完整藏文原文 · 德格版页 当前仅加载第 55 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱོན་དུ་ལྟ་བ་ཡིན་ཏེ། བློ་གྲོས་བརྟན་པ་དེ་ནི་དཔའ་བར་འགྲོ་བའི་ཏིང་ངེ་འཛིན་ལ་གནས་པའི་བྱང་ཆུབ་སེམས་དཔའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་སྦྱོང་བ་བྱེད་པའི་བྱེ་བྲག་ཏུ་བལྟའོ། །བློ་གྲོས་བརྟན་པ་གཞན་ཡང་དཔའ་བར་འགྲོ་བའི་ཏིང་ངེ་འཛིན་ལ་གནས་
D132.055.0266a01.01པའི་བྱང་ཆུབ་སེམས་དཔའ་ནི་ཤིན་ཏུ་སྐད་ཅིག་པས་བཟོད་པ་ལ་གནས་པ་ཡིན། སེམས་ཅན་ཐམས་ཅད་མ་སྐྱེས་པས་བཟོད་པ་སྒོམ་པར་བྱེད། ཆོས་ཐམས་ཅད་མ་བྱུང་བས་བཟོད་པ་སྒོམ་པར་བྱེད། སེམས་ལ་གཟུགས་མེད་པས་བཟོད་པ་སྒོམ་པར་བྱེད། བདག་ཀུན་ནས་མི་སློང་བས་
D132.055.0266a02.01བཟོད་པ་སྒོམ་པར་བྱེད། གཞན་མི་དམིགས་པས་བཟོད་པ་སྒོམ་པར་བྱེད། འཁོར་བ་ལ་རློམ་སེམས་མེད་པས་བཟོད་པ་སྒོམ་པར་བྱེད། མྱ་ངན་ལས་འདས་པའི་རང་བཞིན་གྱིས་བཟོད་པ་སྒོམ་པར་བྱེད། རང་བཞིན་གྱིས་དབྱེར་མེད་པས་བཟོད་པ་སྒོམ་པར་བྱེད་དེ། དེ་བཟོད་པ་ཡང་སྒོམ་ལ་
D132.055.0266a03.01ཆོས་གང་ལ་ཡང་སྒོམ་པར་མི་བྱེད། སྒོམ་པ་དང་བྲལ་བར་ཡང་མི་བྱེད་དོ། །དེ་དེ་ལྟར་བཟོད་པ་ལ་གནས་ནས་སེམས་ཅན་ཡོངས་སུ་སྨིན་པར་བྱ་བའི་ཕྱིར་འདོད་པའི་ཁམས་སུ་སྐྱེ་སྟེ། གཤེ་བའི་དབང་པོར་ཡང་སྣང་ལ་ཆོས་ཉིད་ཀྱིས་གཤེ་བར་ཡང་མི་བྱེད། གནོད་སེམས་དང་ལྡན་པའི་དབང་
D132.055.0266a04.01པོར་ཡང་སྣང་ལ་ངོ་བོ་ཉིད་བསྒོམས་པས་གནོད་སེམས་སུ་ཡང་མི་བྱེད། བསྙེན་པར་དཀའ་བར་ཡང་སྣང་ལ་ཆོས་གང་ལ་ཡང་ཉེ་བའམ། རིང་བར་ཡང་མི་གནས། སེམས་ཅན་ཡོངས་སུ་སྨིན་པར་བྱ་བའི་ཕྱིར་སྤྱོད་ལམ་ཐམས་ཅད་རྣམ་པར་འཁྲུགས་པར་ཡང་བྱེད་ལ། ཆོས་ཀྱི་དབྱིངས་
D132.055.0266a05.01འཁྲུགས་པར་ཡང་ཡང་དག་པར་རྗེས་སུ་མི་མཐོང་ངོ་། །དེ་ནི་བཟོད་པ་སྨྲ་བ་ཡང་རྗོད་ལ་རྟག་པ་དང་། བརྟན་པ་དང་། ཐེར་ཟུག་དང་མི་འགྱུར་བའི་ཆོས་ཅན་གང་ཡང་མི་བཟོད་དོ། །དེ་དེ་ལྟར་བཟོད་པ་དང་ལྡན་པས་གནོད་སེམས་དང་། ཐ་བ་དང་། ཞེ་སྡང་དང་། ཁྲོ་བ་མང་བའི་སེམས་
D132.055.0266a06.01ཅན་རྣམས་ལ་གནོད་སེམས་དང་། ཐ་བ་དང་། ཞེ་སྡང་དང་། ཁྲོ་བ་སྤང་བའི་ཕྱིར་བཟོད་པའི་བསྔགས་པ་ཡང་རྗོད་ལ་གནོད་སེམས་དང་། བཟོད་པ་ཡང་མི་དམིགས་ཤིང་། དེ་དུས་ཐམས་ཅད་དུ་མ་སྣང་མ་ཉམས་སོ། །བློ་གྲོས་བརྟན་པ་དེ་ནི་དཔའ་བར་འགྲོ་བའི་ཏིང་ངེ་འཛིན་ལ་
D132.055.0266a07.01