完整藏文原文 · 德格版页 当前仅加载第 55 函德格 308b 版页；藏文 NFD、目录标记与异常页序保留在来源切片中，重复版页行以稳定序号区分。
གང་དག་མཆིས་པ་དེ་དག་ཐམས་ཅད་བཅོམ་ལྡན་འདས་ཀྱི་བྱང་ཆུབ་ཀྱི་སྙིང་པོའི་ཤིང་ཇི་ལྟ་བ་དེ་བཞིན་དུ་གྱུར་ཅིག །དེ་དག་ཐམས་ཅད་ན་བྱང་ཆུབ་སེམས་དཔའ་གནས་པར་གདའ་བར་གྱུར་ཅིག །བརྒྱ་བྱིན་ལྷུན་པོའི་རྩེ་མོ་འཛིན་གྱིས་ཚིག་དེ་སྨྲས་མ་ཐག་ཏུ་དེ་ནས་དེའི་ཚེ་ཤིང་དེ་དག་ཐམས་ཅད་བྱང་ཆུབ་ཀྱི་
D132.055.0308b01.01སྙིང་པོའི་ཤིང་འདྲ་བར་གྱུར་ཏོ། །བྱང་ཆུབ་ཀྱི་སྙིང་པོའི་ཤིང་དེ་དག་ཐམས་ཅད་ཀྱི་དྲུང་ན་བྱང་ཆུབ་སེམས་དཔའ་རྣམས་གནས་པར་ཡང་སྣང་ངོ་། །བྱང་ཆུབ་ཀྱི་སྙིང་པོའི་ཤིང་དེ་དག་ལས་བརྒྱ་བྱིན་ལྷུན་པོའི་རྩེ་མོ་འཛིན་ཁྱོད་ཀྱིས་ཇི་སྐད་སྨྲས་པ་དེ་བཞིན་ཏེ། ད་ལྟར་དང་ཕྱི་མའི་ཚེ་ལ་ཁྱོད་དཔའ་བར་
D132.055.0308b02.01འགྲོ་བའི་ཏིང་ངེ་འཛིན་དཀོན་མཆོག་འདི་རྒྱས་པར་བྱེད་པར་འགྱུར་རོ་ཞེས་སྒྲ་བྱུང་ངོ་། །དེ་ནས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མགྲིན་གཅིག་ཏུ་ཚིག་སྨྲས་པ། གལ་ཏེ་དེ་བཞིན་གཤེགས་
D132.055.0308b03.01པའི་སྐུ་ཚེ་བསྐལ་པར་གནས་པར་གྱུར་ལ། ཉན་ཐོས་ཀྱི་ཐེག་པ་ལས་བརྩམས་ཏེ་ཆོས་བཤད་ནས་ཆོས་བཤད་པ་རེ་རེ་ཞིང་ཡང་དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར་བས་སེམས་ཅན་ཇི་སྙེད་བཏུལ་བ་དེ་སྙེད་ཀྱི་སེམས་ཅན་དུལ་བར་གྱུར་པ་བས། གང་ཡང་དཔའ་བར་འགྲོ་བའི་ཏིང་
D132.055.0308b04.01ངེ་འཛིན་འདི་བཤད་པའི་ཚེ་སེམས་ཅན་རྣམས་ཀྱི་དོན་བགྱིས་པ་ནི་དེ་བས་འདི་ཆེས་མཆོག་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་སེམས་ཅན་དེ་དག་ཐམས་ཅད་ནི་ཉན་ཐོས་ཀྱི་ཐེག་པར་བཏུལ་བ་ལགས་ཏེ། བྱང་ཆུབ་སེམས་དཔའི་འདུལ་བའི་བརྒྱའི་ཆར་ཡང་ཉེ་བར་མི་
D132.055.0308b05.01མཆི་བ་ནས། རྒྱུའི་བར་དུ་ཡང་ཉེ་བར་མི་མཆི་སྟེ། གང་དུ་བྱང་ཆུབ་སེམས་དཔའ་དག་ངེས་པར་བྱུང་བ་དང་། ངེས་པར་འབྱུང་བ་དང་། ངེས་པར་འབྱུང་བར་འགྱུར་བ་དཔའ་བར་འགྲོ་བའི་ཏིང་ངེ་འཛིན་དེ་ནི་དེ་ཙམ་དུ་ཚད་མ་མཆིས་སོ། །བཅོམ་ལྡན་འདས་དེ་ལྟ་བས་ན་བྱང་ཆུབ་སེམས་
D132.055.0308b06.01དཔའ་ངེས་པར་འབྱུང་བའི་ལམ་ཐམས་ཅད་ཀྱིས་ངེས་པར་འབྱུང་བར་འཚལ་བས་དཔའ་བར་འགྲོ་བའི་ཏིང་ངེ་འཛིན་འདི་ལ་བརྩོན་པར་བགྱིའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བློ་གྲོས་བརྟན་པས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་
D132.055.0308b07.01