完整藏文原文 · 德格版页 当前仅加载第 55 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་གྱི་དཀྱིལ་འཁོར་འདི་ལས་ཀྱང་མི་གཡོ་ཞིང་ཆོས་ཀྱི་དབྱིངས་ཀྱི་དཀྱིལ་འཁོར་ལས་ཀྱང་མི་གཡོ་ལ། སངས་རྒྱས་ཀྱི་ཞིང་ཚད་མེད་པ་རྣམས་སུ་ཡང་སེམས་ཅན་རྣམས་ལ་སྟོན་པར་བྱེད་ཅིང་། སེམས་ཅན་ཇི་ལྟར་མོས་པ་དག་ལ་དེ་བཞིན་དུ་ཆོས་སྟོན་ཏེ། སེམས་
D132.055.0297a01.01ཅན་སྣོད་དུ་མ་གྱུར་པ་དག་ནི་ཇི་ལྟར་དམུས་ལོང་གི་སེམས་ཀྱིས་མ་ཤེས་མ་མཐོང་བ་བཞིན་ནོ། །དེ་ནས་ཐམས་ཅད་དང་ལྡན་པའི་འཁོར་དེ་ངོ་མཚར་དུ་གྱུར་ནས། དགའ་བ་དང་། དད་པ་དང་། མཆོག་ཏུ་དགའ་བ་ལ་གནས་སོ། །གང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་
D132.055.0297a02.01ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དེ་དག་གིས་དེ་བཞིན་གཤེགས་པ་ལ་མེ་ཏོག་སིལ་མས་གཏོར་ཏོ། །སིལ་སྙན་ཡང་དཀྲོལ་ཏོ། །མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དག་ཀྱང་གཏོར་ཏོ། །ཉན་
D132.055.0297a03.01ཐོས་ཆེན་པོ་དེ་དག་གིས་ཀྱང་བདག་བདག་གི་བླ་གོས་དེ་བཞིན་གཤེགས་པའི་སྐུ་ལ་གསོལ་ཏོ། །བྱང་ཆུབ་སེམས་དཔའ་དེ་དག་གིས་ཀྱང་མེ་ཏོག་གི་སྐོན་བུ་རི་རབ་དང་མཉམ་པ་དང་། ཙན་དན་དང་། སྤོས་དང་། ཕྲེང་བ་དང་། ཕྱེ་མ་དང་། བྱུག་པ་དག་གིས་དེ་བཞིན་གཤེགས་པ་ལ་གཏོར་
D132.055.0297a04.01ཏེ་ཚིག་འདི་སྐད་དུ། བཅོམ་ལྡན་འདས་གང་ན་དཔའ་བར་འགྲོ་བའི་ཏིང་ངེ་འཛིན་འདི་རབ་ཏུ་སྤྱོད་པའི་སའི་ཕྱོགས་དེ་ནི་རྡོ་རྗེ་ལྟ་བུ་ལགས་སོ། །བཅོམ་ལྡན་འདས་གང་དཔའ་བར་འགྲོ་བའི་ཏིང་ངེ་འཛིན་འདི་བཤད་པ་ཐོས་ནས་མོས་པར་བགྱིད། ཡིད་ཆེས་པར་བགྱིད། མི་སྐྲག་མི་དངང་
D132.055.0297a05.01དངང་བར་མི་འགྱུར་གྱི། ལེན་པར་བགྱིད། འཛིན་པར་བགྱིད། ཀློག་པར་བགྱིད། ཀུན་ཆུབ་པར་བགྱིད། འཆད་པར་བགྱིད་པའི་སེམས་ཅན་དེ་དག་ཀྱང་རྡོ་རྗེ་ལྟ་བུར་འགྱུར་ཏེ། བཟོད་པ་མི་ཕྱེད་པ། དད་པ་ལ་གནས་པ། དེ་བཞིན་གཤེགས་པས་ཡོངས་སུ་ཟིན་པ། དགེ་
D132.055.0297a06.01བའི་རྩ་བ་ཤིན་ཏུ་བགྱིས་པ། རྙེད་པ་ལེགས་པར་རྙེད་པ། བདུད་དང་ཕྱིར་རྒོལ་བ་བཅོམ་པ། ལྟུང་བ་བཅད་པ། དགེ་བའི་བཤེས་གཉེན་གྱིས་ཤིན་ཏུ་ཟིན་པ་དག་ལགས་སོ། །བཅོམ་ལྡན་འདས་ཀྱིས་ཇི་ལྟར་བཀའ་སྩལ་པའི་དོན་བདག་གིས་འཚལ་བ་ལྟར་ན། གང་དཔའ་བར་
D132.055.0297a07.01