完整藏文原文 · 德格版页 当前仅加载第 55 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་མཁྲགས་པ། སྲ་བ། སྙིང་པོར་གྱུར་པ། རྡོ་རྗེ་ལྟ་བུ། ཁོང་སྟོང་མ་ཡིན་པ། མི་ཕྱེད་པ་ཡང་ཡིན་ནོ། །བྱང་ཆུབ་སེམས་དཔའ་དེའི་ཁོང་ན་ལོང་ཀ་དང་ཕོ་བ་ཡང་མེད། བཤང་བ་དང་གཅི་བ་ཡང་མེད། སྣབས་དང་མཆིལ་མ་ཡང་མེད། མི་གཙང་བ་ཡང་མེད། དྲི་མི་ཞིམ་པ་ཡང་
D132.055.0267b01.01མེད་དོ། །དེ་ཟ་བར་ཡང་མི་བྱེད་ལ་མིད་པར་ཡང་མི་བྱེད། ཟ་བ་ཡང་མེད་དོ། །སེམས་ཅན་ལ་སྙིང་བརྩེ་བའི་ཕྱིར་དེ་ཟ་བར་ཡང་སྣང་ལ་དེ་ཐམས་ཅད་དུ་ཁ་ན་མ་ཐོ་བ་ཡང་མེད་པ་ཡིན་ཏེ། བློ་གྲོས་བརྟན་པ་དེ་ལྟར་ན་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི་
D132.055.0267b02.01བྱིས་པ་སོ་སོའི་སྐྱེ་བོའི་སྤྱད་པ་ཐམས་ཅད་སྤྱོད་པར་ཡང་སྣང་ལ་གང་དུ་ཡང་སྤྱོད་པ་ཡང་མེད། རབ་ཏུ་སྤྱོད་པར་ཡང་མེད། ཀུན་སྤྱོད་པ་ཡང་མེད་དེ། སྤྱོད་པ་ཐམས་ཅད་ལས་ཀྱང་ལོག་པ་ཡིན་ནོ། །བློ་གྲོས་བརྟན་པ་དེ་ནི་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་
D132.055.0267b03.01དཔའི་བསམ་གཏན་གྱི་ཕ་རོལ་ཏུ་ཕྱིན་པའི་ངེས་པར་འབྱུང་བའི་ལམ་ཡོངས་སུ་སྦྱོང་བ་བྱེད་པའི་བྱེ་བྲག་ཏུ་བལྟའོ། །བློ་གྲོས་བརྟན་པ་གཞན་ཡང་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི་དགོན་པ་ན་གནས་པར་ཡང་སྣང་ལ་དེ་ལ་དགོན་པ་ཇི་ལྟ་བར་དེ་ལ་
D132.055.0267b04.01གྲོང་ཡང་དེ་བཞིན་ནོ། །དེ་གོས་དཀར་པོ་གྱོན་ཞིང་ཁྱིམ་གྱི་གནས་ན་གནས་པར་ཡང་སྣང་ལ་དེ་ལ་ཁྱིམ་ཇི་ལྟ་བར་རབ་ཏུ་བྱུང་བ་ཡང་དེ་བཞིན་ནོ། །བློ་གྲོས་བརྟན་པ་བྱང་ཆུབ་སེམས་དཔའ་ནི་ཁྱིམ་གྱི་ཆོས་ཀྱིས་ཀྱང་མི་གོས་ལ་རབ་ཏུ་བྱུང་བའི་ཆོས་ཀྱིས་ཀྱང་རློམ་སེམས་མེད་དོ། །དེ་ནི་
D132.055.0267b05.01སེམས་ཅན་ཡོངས་སུ་སྨིན་པར་བྱ་བའི་ཕྱིར་ཡ་མཚན་ཅན་ཐམས་ཅད་ཀྱི་ནང་དུ་རབ་ཏུ་བྱུང་བར་ཡང་སྣང་ལ་དེ་གང་དུ་ཡང་ཡ་མཚན་ཅན་གྱི་ལྟ་བར་འགྱུར་བ་ཡང་མེད། དེས་དག་པར་ཡིད་ཆེས་པ་ཡང་མེད་དོ། །དེ་ཡ་མཚན་ཅན་ཐམས་ཅད་ཀྱི་ཁ་དོག་དང་། གཟུགས་དང་། རྟགས་ཀྱང་སྟོན་
D132.055.0267b06.01ལ་དེ་ལ་ཞུགས་པ་ཡང་མ་ཡིན། དེ་ལ་གཞོལ་བ་ཡང་མ་ཡིན། དེ་ལ་འབབ་པ་ཡང་མ་ཡིན། དེ་ལ་བབ་པར་ཡང་མ་ཡིན་ནོ། །བློ་གྲོས་བརྟན་པ་འདི་ལྟ་སྟེ། དཔེར་ན་འདྲོན་པ་ཕལ་པོ་ཆེའི་ལམ་མཚོན་པ་ཡོངས་སུ་འདྲེན་པ་དེ་ནི་ལམ་ཡང་སྟོན་ལ་ལམ་དེ་ཉིད་དུ་ཡང་འགྲོ་ཞིང་
D132.055.0267b07.01