完整藏文原文 · 德格版页 当前仅加载第 55 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་ཞེ་ན། སྡིག་ཅན་ཆོས་ཐམས་ཅད་ནི་རང་བཞིན་གྱིས་རྣམ་པར་གྲོལ་བས་ཆོས་ཐམས་ཅད་གྲོལ་བ་སྟེ། སྡིག་ཅན་ཆོས་ཐམས་ཅད་ནི་རང་བཞིན་གྱིས་མ་བཅིངས་མ་གྲོལ་བའོ། །སྡིག་ཅན་འདི་ནི་མ་བཅིངས་མ་གྲོལ་བའི་སྒོ་ཞེས་བྱ་བའི་ཆོས་ཀྱི་སྒོ་ཡིན་ཏེ། དེ་བཞིན་གཤེགས་པ་ནི་སྒོ་
D132.055.0286b01.01དེས་ཆོས་སྟོན་ཏོ། །གང་དག་གིས་ཆོས་སྟོན་པ་འདི་ཤེས་པ་དེ་དག་ནི་བཅིངས་པ་ལས་ཐར་བར་ཡང་མི་རྩོལ་བ་གང་ལས་ཐར་བར་འགྱུར་བའི་བཅིངས་པ་ཡང་མི་དམིགས་སོ། །དེ་ནས་འཁོར་དེའི་ནང་ནས་ལྷའི་བུ་མོ་བདུན་བརྒྱས་ལྷའི་མེ་ཏོག་དང་། བདུག་པ་དང་། ཕྱེ་མ་དང་། སྤོས་
D132.055.0286b02.01དང་། ཕྲེང་བ་དང་། བྱུག་པ་དག་གིས་བྱང་ཆུབ་སེམས་དཔའ་བདུད་ཀྱི་སྤྱོད་པའི་ཡུལ་གྱིས་མི་གོས་པའི་ལུས་ལ་གཏོར་ནས། རིགས་ཀྱི་བུ་གང་གི་ཚེ་ན་བདུད་ཀྱི་བཅིང་བ་འདི་ལས་ཐར་བར་འགྱུར། རིགས་ཀྱི་བུ་དེས་དེ་དག་ལ་འདི་སྐད་ཅེས་སྨྲས་སོ། །གང་བདུད་ཀྱི་བཅིང་བ་
D132.055.0286b03.01འཁྲུགས་པར་མི་བྱེད་པ་དེ་ནི་བདུད་ཀྱི་བཅིང་བ་ལས་ཐར་བར་འགྱུར་རོ། །བདུད་ཀྱི་བཅིང་བ་དེ་གང་ཞེ་ན། འདི་ལྟ་སྟེ། ལྟ་བར་གྱུར་པ་དྲུག་ཅུ་རྩ་གཉིས་ཡིན་ཏེ། གང་ལྟ་བ་དྲུག་ཅུ་རྩ་གཉིས་འཁྲུགས་པར་མི་བྱེད་པ་དེ་བདུད་ཀྱི་བཅིང་བ་ལས་ཐར་བར་འགྱུར་རོ། །ལྷའི་བུ་མོ་དེ་
D132.055.0286b04.01དག་གིས་སྨྲས་པ། རིགས་ཀྱི་བུ་ཇི་ལྟར་ན་ལྟ་བར་གྱུར་པ་མི་འཁྲུགས་པ་ལགས། དེས་སྨྲས་པ། ལྟ་བར་གྱུར་པ་དེ་དག་ནི་ཆོས་གང་གི་ནང་དུ་ཡང་སོང་བ་ཡང་མ་ཡིན། མ་སོང་བ་ཡང་མ་ཡིན་ཏེ། དེ་ལྟར་གང་དུ་ཡང་མི་འགྲོ། གང་ནས་ཀྱང་མི་འོང་བ་འདི་ནི་བདུད་ཀྱི་
D132.055.0286b05.01བཅིང་བ་ལས་ཐར་བ་ཡིན་ནོ། །ལྟ་བར་གྱུར་པ་དེ་དག་ནི་མེད་པ་ཡིན་ཏེ། ཡོད་པ་མ་ཡིན་ནོ། །གང་ཡོད་པ་དང་། མེད་པར་རྣམ་པར་མི་རྟོག་པ་དེ་ནི་བདུད་ཀྱི་བཅིང་བ་ལས་ཐར་བའོ། །ལྟ་བར་གྱུར་པ་དེ་དག་ཐམས་ཅད་ནི་ཡོངས་སུ་གྲུབ་པ་མ་ཡིན་ཏེ། གང་ཆོས་ཐམས་ཅད་ཀྱི་
D132.055.0286b06.01ཡོངས་སུ་མ་གྲུབ་པ་དེ་ནི་བདུད་ཀྱི་བཅིང་བ་ལས་ཐར་བའོ། །ལྟ་བར་གྱུར་པ་དེ་དག་ནི་ནང་ན་ཡང་མེད། ཕྱི་རོལ་ན་ཡང་མེད། གཉི་ག་མེད་པར་ཡང་མི་དམིགས། རིང་བ་ཡང་མ་ཡིན། ཉེ་བ་ཡང་མ་ཡིན་ཏེ། གང་དེ་ལྟར་ཤེས་ཤིང་རློམ་སེམས་མེད་པ་དེ་ནི་བདུད་ཀྱི་བཅིང་བ་
D132.055.0286b07.01