完整藏文原文 · 德格版页 当前仅加载第 55 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བའི་ཏིང་ངེ་འཛིན་འདི་ཐོས་མ་ཐག་ཏུ་མོས་པའི་སེམས་ཅན་དེ་དག་ནི་སངས་རྒྱས་ཀྱི་ཆོས་ལ་ངེས་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། དགེ་བའི་རྩ་བ་མ་བསྐྱེད་པའི་སེམས་ཅན་དག་གིས་ནི་བསྟན་པ་འདི་
D132.055.0297b01.01ཐོས་ནས་ཡིད་ཆེས་པར་མི་ནུས་ཏེ། རིགས་ཀྱི་བུ་གང་དཔའ་བར་འགྲོ་བའི་ཏིང་ངེ་འཛིན་འདི་ལ་མོས་པར་འགྱུར་བའི་སེམས་ཅན་དེ་དག་ནི་ཉུང་ངོ་། །གང་དག་སྤོང་ཞིང་མོས་པར་མི་འགྱུར་བ་དག་ནི་མང་ངོ་། །རིགས་ཀྱི་བུ་བྱང་ཆུབ་སེམས་དཔའ་ཆོས་བཞི་དང་ལྡན་ན་ཏིང་ངེ་འཛིན་འདི་ལ་མོས་
D132.055.0297b02.01པར་ནུས་སོ། །བཞི་གང་ཞེ་ན། དེས་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ལས་ཏིང་ངེ་འཛིན་འདི་སྔོན་ཆད་ཐོས་པ་ཡིན། དགེ་བའི་བཤེས་གཉེན་གྱིས་ཡོངས་སུ་ཟིན་ཅིང་ལྷག་པའི་བསམ་པ་ལ་གནས་པ་ཡིན། དགེ་བའི་རྩ་བ་བསགས་པ་དང་རྒྱ་ཆེན་པོ་ལ་མོས་པ་
D132.055.0297b03.01ཡིན། ཐེག་པ་ཆེན་པོ་འདི་ལ་ལུས་མངོན་དུ་བྱས་པ་ཡིན་ཏེ། རིགས་ཀྱི་བུ་དག་ཆོས་བཞི་པོ་དེ་དག་དང་ལྡན་ན་ཏིང་ངེ་འཛིན་འདི་ལ་མོས་པའམ། ཡིད་ཆེས་པར་སླའོ། །དགྲ་བཅོམ་པ་བརྣག་པ་ཡོངས་སུ་རྫོགས་པའམ། ལྟ་བ་ཕུན་སུམ་ཚོགས་པའམ། རྒྱུན་དུ་ཞུགས་པའམ།
D132.055.0297b04.01དད་པས་རྗེས་སུ་འབྲང་བ་གང་ཡིན་པ་དེ་དག་ཀྱང་དེ་བཞིན་གཤེགས་པ་ལ་དད་པས་མོས་པ་ཡིན་གྱི། དེ་དག་འདི་ལ་མངོན་སུམ་དུ་གྱུར་པ་ནི་མ་ཡིན་ནོ། །རིགས་ཀྱི་བུ་དག་ཉན་ཐོས་དང་། རང་སངས་རྒྱས་ཐམས་ཅད་ཀྱིས་ཀྱང་རྟོགས་པར་ཁོང་དུ་ཆུད་པར་མི་ནུས་ན། སེམས་ཅན་གཞན་
D132.055.0297b05.01དག་གིས་ལྟ་ཅི་སྨོས། དེ་ནས་བཅོམ་ལྡན་འདས་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟ་སྟེ་དཔེར་ན་མི་དམུས་ལོང་ལ་ལ་ཞིག་གཉིད་ལོག་པའི་རྨི་ལམ་ན་མིག་རྙེད་དེ་གཟུགས་ཀྱི་རྣམ་པ་དག་ཀྱང་མཐོང་བར་གྱུར་ནས། དེའི་རྨི་ལམ་ན་ཚིམ་
D132.055.0297b06.01ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ནས་སེམས་ཅན་མིག་དང་ལྡན་པ་གཞན་དག་དང་། འགྲེང་བའམ། མཆིས་པའམ། འཆག་པའམ། སྨྲ་བར་བགྱིད་པ་ལས། བཅོམ་ལྡན་འདས་མི་དམུས་ལོང་དེ་སད་པ་དང་། མི་དེ་དམུས་ལོང་
D132.055.0297b07.01