完整藏文原文 · 德格版页 当前仅加载第 48 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལ་དངུལ་གྱི་ལོ་མ་དག་དང་། ཤེལ་གྱི་མེ་ཏོག་དག་དང་། བཻ་དཱུརྱ་ལས་བྱས་པའི་འབྲས་བུ་དག་དང་། དངུལ་ལས་བྱས་པའི་ཤིང་ལྗོན་པ་རྣམས་ལ་གསེར་གྱི་ལོ་མ་དག་དང་། བཻ་དཱུརྱ་ལས་བྱས་པའི་མེ་ཏོག་དག་དང་། ཤེལ་ལས་བྱས་པའི་འབྲས་བུ་དག་དང་། བཻ་དཱུརྱ་
D101.048.0010b01.01ལས་བྱས་པའི་ཤིང་ལྗོན་པ་རྣམས་ལ་གསེར་གྱི་ལོ་མ་དག་དང་། དངུལ་གྱི་མེ་ཏོག་དག་དང་། ཤེལ་གྱི་འབྲས་བུ་དག་དང་། ཤེལ་ལས་བྱས་པའི་ཤིང་ལྗོན་པ་རྣམས་ལ་གསེར་གྱི་ལོ་མ་དག་དང་། དངུལ་གྱི་མེ་ཏོག་དག་དང་། བཻ་དཱུརྱ་ལས་བྱས་པའི་འབྲས་བུ་དག་མངོན་
D101.048.0010b02.01པར་སྤྲུལ་ཏོ། །ཤིང་ལྗོན་པ་ཐམས་ཅད་ཀྱི་བར་དག་ཏུ་ཡང་ཡན་ལག་བརྒྱད་དང་ལྡན་པའི་ཆུས་བཀང་བའི་རྫིང་ཐེམ་སྐས་བཞི་དང་ལྡན་པ། ཐེམ་སྐས་དེ་དག་ཀྱང་རིན་པོ་ཆེ་སྣ་བཞི་གསེར་དང་། དངུལ་དང་། བཻ་དཱུརྱ་དང་། ཤེལ་ལས་བྱས་པ། གསེར་གྱི་ཕྱེ་མ་བདལ་
D101.048.0010b03.01བ། ཨུད་པལ་དང་། པད་མ་དང་། ཀུ་མུ་ད་དང་། པད་མ་དཀར་པོས་ཁེབས་པ། སྟེང་གི་བར་སྣང་ལ་ཡང་རིན་པོ་ཆེ་སྣ་བདུན་ལས་བྱས་པའི་དྲ་བའི་བླ་རེ་བྲེས་པ་ཞིག་མངོན་པར་སྤྲུལ་ཏོ། །འཆག་ས་དེ་ཡང་དར་གྱི་ལྡ་ལྡི་མང་པོས་སྤྱངས་པ། བདུག་སྤོས་དྲི་ཞིམ་པོས་བདུགས་པ།
D101.048.0010b04.01མི་བདུན་གྱི་སྲིད་ཙམ་དུ་མེ་ཏོག་སྣ་ཚོགས་ཀྱིས་གཅལ་བཀྲམ་པ་ཞིག་མངོན་པར་སྤྲུལ་ཏོ། །ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དེ་དག་ལ་ཡང་མཽད་གལ་གྱི་བུ་དང་འདྲ་བའི་དགེ་སློང་དག་མངོན་པར་སྤྲུལ་ཏོ། །དེ་ནས་ཚེ་དང་ལྡན་པ་མཽད་གལ་གྱི་བུ་
D101.048.0010b05.01ཆེན་པོས་རྫུ་འཕྲུལ་གྱིས་བྱས་པའི་གདན་དེ་ལྟ་བུ་དེ་མངོན་པར་སྤྲུལ་ཏེ། བཅོམ་ལྡན་འདས་ཀྱི་ཐད་དུ་ཕྱིན་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་གདན་བཤམས་ལགས་ན། དེའི་དུས་ལ་དབབ་པར་མཁྱེན་པར་མཛད་དུ་གསོལ། དེ་སྐད་ཅེས་གསོལ་པ་
D101.048.0010b06.01དང་། བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་བཀའ་སྩལ་པ། མཽད་གལ་གྱི་བུ་ཁྱོད་ཀྱིས་གདན་བཤམས་ཟིན་ཏམ། བཅོམ་ལྡན་འདས་བདག་གིས་བཤམས་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་
D101.048.0010b07.01