完整藏文原文 · 德格版页 当前仅加载第 55 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བའི་ཏིང་ངེ་འཛིན་འདི་ཉིད་ཀྱི་སྟོབས་བསྐྱེད་པས་སླར་ཡང་སྐྱེ་བར་སྟོན་ཏོ། །དེ་འཁོར་བ་ལས་མྱ་ངན་ལས་འདས་པར་ཡང་འགྲོ་ལ་སེམས་ཅན་གཞན་བསྒྲལ་བའི་ཕྱིར་སླར་ཡང་འཁོར་བ་ན་ཡང་སྣང་སྟེ། སྐྱེས་བུ་དེ་དག་ནི་མཉན་པ་ལྟ་བུ་ཞེས་བྱའོ། །བློ་གྲོས་བརྟན་པ་འདི་ལྟ་སྟེ།
D132.055.0268b01.01དཔེར་ན་སྒྱུ་མ་མཁན་ནི་སྐྱེ་བོ་ཕལ་པོ་ཆེ་ཚོགས་པའི་མདུན་དུ་བདག་ཤི་བར་སྟོན་ཏེ། བདག་ཚིག་པའམ། ཟོས་པའམ། རྙིས་པའམ། སྐམས་པའམ། རྣམ་པར་འཐོར་བ་བསྟན་ནས། དེས་སེམས་ཅན་དེ་དག་ལས་ནོར་བླངས་ཏེ། སླར་འདུག་པར་བྱེད་དོ། །བློ་གྲོས་བརྟན་པ་དེ་
D132.055.0268b02.01བཞིན་དུ་དཔའ་བར་འགྲོ་བའི་ཏིང་ངེ་འཛིན་ལ་གནས་པའི་བྱང་ཆུབ་སེམས་དཔའ་ཡང་སེམས་ཅན་ཡོངས་སུ་སྨིན་པར་བྱ་བའི་ཕྱིར་སྐྱེ་བ་དང་། རྒ་བ་དང་། ན་བ་དང་། འཆི་བ་ཡང་སྟོན་ལ། དེ་སྐྱེ་བ་ཡང་མེད། རྒ་བ་ཡང་མེད། ན་བ་ཡང་མེད། འཆི་བ་ཡང་མེད་དོ། །བློ་གྲོས་བརྟན་པ་
D132.055.0268b03.01དེ་ཡང་དཔའ་བར་འགྲོ་བའི་ཏིང་ངེ་འཛིན་ལ་གནས་པའི་བྱང་ཆུབ་སེམས་དཔའི་ཏིང་ངེ་འཛིན་ཡོངས་སུ་སྦྱོང་བ་བྱེད་པའི་བྱེ་བྲག་ཏུ་བལྟའོ། །བློ་གྲོས་བརྟན་པ་གཞན་ཡང་དཔའ་བར་འགྲོ་བའི་ཏིང་ངེ་འཛིན་ལ་གནས་པའི་བྱང་ཆུབ་སེམས་དཔའ་ནི་ཤེས་རབ་དང་ལྡན་པ་ཡིན་ཏེ། ཤེས་རབ་
D132.055.0268b04.01རྣོ་བས་དེ་སེམས་ཅན་གྱི་རང་བཞིན་ཡང་མི་དམིགས་ལ་སེམས་ཅན་ཡོངས་སུ་སྨིན་པར་བྱ་བའི་ཕྱིར་སེམས་ཅན་སེམས་ཅན་ཞེས་ཐ་སྙད་ཀྱང་འདོགས་སོ། །སྲོག་དང་གང་ཟག་གི་རང་བཞིན་ཡང་མི་དམིགས་ལ་སྲོག་དང་གང་ཟག་དུ་ཐ་སྙད་གདགས་པ་ཡང་ཐ་སྙད་དུ་འདོགས་
D132.055.0268b05.01སོ། །ལས་དང་རྣམ་པར་སྨིན་པའི་རང་བཞིན་ཡང་མི་དམིགས་ལ་ལས་དང་རྣམ་པར་སྨིན་པ་ཡང་སྟོན་ཏོ། །འཁོར་བའི་ཉོན་མོངས་པའི་རང་བཞིན་ཡང་མི་དམིགས་ལ་འཁོར་བའི་ཉོན་མོངས་པ་ཡོངས་སུ་ཤེས་པ་ཡང་སྟོན་ཏོ། །མྱ་ངན་ལས་འདའ་བར་འགྲོ་བ་ཡང་མི་གཏོང་ལ་མྱ་
D132.055.0268b06.01ངན་ལས་འདའ་བར་འགྲོ་བར་བྱ་བའི་ཕྱིར་ཆོས་ཀྱང་སྟོན་ཏོ། །ཆོས་གདགས་པ་ཡང་མི་དམིགས་ལ་དགེ་བ་དང་། མི་དགེ་བའི་ཆོས་རྣམ་པར་གཞག་པ་ཡང་སྟོན་ཏོ། །དེ་ཤེས་རབ་ཐོགས་པ་མེད་པའི་དམ་པའི་ཕ་རོལ་ཏུ་ཕྱིན་པས་འདོད་པའི་ཁམས་ལ་ཡང་མི་ཆགས་ལ་དེ་ན་
D132.055.0268b07.01