完整藏文原文 · 德格版页 当前仅加载第 55 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
ལེགས་པར་བཤད་པས་ཚིམ་པར་བྱེད་དོ། །བློ་གྲོས་བརྟན་པ་འདི་ལྟ་སྟེ། དཔེར་ན་བུད་མེད་དམ། སྐྱེས་པའམ། ཁྱེའུའམ། བུ་མོས་སྣོད་ཆུང་ངུ་ཡང་རུང་། ཆེན་པོ་ཡང་རུང་སྟེ། ཇི་ཙམ་པ་དེ་ཁྱེར་ནས། ཆུ་མིག་གམ། མཚེའུའམ། རྫིང་ངམ། ལྟེང་ཀའམ། འབབ་ཆུའམ། རྒྱ་མཚོ་
D132.055.0269b01.01ཆེན་པོར་སོང་སྟེ། སྣོད་དེ་དག་ཐམས་ཅད་ཡོངས་སུ་བཀང་ནས་སོང་ཡང་ཆུ་མིག་གམ། མཚེའུའམ། རྫིང་ངམ། ལྟེང་ཀའམ། འབབ་ཆུའམ། རྒྱ་མཚོ་ཆེན་པོ་དེ་ཡང་ཅུང་ཟད་ཀྱང་བྲི་བ་ཡང་མེད་ལ་སེམས་ཅན་དེ་དག་ཀྱང་ཚིམ་པར་བྱེད་དོ། །བློ་གྲོས་བརྟན་པ་དེ་བཞིན་དུ་དཔའ་བར་འགྲོ་བའི་
D132.055.0269b02.01ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ཡང་འཁོར་གང་དང་གང་དུ་འགྲོ་ཡང་རུང་སྟེ། གལ་ཏེ་རྒྱལ་རིགས་ཀྱི་འཁོར་ཏམ། གལ་ཏེ་བྲམ་ཟེའི་འཁོར་ཏམ། གལ་ཏེ་ཁྱིམ་བདག་གི་འཁོར་ཏམ། གལ་ཏེ་དགེ་སྦྱོང་གི་འཁོར་ཏམ། གལ་ཏེ་བརྒྱ་བྱིན་གྱི་འཁོར་ཏམ། གལ་
D132.055.0269b03.01ཏེ་ཚངས་པའི་འཁོར་དུ་འགྲོ་ན་ཡང་། དེ་དག་ཐམས་ཅད་ལ་ལྷུན་གྱིས་གྲུབ་ཅིང་ལེགས་པར་བཤད་པས་ཚིམ་པར་བྱེད་དེ། ཇི་ལྟ་བུར་རིགས་དང་། དབང་པོ་དང་། མོས་པ་ཇི་ལྟ་བ་བཞིན་དུ་ཆོས་འཆད་པ་བྱུང་ཡང་། བྱང་ཆུབ་སེམས་དཔའ་དེའི་ཤེས་རབ་དང་། ཡེ་ཤེས་དང་།
D132.055.0269b04.01སྤོབས་པ་དང་། སྟོན་པ་ཡོངས་སུ་འབྲི་བ་ཡང་མེད་ལ་འཁོར་ཐམས་ཅད་ཀྱང་ལེགས་པར་བཤད་པས་ཚིམ་པར་བྱེད་དོ། །བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི་མཐོང་མ་ཐག་ཏུ་ཡང་སེམས་ཅན་རྣམས་འདུལ་བར་བྱེད་དོ། །ཐོས་
D132.055.0269b05.01པ་དང་། སྤྱོད་ལམ་དང་། བཤད་པ་དང་། མི་སྨྲ་བར་འདུག་པས་ཀྱང་སེམས་ཅན་དག་འདུལ་བར་བྱེད་དོ། །བློ་གྲོས་བརྟན་པ་འདི་ལྟ་སྟེ། དཔེར་ན་སྨན་གྱི་རྒྱལ་པོ་ཆེན་པོ་བལྟ་ན་སྡུག་པ་ཞེས་བྱ་བ་ནི་མཐོང་མ་ཐག་ཏུ་སེམས་ཅན་དག་གི་ནད་སེལ་བར་བྱེད་དོ། །བློ་གྲོས་བརྟན་པ་དེ་
D132.055.0269b06.01བཞིན་དུ་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ཡང་མཐོང་མ་ཐག་ཏུ་སེམས་ཅན་དེ་དག་གི་ནད་འདི་ལྟ་སྟེ། འདོད་ཆགས་དང་། ཞེ་སྡང་དང་། གཏི་མུག་གི་ནད་རྣམས་སེལ་བར་བྱེད་དོ། །བློ་གྲོས་བརྟན་པ་འདི་ལྟ་སྟེ། དཔེར་ན་སྨན་གྱི་
D132.055.0269b07.01