完整藏文原文 · 德格版页 当前仅加载第 55 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
ཅག་གིས་དཔའ་བར་འགྲོ་བའི་ཏིང་ངེ་འཛིན་གྱི་མིང་ཙམ་ཡང་སྔོན་མ་ཐོས་ན། རྒྱ་ཆེར་རྣམ་པར་ཕྱེ་ཞིང་བཤད་པ་ལྟ་ཅི་སྨོས་ཏེ། གང་བདག་ཅག་གིས་དཔའ་བར་འགྲོ་བའི་ཏིང་ངེ་འཛིན་གྱི་མིང་ཐོས་པས་ན་བདག་ཅག་གིས་རྙེད་པ་ལེགས་པར་རྙེད་དོ། །བདག་ཅག་འཁོར་འདིར་ལེགས་པར་འོངས་སོ། །བདག་
D132.055.0257b01.01ཅག་གིས་དེ་བཞིན་གཤེགས་པ་ལེགས་པར་མཐོང་ངོ་། །བྱང་ཆུབ་སེམས་དཔའི་ཐེག་པ་བའི་རིགས་ཀྱི་བུའམ། རིགས་ཀྱི་བུ་མོ་གང་དག་དཔའ་བར་འགྲོ་བའི་ཏིང་ངེ་འཛིན་རྣམ་པར་ཕྱེ་སྟེ་བཤད་པ་འདི་ཐོས་ནས་མོས་ཤིང་ཡིད་ཆེས་ལ་དད་པ་དེ་དག་ཐེ་ཚོམ་མེད་པར་བླ་ན་མེད་པ་ཡང་དག་པར་རྫོགས་
D132.055.0257b02.01པའི་བྱང་ཆུབ་ལས་ཕྱིར་མི་ལྡོག་པར་འགྱུར་ན། གང་དག་ཐོས་ནས་ལེན་པ་དང་། འཛིན་པ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་སྟོན་པ་དང་། དེ་བཞིན་ཉིད་དུ་ནན་ཏན་བྱེད་པ་ལྟ་ཅི་སྨོས་སྙམ་མོ། །དེ་ནས་བརྒྱ་བྱིན་དག་དང་། ཚངས་པ་དག་དང་།
D132.055.0257b03.01འཇིག་རྟེན་སྐྱོང་བ་དག་དང་། ལྷའི་བུ་དེ་དག་འདི་སྙམ་དུ་སེམས་ཏེ། གང་བདག་ཅག་གིས་དེ་བཞིན་གཤེགས་པ་ལ་མཆོད་པ་བྱ་བའི་ཕྱིར་ཁྲི་གང་ལ་བཞུགས་ནས། དེ་བཞིན་གཤེགས་པ་དཔའ་བར་འགྲོ་བའི་ཏིང་ངེ་འཛིན་འདི་སྟོན་པའི་ཆོས་ཀྱི་ཁྲི། སྐྱེས་བུ་དམ་པའི་ཁྲི། བཀོད་པ་ཆེན་
D132.055.0257b04.01པོའི་ཁྲི། ཆོས་ཀྱི་འཁོར་ལོ་ཆེན་པོ་བསྐོར་བའི་ཁྲིའི་སེང་གེའི་ཁྲི་ངེས་པར་བཤམ་པར་བྱའོ་སྙམ་མོ། །ཁྲི་དེ་ལ་དེ་བཞིན་གཤེགས་པ་བཞུགས་ནས་དཔའ་བར་འགྲོ་བའི་ཏིང་ངེ་འཛིན་འདི་འཆད་པར་འགྱུར་རོ་སྙམ་མོ། །དེ་ནས་ལྷའི་བུ་རེ་རེ་ཞིང་ཡང་བདག་ནི་དེ་བཞིན་གཤེགས་པའི་སེང་
D132.055.0257b05.01གེའི་ཁྲི་ཤོམ་གྱི་གཞན་ནི་མ་ཡིན་ནོ་སྙམ་མོ། །དེ་ནས་ལྷའི་བུ་དག་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དེ་དག་གིས་དེ་བཞིན་གཤེགས་པ་ལ་མཆོད་པ་བྱ་བའི་ཕྱིར་རང་རང་གིས་སེང་གེའི་ཁྲི་སྣ་ཚོགས་པ། བལྟ་ན་སྡུག་པ། འཕང་མཐོ་བ། རྒྱ་ཆེ་བ། ཡངས་
D132.055.0257b06.01པ། རས་བཅོས་བུ་བརྒྱ་སྟོང་དུ་མ་བཏིང་བ། སྟེང་གི་བར་སྣང་ལས་རིན་པོ་ཆེའི་གདུགས་དང་། རྒྱལ་མཚན་དང་། དྲ་བས་གཡོགས་པ། ཁོ་ར་ཁོར་ཡུག་ཏུ་རིན་པོ་ཆེའི་སྟེགས་བུས་བསྐོར་བ། གཡས་གཡོན་དུ་རིན་པོ་ཆེའི་ཤིང་ལྗོན་པ་དུ་མས་བརྒྱན་པ། དར་གྱི་ལྡ་ལྡི་བྲེས་པ།
D132.055.0257b07.01