完整藏文原文 · 德格版页 当前仅加载第 55 函德格 312a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ནི་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མི་རྣམས་ཀྱི་དོན་དང་། ཕན་པ་དང་། བདེ་བ་དང་། ད་ལྟར་དང་མ་འོངས་པའི་བྱང་ཆུབ་སེམས་དཔའ་རྣམས་ཀྱི་དོན་གྱི་ཕྱིར་ཞུགས་པ་
D132.055.0312a01.01ཡིན་ནོ། །འཇམ་དཔལ་ཁྱོད་གསོལ་བ་འདེབས་པའི་ཚིག་འདི་ནི་དེ་བཞིན་གཤེགས་པའི་མཐུས་སྐྱེས་སོ། །འཇམ་དཔལ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །བཅོམ་ལྡན་འདས་ལེགས་སོ་ཞེས་གསོལ་ཏེ། འཇམ་དཔལ་གཞོན་ནུར་གྱུར་པ་བཅོམ་ལྡན་འདས་
D132.055.0312a02.01ཀྱི་ལྟར་མཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །འཇམ་དཔལ་ཆོས་ཐམས་ཅད་ནི་རྒྱུ་བ་མེད་པའི་ཕྱིར་མི་གནས་པའོ། །འཇམ་དཔལ་ཆོས་ཐམས་ཅད་ནི་འདོད་ཆགས་དང་། ཞེ་སྡང་དང་། གཏི་མུག་མེད་པའི་ཕྱིར་ཡོངས་སུ་འཛིན་པ་མེད་པའོ། །འཇམ་དཔལ་
D132.055.0312a03.01ཆོས་ཐམས་ཅད་ནི་རྣམ་པར་རྟོག་པ་མེད་པའི་ཕྱིར་མི་དམིགས་པའོ། །འཇམ་དཔལ་ཆོས་ཐམས་ཅད་ནི་མི་འཁྲུགས་པའི་ཕྱིར་ཀུན་ནས་སློང་བ་མེད་པའོ། །འཇམ་དཔལ་ཆོས་ཐམས་ཅད་ནི་འབྲལ་བ་མེད་པའི་ཕྱིར་མ་འཁྲུགས་པའོ། །འཇམ་དཔལ་ཆོས་ཐམས་ཅད་ནི་དངོས་པོ་མེད་པའི་ཕྱིར་
D132.055.0312a04.01དབྱེར་མེད་པའོ། །འཇམ་དཔལ་ཆོས་ཐམས་ཅད་ནི་འདི་ལྟ་སྟེ། མཚན་ཉིད་མེད་པའི་ཕྱིར་འདུ་ཤེས་མེད་པའོ། །འཇམ་དཔལ་ཆོས་ཐམས་ཅད་ནི་མེད་པའི་ཕྱིར་མཚན་ཉིད་མེད་པའོ། །འཇམ་དཔལ་ཆོས་ཐམས་ཅད་ནི་འདི་ལྟ་སྟེ། འདུ་བྱེད་མི་དམིགས་པའི་ཕྱིར་ཡ་མ་བརླའོ། །འཇམ་
D132.055.0312a05.01དཔལ་ཆོས་ཐམས་ཅད་ནི་འདི་ལྟ་སྟེ། སེམས་ཅན་མི་དམིགས་པའི་ཕྱིར་མངོན་པར་འདུས་མ་བྱས་པའོ། །འཇམ་དཔལ་ཆོས་ཐམས་ཅད་ནི་བྱེད་པ་པོ་མི་དམིགས་པའི་ཕྱིར་འདུས་མ་བྱས་པའོ། །འཇམ་དཔལ་ཆོས་ཐམས་ཅད་ནི་མིག་མི་དམིགས་པའི་ཕྱིར་མཐོང་བ་པོ་མེད་པའོ། །འཇམ་
D132.055.0312a06.01དཔལ་ཆོས་ཐམས་ཅད་ནི་སེམས་མི་དམིགས་པའི་ཕྱིར་རྣམ་པར་ཤེས་པ་དང་བྲལ་བའོ། །འཇམ་དཔལ་ཆོས་ཐམས་ཅད་ནི་ཚད་མེད་པའི་ཕྱིར་མཐའ་ཡས་པའི་མུའོ། །འཇམ་དཔལ་ཆོས་ཐམས་ཅད་ནི་འདི་ལྟ་སྟེ། སེམས་ཅན་ཚད་མེད་པའི་ཕྱིར་ཚད་མེད་པའོ། །འཇམ་དཔལ་ཆོས་
D132.055.0312a07.01