完整藏文原文 · 德格版页 当前仅加载第 55 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པའི་བྱང་ཆུབ་སེམས་དཔའི་བཟོད་པ་ཡོངས་སུ་སྦྱོང་བར་བྱེད་པའི་བྱེ་བྲག་ཏུ་བལྟའོ། །བློ་གྲོས་བརྟན་པ་གཞན་ཡང་དཔའ་བར་འགྲོ་བའི་ཏིང་ངེ་འཛིན་ལ་གནས་པའི་བྱང་ཆུབ་སེམས་དཔའ་ནི་དགེ་བའི་ཆོས་ཐམས་ཅད་བཙལ་བའི་ཕྱིར་བརྩོན་འགྲུས་ཀྱང་རྩོམ་ལ་ལུས་ཀྱིས་རྟུལ་བ་ཡང་མ་
D132.055.0266b01.01ཡིན། ངག་དང་སེམས་ཀྱིས་རྟུལ་བ་ཡང་མ་ཡིན་ཏེ། བརྩོན་འགྲུས་རྩོམ་པ་དེ་ཡང་ཇི་ལྟར་ན་བདག་ལ་བལྟས་ཏེ་དེ་བཞིན་ཉིད་དུ་སློབ་ཅིང་དེ་བཞིན་དུ་ནན་ཏན་བྱེད་པར་འགྱུར་སྙམ་ནས། སེམས་ཅན་ལེ་ལོ་ཅན་རྣམས་ཀྱི་ཕྱིར་སྟོན་ཏོ། །དེ་བརྩོན་འགྲུས་ཀྱང་རྩོམ་ལ་ཐམས་ཅད་དུ་རྩོམ་པ་
D132.055.0266b02.01ཡང་མེད་དོ། །དེ་ཅིའི་ཕྱིར་ཞེ་ན། དེ་ལྟར་བྱང་ཆུབ་སེམས་དཔའ་དེས་ཆོས་ཀྱི་དབྱིངས་གནས་པ་ཉིད་མ་འོངས་མ་སོང་བ་རྟོགས་པའི་ཕྱིར་རོ། །དེ་དེ་ལྟར་གནས་པས་ལུས་དང་། ངག་དང་། སེམས་དང་བྲལ་བའི་བརྩོན་འགྲུས་ཀྱང་སྟོན་ལ་ཆོས་གང་ཡང་ཡོངས་སུ་གྲུབ་པར་ཡང་མི་མཐོང་
D132.055.0266b03.01ངོ་། །དེ་བརྩོན་འགྲུས་བརྩམས་པར་ཡང་སྣང་ལ་དེ་ཕྱི་འམ་ནང་གི་ལུས་རྟུལ་བ་ཡང་མེད་དོ། །སངས་རྒྱས་ཀྱི་ཞིང་གྲངས་མེད་པར་འགྲོ་ཞིང་འོང་ཡང་ལུས་ཀྱི་ཆོས་ཉིད་ལས་ཀྱང་མི་གཡོའོ། །དེ་དགེ་བ་ཐམས་ཅད་རྩོམ་པར་ཡང་སྟོན་ལ་དེས་དགེ་བའམ། མི་དགེ་བའི་ཆོས་གང་ཡང་མི་
D132.055.0266b04.01དམིགས་སོ། །ཐོས་པ་ཡོངས་སུ་ཚོལ་བར་ཡང་སྣང་ལ་དེ་སངས་རྒྱས་ཐམས་ཅད་ཀྱི་བྱང་ཆུབ་ལ་གཞན་གྱི་དྲིང་ལ་མི་འཇོག་པ་ཡང་ཡིན་ནོ། །མཁན་པོ་དང་སློབ་དཔོན་ཡང་ཚོལ་ལ་ལྷ་དང་བཅས་པའི་འཇིག་རྟེན་གྱི་སློབ་དཔོན་ཡང་ཡིན་ནོ། །ཐལ་མོ་སྦྱར་ཏེ་ཆོས་ཀུན་ཆུབ་པར་བྱེད་པར་
D132.055.0266b05.01ཡང་སྣང་ལ་དེ་ཐོགས་པ་མེད་པའི་སྤོབས་པ་ཡང་ཐོབ་བོ། །གུས་པར་བྱེད་པར་ཡང་སྣང་ལ་དེ་ལ་ལྷ་དང་བཅས་པའི་འཇིག་རྟེན་ཡང་གུས་པར་བྱེད་དོ། །དེ་མངལ་ན་ཉལ་བར་ཡང་སྟོན་ལ་དེ་མངལ་གྱི་དྲི་མ་ཐམས་ཅད་ཀྱིས་ཀྱང་མི་གོས་སོ། །དེ་བཙས་པར་ཡང་སྟོན་ལ་དེས་ཆོས་གང་ཡང་
D132.055.0266b06.01སྐྱེ་བའམ། འགགས་པར་ཡང་མི་མཐོང་ངོ་། །ཁྱེའུའི་གཟུགས་སུ་ཡང་སྟོན་ལ་དེ་དབང་པོ་ཐམས་ཅད་ཀྱང་ཡོངས་སུ་རྫོགས་སོ། །བཟོའི་གནས་དང་། ལུས་ཀྱི་གནས་དང་། རིག་པ་དང་། སྔགས་ཀྱི་གནས་དང་། རྩི་དང་། སྨན་དང་། ཡི་གེ་དང་། ལག་རྩིས་དང་། གྲངས་
D132.055.0266b07.01