完整藏文原文 · 德格版页 当前仅加载第 55 函德格 303a 版页；藏文 NFD、目录标记与异常页序保留在来源切片中，重复版页行以稳定序号区分。
པར་སྤྱོད་པར་ཡང་བྱེད། སེམས་ཅན་རྐྱེན་གྱི་མཐུ་ཆེ་བ་རྣམས་ཀྱི་ཕྱིར་ཡོངས་སུ་མྱ་ངན་ལས་འདའ་བར་ཡང་སྟོན་ལ་ཏིང་ངེ་འཛིན་གྱི་སྟོབས་ཀྱིས་ཀྱང་སྐྱེ་བ་ཡིན་ཏེ། ལྷའི་བུ་དག་དེ་ལྟར་བྱང་ཆུབ་སེམས་དཔའ་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པ་ནི་འཕགས་
D132.055.0303a01.01པའི་ཐ་སྙད་ཐམས་ཅད་ཀྱིས་ཀྱང་ཐ་སྙད་འདོགས་ཤིང་། སེམས་ཅན་ཇི་ལྟ་བུའི་ས་ལ་གནས་པ་དེ་དག་ལ་ཡང་ཆོས་སྟོན་ལ་ས་དེ་ལ་གནས་པར་ཡང་མི་བྱེད་དོ།། །།བམ་པོ་ལྔ་པ་སྟེ་ཐ་མ། དེ་ནས་ལྷའི་བུ་དེ་དག་གིས་བཤད་པ་དེ་ཐོས་ནས་རབ་ཏུ་དགའ་སྟེ་ཚིག་སྨྲས་
D132.055.0303a02.01པ། བཅོམ་ལྡན་འདས་གང་དག་ཉན་ཐོས་ཀྱི་སྐྱོན་མེད་པ་ལ་ཞུགས་པ་དང་། གང་དག་རང་སངས་རྒྱས་ཀྱི་སྐྱོན་མེད་པ་ལ་ཞུགས་པའི་སེམས་ཅན་དེ་དག་གིས་ནི་མདུད་པར་བགྱི་སྟེ། བཅོམ་ལྡན་འདས་སེམས་ཅན་དེ་དག་ནི་དཔའ་བར་འགྲོ་བའི་ཏིང་ངེ་འཛིན་འདི་ལས་ཉམས་པ་ལགས་སོ། །
D132.055.0303a03.01བཅོམ་ལྡན་འདས་མཚམས་མ་མཆིས་པ་ལྔ་དང་ལྡན་པས་དཔའ་བར་འགྲོ་བའི་ཏིང་ངེ་འཛིན་འདི་ཐོས་པ་ནི་ལེགས་ཀྱི། དགྲ་བཅོམ་པ་ཟག་པ་ཟད་པ་ནི་དེ་ལྟ་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་མཚམས་མ་མཆིས་པ་ལྔ་དང་ལྡན་པས་ནི་དཔའ་བར་འགྲོ་བའི་ཏིང་ངེ་འཛིན་
D132.055.0303a04.01འདི་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་ཀྱང་བསྐྱེད་ལ། དེས་སྔོན་སྡིག་པའི་ལས་བགྱིས་པས་ནི་སེམས་ཅན་དམྱལ་བར་ཡང་མཆི་མོད་ཀྱི། འོན་ཀྱང་དཔའ་བར་འགྲོ་བའི་ཏིང་ངེ་འཛིན་གྱི་ནང་དུ་ཡང་ཆུད་པར་མཆིའོ། །དགྲ་བཅོམ་པ་ཟག་པ་ཟད་པ་ཤིན་ཏུ་
D132.055.0303a05.01བསླབས་པ་སྣོད་དུ་མ་གྱུར་པས་དཔའ་བར་འགྲོ་བའི་ཏིང་ངེ་འཛིན་ལ་ཅི་ཞིག་བགྱིར་མཆིས་ཏེ། བཅོམ་ལྡན་འདས་འདི་ལྟ་སྟེ། དཔེར་ན་སྦྲང་རྩིའམ། མར་རམ། འབྲུ་མར་གྱི་སྦྱིན་པ་ཆེན་པོ་བགྱིད་པའི་ཚེ། མི་མང་པོ་སྣོད་ཐོགས་ཏེ་མཆིས་པ་ལས། དེ་ན་མི་ཞིག་དྲན་པ་ཉམས་
D132.055.0303a06.01པས་སྣོད་ཆག་པར་གྱུར་ན། དེ་སྦྲང་རྩི་དང་། མར་དང་། འབྲུ་མར་གྱི་སྦྱིན་གཏོང་བགྱིད་པ་དེར་མཆིས་སུ་ལགས་ཀྱང་། སྣོད་ཆག་པའི་སླད་དུ་ཅི་བགྱིར་ཡང་མ་མཆིས་ཏེ། དེ་བདག་ཅི་ཡོག་པ་ཞིག་འཚལ་ནས་མཆི་བར་བས་ཀྱི། སེམས་ཅན་གཞན་དག་ལ་འདྲངས་པར་བགྱི་ཞིང་
D132.055.0303a07.01