完整藏文原文 · 德格版页 当前仅加载第 55 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
བུའི་གླིང་ལ་ལར་ནི་ཆོས་ཀྱི་འཁོར་ལོ་སྐོར་བར་ཤེས། འཛམ་བུའི་གླིང་ལ་ལར་ནི་སངས་རྒྱས་ཀྱི་མཛད་པ་སྣ་ཚོགས་མཛད་པར་ཤེས། འཛམ་བུའི་གླིང་ལ་ལར་ནི་ཚེའི་འདུ་བྱེད་འདོར་བར་ཤེས། ལ་ལར་ནི་ཡོངས་སུ་མྱ་ངན་ལས་འདའ་བར་ཤེས། ལ་ལར་ནི་ཡོངས་སུ་མྱ་ངན་ལས་
D132.055.0295b01.01འདས་པར་ཤེས། ལ་ལར་ནི་སྲེག་པར་ཤེས། ལ་ལར་ནི་བསྲེགས་པར་ཤེས། འཛམ་བུའི་གླིང་ལ་ལར་ནི་ལུས་གཅིག་ཏུ་མཁྲེགས་པར་ཤེས། ལ་ལར་ནི་རིང་བསྲེལ་འགེད་པར་ཤེས། ལ་ལར་ནི་ཆོས་ནུབ་པར་འགྱུར་བར་ཤེས། ལ་ལར་ནི་ཆོས་ནུབ་པར་ཤེས། ལ་ལར་ནི་
D132.055.0295b02.01ཚེ་དཔག་ཏུ་མེད་པར་ཤེས། ལ་ལར་ནི་ཚེ་ཐུང་བར་ཤེས། ལ་ལར་ནི་ངན་སོང་དུ་སྐྱེ་བའི་སྒྲ་ཡོད་པར་ཤེས། ལ་ལར་ནི་ངན་སོང་དུ་སྐྱེ་བའི་སྒྲ་ཡང་མེད་པར་ཤེས། ལ་ལར་ནི་འཛམ་བུའི་གླིང་ལྷའི་ལོངས་སྤྱོད་དང་འདྲ་བར་ཤེས། ལ་ལར་ནི་སེམས་ཅན་དག་ང་དང་བདག་གིར་མི་
D132.055.0295b03.01འཛིན་པས་འཛམ་བུའི་གླིང་བྱང་གི་སྒྲ་མི་སྙན་དང་འདྲ་བར་ཤེས། ལ་ལར་ནི་རིན་པོ་ཆེའི་གླིང་དུ་ཤེས། ལ་ལར་ནི་སའི་གླིང་དུ་ཤེས། ལ་ལར་ནི་རབ། ལ་ལར་ནི་འབྲིང་། ལ་ལར་ནི་ཐ་མར་ཤེས་པ་དེ་ནི་བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་གྱི་ཁྱུ་མཆོག་ཏུ་གྱུར་པ་ཡིན་ཏེ།
D132.055.0295b04.01དེའི་ཕྱིར་བྱང་ཆུབ་སེམས་དཔའ་དག་ཤིན་ཏུ་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་མི་འདའ་ཞིང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་ཡང་འདི་འདྲ་བའི་བཀོད་པས་རྣམ་པར་རྩེན་པ་སྟོན་པར་མཛད་པ་ལ་ལྟོས། བློ་གྲོས་བརྟན་པ་འཛམ་བུའི་གླིང་འདིར་
D132.055.0295b05.01ཡང་ད་ལྟ་ན་ཡང་ཆོས་ཀྱི་འཁོར་ལོ་བསྐོར་ལ། འཛམ་བུའི་གླིང་གཞན་དག་ཏུའང་ད་དུང་མངོན་པར་རྫོགས་པར་སངས་མ་རྒྱས་པར་ཡང་ཤེས། ལ་ལར་ནི་ཡོངས་སུ་མྱ་ངན་ལས་འདས་པར་ཤེས། འཛམ་བུའི་གླིང་ལ་ལར་ནི་དང་པོ་སེམས་བསྐྱེད་པར་ཤེས་ཏེ། བློ་གྲོས་བརྟན་པ་
D132.055.0295b06.01དེ་ནི་དཔའ་བར་འགྲོ་བའི་ཏིང་ངེ་འཛིན་གྱི་ཁྱུ་མཆོག་ཏུ་གྱུར་པའོ། །དེ་ནས་འཁོར་དེ་ན་བྱང་ཆུབ་སེམས་དཔའ་ཁ་ཅིག་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་
D132.055.0295b07.01