完整藏文原文 · 德格版页 当前仅加载第 55 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་དང་། རང་སངས་རྒྱས་དང་བསྐྲུན་ཏེ། སྦྱིན་པའི་གནས་ཀྱི་ནང་ན་མཆོག་གོ་ཞེས་ནི་བཅོམ་ལྡན་འདས་ཀྱིས་བཀའ་མ་སྩལ་གྱི། རིགས་ཀྱི་བུ་ཁོ་བོ་ནི་ཉན་ཐོས་རྣམས་དང་བསྐྲུན་ཏེ། སྦྱིན་པའི་གནས་ཀྱི་ནང་ན་མཆོག་གོ་ཞེས་བཅོམ་ལྡན་འདས་ཀྱིས་
D132.055.0299a01.01བཀའ་སྩལ་ཏོ། །བློ་གྲོས་བརྟན་པ་འདི་ལྟ་སྟེ་དཔེར་ན་མཐའ་འཁོབ་ཀྱི་གླིང་ན་གནས་པ་ལ་ནི་ཁམས་ཀྱི་རྒྱལ་པོ་ཁམས་ཀྱི་རྒྱལ་པོ་ཞེས་བཤད་མོད་ཀྱི། གང་གི་ཚེ་ན་འཁོར་ལོས་སྒྱུར་བའི་རྒྱལ་པོ་མཐའ་འཁོབ་ཀྱི་གླིང་དུ་སོང་བ་ན་དེ་ལ་ཁམས་ཀྱི་རྒྱལ་པོ་ཞེས་མི་བརྗོད་ཀྱི། དེ་ནི་འཁོར་ལོས་
D132.055.0299a02.01སྒྱུར་བའི་རྒྱལ་པོ་ཡིན་པས་ན་འཁོར་ལོས་སྒྱུར་བའི་རྒྱལ་པོས་ཁམས་ཀྱི་རྒྱལ་པོ་དེ་ཟིལ་གྱིས་གནོན་ཏོ། །བློ་གྲོས་བརྟན་པ་དེ་བཞིན་དུ་གྲོང་དང་། གྲོང་ཁྱེར་དང་། གྲོང་རྡལ་གང་དག་ན་བྱང་ཆུབ་སེམས་དཔའ་མི་གནས་པ་དེ་དག་ན་བདག་སྦྱིན་པའི་གནས་སོ་ཞེས་བྱ་བའི་གྲངས་སུ་འགྲོ་མོད་ཀྱི། གང་
D132.055.0299a03.01གི་ཚེ་དེར་དེ་བཞིན་གཤེགས་པ་བཞུགས་སམ། ཐེག་པ་ཆེན་པོ་ལ་ཡང་དག་པར་ཞུགས་པ་ལ་ལ་ཞིག་གནས་པར་གྱུར་ན་དེའི་ཚེ་ཁོ་བོ་སྦྱིན་པའི་གནས་ཞེས་བྱ་བའི་གྲངས་སུ་མི་འགྲོ་སྟེ། ཁོ་བོ་བྱང་ཆུབ་སེམས་དཔས་ཐམས་ཅད་མཁྱེན་པའི་སེམས་ཀྱིས་ཟིལ་གྱིས་མནན་ཏོ། །དེ་ནས་བཅོམ་ལྡན་
D132.055.0299a04.01འདས་ཀྱིས་གནས་བརྟན་རབ་འབྱོར་ལ་ལེགས་སོ་ཞེས་བྱ་བ་བྱིན་ཏེ་རབ་འབྱོར་འདི་ལྟར་ཉན་ཐོས་ཆེན་པོ་མངོན་པའི་ང་རྒྱལ་མེད་པ་འདི་བསྟན་པ་ལེགས་སོ་ལེགས་སོ། །དེ་ནས་བྱང་ཆུབ་སེམས་དཔའ་བློ་གྲོས་བརྟན་པས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་མང་
D132.055.0299a05.01དུ་ཐོས་པ་མང་དུ་ཐོས་པ་ཞེས་བྱ་བ། འཇམ་དཔལ་ཇི་ཙམ་གྱིས་ན་མང་དུ་ཐོས་པ་ཡིན། འཇམ་དཔལ་གྱིས་སྨྲས་པ། རིགས་ཀྱི་བུ་མང་དུ་ཐོས་པ་མང་དུ་ཐོས་པ་ཞེས་བྱ་བ་ནི་རིགས་ཀྱི་བུ་གང་གི་ཚེ་ཐོས་མ་ཐག་ཏུ་ཆོས་ཀྱི་སྒོའི་ཚིག་གཅིག་གི་དྲིས་པའི་ལན་རྣམ་པར་ཕྱེ་བ་བྱེ་བ་ཁྲག་ཁྲིག་འབུམ་
D132.055.0299a06.01གྱུར་དུ་བསྐལ་པའམ། བསྐལ་པ་བརྒྱར་སྟོན་ཀྱང་ཆོས་ཀྱི་སྒོ་དེའི་ཚིག་དང་སྤོབས་པ་ཡོངས་སུ་བྲི་བར་ཡང་མི་འགྱུར་བས་ན་དེའི་ཕྱིར་མང་དུ་ཐོས་པ་ཞེས་བྱ་སྟེ། བློ་གྲོས་བརྟན་པ་དེ་ཙམ་གྱིས་ན་མང་དུ་ཐོས་པ་མང་དུ་ཐོས་པ་ཞེས་བྱའོ། །བློ་གྲོས་བརྟན་པ་གཞན་ཡང་ཕྱོགས་བཅུའི་སངས་
D132.055.0299a07.01