完整藏文原文 · 德格版页 当前仅加载第 55 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
ནད་མེད་ཐེག་པ་ཐམས་ཅད་པ། །བློ་ལྡན་སངས་རྒྱས་བཞིན་དུ་འཆད། །བརྟུལ་ཞུགས་བརྟན་པར་གྱུར་པ་དེ། །ཐེག་ཆེན་དེ་ལས་མི་ཉམས་ཏེ། །དཀོན་མཆོག་གསུམ་རིགས་གནས་བྱའི་ཕྱིར། །དེ་ལྟར་རྣམ་པ་གསུམ་དུ་འཆད། །ཕྱི་མའི་མཐར་ནི་གོ་བགོས་ཀྱང་། །དེ་ནི་སྐྱོ་བར་མི་འགྱུར་ཏེ། །
D132.055.0263b01.01སྙིང་རྗེ་ལས་ནི་བྱུང་བ་སྟེ། །སེམས་ཅན་རིས་ནི་ཀུན་ན་སྣང་། །ཤིན་ཏུ་བློ་དང་ལྡན་པ་ཡིས། །སྐྱེ་བའི་མཚན་ཉིད་ཀུན་བསྟན་ཏེ། །མཁས་པས་སེམས་ཅན་ཐམས་ཅད་ནི། །མྱུར་དུ་ཡོངས་སུ་སྨིན་པར་བྱེད། །སེམས་ཅན་ཀུན་གྱི་བསམ་པ་དང་། །སེམས་ཀྱི་སྤྱོད་ཡུལ་ཤེས་པས་ན། །
D132.055.0263b02.01དེ་བས་དེ་ནི་ཉན་ཐོས་དང་། །ལུས་ཅན་ཀུན་གྱིས་རྟོགས་པར་དཀའ། །གང་དུ་གཉིས་ནི་མེད་པ་དེར། །དབྱངས་ཀྱི་ཡན་ལག་ཀུན་སྒྲུབ་སྒྲུབ། །ཆོས་རྣམས་ཀུན་ལས་འཕགས་ཞི་བ། །གཞལ་ཡས་ཆོས་ནི་སྟོན་པར་བྱེད། །རྣམ་གྲོལ་ཤེས་པ་བསྐལ་གཅིག་ཏུ། །བསྐལ་པ་དུ་མ་སྟོན་པར་
D132.055.0263b03.01བྱེད། །བསྐལ་པ་རྣམ་པ་དུ་མ་དག །བསྐལ་པ་གཅིག་ཏུ་སྟོན་པར་བྱེད། །ཞིང་ནི་རྣམ་པ་དུ་མ་དག །ཞིང་གཅིག་ཏུ་ནི་སྟོན་པར་བྱེད། །ཞིང་གཅིག་རྣམ་པ་དུ་མ་ཡི། །ཞིང་རྣམས་སུ་ནི་སྟོན་པར་བྱེད། །སྐྲ་ཡི་རྩེ་མོ་གཅིག་ཏུ་ཡང་། །ཞིང་རྣམས་ཐམས་ཅད་སྟོན་པར་བྱེད། །དེ་བཞིན་དུ་ནི་
D132.055.0263b04.01ལུས་གཅིག་ལ། །སྡིག་མེད་ལུས་ཀུན་སྟོན་པར་བྱེད། །ཞིང་ཀུན་དཔེར་ན་ནམ་མཁའ་བཞིན། །དག་པ་ཉིད་དུ་རྟོགས་པར་འགྱུར། །དེ་ནི་བདག་གི་ལུས་ཀྱིས་ཀྱང་། །ཞིང་རྣམས་ཐམས་ཅད་ཁྱབ་པར་བྱེད། །བདག་གི་ལུས་དང་ཆོས་ཀྱི་དབྱིངས། །དེ་གཉིས་མཉམ་པར་རབ་ཏུ་ཤེས། །ཆོས་
D132.055.0263b05.01ཀྱི་དབྱིངས་ནི་མཚན་མ་མེད། །སྣང་བ་མེད་པ་ཉིད་དུ་རྟོགས། །སྣ་ཚོགས་ཀྱི་ནི་ཐབས་ལ་མཁས། །སྒྲ་བསམ་མི་ཁྱབ་ནམ་མཁའ་བཞིན། །དོན་རིག་ཚིག་གཅིག་བརྩམས་བྱས་ནས། །བསྐལ་པའི་བར་དུ་འཆད་པར་བྱེད། །སེམས་ཅན་ཆེན་པོ་ཆོས་ཀུན་ལ། །སངས་རྒྱས་ཀྱིས་ནི་ཆོས་
D132.055.0263b06.01སུ་རྟོགས། །ཚིག་གི་རབ་ཏུ་དབྱེ་བསྟན་ལ། །དེ་ཡི་མཁས་པ་འཇུག་པར་འགྱུར། །རྒྱུད་ཀྱི་རྣམ་པ་སྣ་ཚོགས་པ། །ཟུང་དང་སྣྲེལ་ཞི་སྒྲུབ་པར་བྱེད། །བདུད་ཀྱི་ལམ་ནི་མནན་གྱུར་ནས། །ལུས་ལས་འོད་ཟེར་གཏོང་བར་བྱེད། །དེ་ཡི་ལུས་དང་ངག་ཡིད་ཀྱི། །ལས་ནི་ཡེ་ཤེས་སྔོན་དུ་འགྲོ། །
D132.055.0263b07.01