完整藏文原文 · 德格版页 当前仅加载第 55 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
དྲན་པ་དང་ཤེས་བཞིན་ལ་མཁས་པ་ཡིན། བྱང་ཆུབ་སེམས་དཔའི་སྤྱོད་པ་ལ་ཞུགས་པས་ཤེས་རབ་ཀྱིས་རྣམ་པར་དཔྱད་པའི་བློ་དང་ལྡན་པ་ཡིན་ལ། དེ་ཕ་རོལ་ཏུ་ཕྱིན་པ་དྲུག་པོ་འདི་དག་ལ་སྤྱོད་པར་བྱེད་ཅིང་དེ་ཡང་མཚན་མ་དང་བཅས་པ་བྱེད་པ་དང་བཅས་པ་ཡིན་ལ། དེ་ལ་བྱང་ཆུབ་
D132.055.0290b01.01སེམས་དཔའ་གཞན་དག་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དག་འདི་སྙམ་དུ་སེམས་ཏེ། འདི་ལྟར་བྱང་ཆུབ་སེམས་དཔའ་འདི་ནི་བརྩོན་འགྲུས་བརྩམས་པ་ངོ་མཚར་ན་ཇི་སྲིད་ཅིག་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D132.055.0290b02.01མངོན་པར་རྫོགས་པར་འཚང་རྒྱ་བར་འགྱུར། འདི་བྱང་ཆུབ་ཐོབ་ནས་མིང་ཅིར་འགྱུར། སངས་རྒྱས་ཀྱི་ཞིང་ནི་ཇི་ལྟ་བུར་འགྱུར། ཉན་ཐོས་ཀྱི་དགེ་འདུན་ནི་ཇི་ལྟ་བུར་འགྱུར། བྱང་ཆུབ་སེམས་དཔའི་དགེ་འདུན་ནི་ཇི་ལྟ་བུར་འགྱུར་སྙམ་པ་དང་། དེ་བཞིན་གཤེགས་པས་སེམས་ཅན་
D132.055.0290b03.01དེ་དག་གི་ཐེ་ཙོམ་གཅད་པའི་ཕྱིར་བྱང་ཆུབ་སེམས་དཔའ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་ཏེ། ཅི་ནས་ཀྱང་ཐམས་ཅད་དང་ལྡན་པའི་འཁོར་གྱིས་ཐོས་པ་དང་། ཤེས་པ་དང་། རྟོགས་པར་འགྱུར་ལ། འདི་ལྟ་སྟེ། དེ་བཞིན་གཤེགས་པའི་བྱིན་གྱིས་བརླབས་
D132.055.0290b04.01ཀྱིས་བྱང་ཆུབ་སེམས་དཔའ་དེས་མི་ཤེས་མི་མཐོང་། མི་ཐོས་ཤིང་འཁོར་དེ་དག་ཐམས་ཅད་ཀྱིས་བྱང་ཆུབ་སེམས་དཔའ་དེ་བྱང་ཆུབ་ཐོབ་ནས་མིང་འདི་ཞེས་བྱ་བར་འགྱུར་རོ། །སངས་རྒྱས་ཀྱི་ཞིང་ནི་འདི་ལྟ་བུར་འགྱུར་རོ། །ཉན་ཐོས་ཀྱི་དགེ་འདུན་ནི་འདི་ལྟ་བུར་འགྱུར་རོ། །བྱང་ཆུབ་
D132.055.0290b05.01སེམས་དཔའི་དགེ་འདུན་ནི་འདི་ལྟ་བུར་འགྱུར་རོ། །ཚེའི་ཚད་ནི་འདི་ཙམ་དུ་འགྱུར་རོ་ཞེས་ཐོས་པར་འགྱུར། མཐོང་བར་འགྱུར། ཤེས་པར་འགྱུར་ཞིང་། དེ་ཐོས་ནས་ནེམ་ནུར་མེད་པ་དང་། སོམ་ཉི་མེད་པ་དང་། ཐེ་ཙོམ་མེད་པར་འགྱུར་ཏེ། བྱང་ཆུབ་སེམས་དཔའ་དེ་ལ་སྟོན་
D132.055.0290b06.01པའི་འདུ་ཤེས་དང་། དེ་བཞིན་གཤེགས་པའི་འདུ་ཤེས་དང་། འདྲེན་པའི་འདུ་ཤེས་སྐྱེད་པར་འགྱུར་ལ། བྱང་ཆུབ་སེམས་དཔའ་དེས་ནི་བདག་དེ་བཞིན་གཤེགས་པས་ལུང་བསྟན་པར་མི་ཤེས། མི་མཐོང་། མི་རྟོགས་པ་དེ་ནི་བྱང་ཆུབ་སེམས་དཔའི་གསང་སྟེ་ལུང་
D132.055.0290b07.01