完整藏文原文 · 德格版页 当前仅加载第 55 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུའོ། །
D132.055.0255b01.01དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་བརྟན་པ་ལ་འདི་སྐད་ཅེས་བཀའ་སྩལ་ཏོ། །བློ་གྲོས་བརྟན་པ་དྲིས་པ་ལུང་བསྟན་པའི་ཕྱིར་ཁྱོད་ལ་དེ་བཞིན་གཤེགས་པས་རྟག་ཏུ་སྐབས་ཕྱེས། བློ་གྲོས་བརྟན་པ་ཁྱོད་ཅི་དང་ཅི་འདོད་པ་དེ་བཞིན་གཤེགས་པ་ལ་
D132.055.0255b02.01ཞུས་ཤིག་དང་། ཞུ་བ་ཞུས་པ་དེ་དང་དེའི་ལུང་བསྟན་པས་ངས་ཁྱོད་ཀྱི་སེམས་རངས་པར་བྱའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་བརྟན་པས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་
D132.055.0255b03.01སེམས་དཔའ་ཆེན་པོ་ཏིང་ངེ་འཛིན་གང་ལ་གནས་ན་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དང་། སངས་རྒྱས་བཅོམ་ལྡན་འདས་རྣམས་དང་མི་འབྲལ་བར་འགྱུར་བ་དང་། ཕྱོགས་བཅུར་སྣང་བའི་ཕྱིར་སྣང་བ་ཆེན་པོ་ཐོབ་པར་འགྱུར་བ་དང་།
D132.055.0255b04.01བདུད་ཐམས་ཅད་ཚར་གཅད་པའི་ཕྱིར་ཤེས་རབ་རྒྱ་ཆེན་པོ་གྲགས་པས་རྣམ་པར་འཕྲུལ་པར་འགྱུར་བ་དང་། རང་བྱུང་གི་ཆོས་ཐོབ་པའི་ཕྱིར་ཡེ་ཤེས་ལ་དབང་དུ་འགྱུར་བ་དང་། མ་བསྟན་པའི་ཡེ་ཤེས་དང་ལྡན་པའི་ཕྱིར་གཞན་གྱི་དྲིང་ལ་འཇོག་པར་མི་འགྱུར་བ་དང་། ཕྱི་མའི་མཐའི་བསྐལ་པ་
D132.055.0255b05.01བྱེ་བར་སྟོན་པའི་ཕྱིར་སྤོབས་པ་རྒྱུན་མི་འཆད་པར་འགྱུར་བ་དང་། ཚེ་བསྐལ་པ་དཔག་ཏུ་མེད་པར་འཛིན་པའི་ཕྱིར་རྫུ་འཕྲུལ་གྱི་རྐང་པ་ཐོབ་པར་འགྱུར་བ་དང་། སེམས་ཅན་ཉན་ཐོས་ཀྱི་ཐེག་པའི་ཆོས་ལ་མོས་པ་རྣམས་ལ་ཉན་ཐོས་ཀྱི་ཐེག་པ་སྟོན་པར་འགྱུར་བ་དང་། སེམས་ཅན་རང་སངས་
D132.055.0255b06.01རྒྱས་ཀྱི་ཐེག་པའི་ཆོས་ལ་མོས་པ་རྣམས་ལ་རང་སངས་རྒྱས་ཀྱི་ཐེག་པ་སྟོན་པར་འགྱུར་བ་དང་། སེམས་ཅན་ཐེག་པ་ཆེན་པོའི་ཆོས་ལ་མོས་པ་རྣམས་ལ། སངས་རྒྱས་ཀྱི་ཐེག་པ་སྟོན་པར་འགྱུར་བ་དང་། ཉན་ཐོས་ཀྱི་ཆོས་རྣམས་ཀྱང་འཚལ་ཅིང་འཆད་ལ་ཉན་ཐོས་ཀྱི་ངེས་
D132.055.0255b07.01