའི་གཞལ་མེད་ཁང་དང་། དེ་ལ་ལྷའི་བུ་ཉི་མ་གནས་
D101.048.0164a07.01