完整藏文原文 · 德格版页 当前仅加载第 48 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དེར་ཡང་རྣམ་པར་ཐར་པ་ཕུན་སུམ་ཚོགས་པ་དེ་དང་ལྡན་པས། སེམས་ཅན་ཐམས་ཅད་ཀྱི་སེམས་ཚར་བཅད་པ་ཡང་རབ་ཏུ་ཤེས་སོ། །སེམས་རབ་ཏུ་འཛིན་པ་ཡང་རབ་ཏུ་ཤེས་སོ། །སེམས་ཀྱི་མཚམས་སྦྱོར་བ་དང་། སེམས་ཀྱི་རྒྱུ་བ་ཡང་རབ་ཏུ་ཤེས་སོ། །
D101.048.0118a01.01ཤ་ར་དྭ་ཏིའི་བུ་དེ་ལྟར་སྒྲིབ་པ་མེད་པའི་རྣམ་པར་ཐར་པ་བརྙེས་པའི་དེ་བཞིན་གཤེགས་པ་ནི་ཆོས་ཐམས་ཅད་ལ་སོ་སོར་སྒྲིབ་པའི་གནས་རབ་ཏུ་ཤེས་སོ། །གཅིག་ཏུ་མཐར་ཐུག་པ་ཆད་པ་དེ་དང་། དངོས་པོ་ཐམས་ཅད་ཀྱི་སྟོང་པ་དངོས་པོ་མེད་པར་ཤེས་པ་དེ་དང་། ཡོངས་སུ་འཛིན་
D101.048.0118a02.01པ་ཐམས་ཅད་ལ་བདག་གི་བའི་འདུ་ཤེས་མི་སྐྱེད་དོ། །ཆོས་གཅིག་ངེས་པར་བསམས་ན་མཛའ་བཤེས་རབ་ཏུ་ཤེས་པ་མ་གཏོགས་པར་མཛའ་བཤེས་ཐམས་ཅད་ལ་བདག་གི་བའི་འདུ་ཤེས་ཅན་མ་ཡིན་ནོ། །ཆོས་མ་ཡིན་པ་སྤྱོད་པ་ལ་མཛའ་བཤེས་མ་ཡིན་པར་ཤེས་ནས།
D101.048.0118a03.01འདུས་བྱས་ཐམས་ཅད་ཀྱི་གནས་ལ་ཡོན་ཏན་གྱི་གནས་གཅིག་ཀྱང་མ་མཐོང་ངོ་། །འདུས་བྱས་ཐམས་ཅད་ལ་ཡོན་ཏན་མེད་པ་དང་། སྐྱོན་དང་བཅས་པར་ཤེས་ནས་ཆོས་དེ་འདྲ་བ་དེ་དག་རྗེས་སུ་ཐོབ་པར་འགྱུར་རོ། །གཞན་ཡང་ཆོས་བཞི་རྗེས་སུ་ཐོབ་པར་འགྱུར་ཏེ། བཞི་
D101.048.0118a04.01གང་ཞེ་ན། བག་ཆགས་ཀྱི་མཚམས་སྦྱོར་བ་རྒྱུན་ཆད་པར་རྗེས་སུ་ཐོབ་པ་ཡིན། ལམ་དུ་འགྲོ་བ་ན་ཡང་སེམས་ཅན་གང་དག་གིས་དེ་བཞིན་གཤེགས་པའི་ཞབས་དག་ལ་རེག་པ་དེ་དག་ཐམས་ཅད་བདེ་བ་ཐམས་ཅད་ལ་ཡང་དག་པར་གཏད་པར་འགྱུར་བ་ཡིན། དེ་བཞིན་གཤེགས་པས་
D101.048.0118a05.01འཁོར་ལོའི་ཚད་ཙམ་ལ་གཟིགས་ན་ཡང་དེ་ལྷོ་ནུབ་ཀྱི་ཕྱོགས་མཚམས་ནས་དཔག་ཚད་དྲུག་ཅུ་རྩ་གཉིས་སུ་ས་ཡོངས་སུ་གཡོས་པར་འགྱུར་རོ། །ཤ་ར་དྭ་ཏིའི་བུ་དེ་བཞིན་གཤེགས་པ་ལ་ནི་གང་མཉམ་པར་མ་བཞག་པར་འགྱུར་བའི་ཐུགས་འགའ་ཡང་མི་མངའ་སྟེ། ཤ་ར་དྭ་ཏིའི་
D101.048.0118a06.01བུ་དེ་བཞིན་གཤེགས་པ་ནི་རྟག་ཏུ་མཉམ་པར་བཞག་པ་ཡིན་ནོ། །ཤ་ར་དྭ་ཏིའི་བུ་དེ་བཞིན་གཤེགས་པ་ལ་ནི་ཏིང་ངེ་འཛིན་ལས་ཉམས་པའམ། ཏིང་ངེ་འཛིན་ལས་གཡོ་བ་མི་མངའ་སྟེ། ཤ་ར་དྭ་ཏིའི་བུ་མདོར་ན་སངས་རྒྱས་ཀྱི་ཆོས་ཐམས་ཅད་ནི་ཆོས་ཡོངས་སུ་ཚོལ་བ་ལ་རག་ལས་
D101.048.0118a07.01