完整藏文原文 · 德格版页 当前仅加载第 55 函德格 311a 版页；藏文 NFD、目录标记与异常页序保留在来源切片中，重复版页行以稳定序号区分。
དཀོན་མཆོག་འདི་མཉན་པར་བྱའོ། །མ་ཐོས་པའི་ཆོས་རྣམས་ཐོས་ནས་མི་སྤོང་བར་འདོད་པ་དང་། ལྡེམ་པོ་ངག་རྟོགས་པར་འདོད་པ་དང་། ཡེ་ཤེས་མངོན་སུམ་དུ་གྱུར་པ་རྟོགས་པར་འདོད་པས་དཔའ་བར་འགྲོ་བའི་ཏིང་ངེ་འཛིན་འདི་ལ་མོས་པར་བྱའོ། །དཔའ་བར་འགྲོ་བའི་
D132.055.0311a01.01ཏིང་ངེ་འཛིན་འདི་བཤད་པའི་ཚེ་སེམས་ཅན་གྲངས་མེད་ཚད་མེད་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་སོ། །གང་བྱང་ཆུབ་སེམས་དཔའི་ས་ལ་གནས་པ་ནི་དེ་བས་ཀྱང་ཤིན་ཏུ་ཚད་མེད་དོ། །གང་དག་བཟོད་པ་ཐོབ་པར་གྱུར་པ་ནི་དེ་བས་ཀྱང་ཤིན་ཏུ་ཚད་མེད་དོ། །
D132.055.0311a02.01སྐྱེ་བ་གཅིག་གིས་ཐོགས་པ་ཡང་ཚད་མེད་པར་གྱུར་ཏོ། །བྱང་ཆུབ་སེམས་དཔའ་ཁྲི་བརྒྱད་སྟོང་གིས་ནི་དཔའ་བར་འགྲོ་བའི་ཏིང་ངེ་འཛིན་འདི་ཐོབ་བོ། །སྲོག་ཆགས་བརྒྱད་ཁྲི་དྲུག་སྟོང་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དགེ་སློང་དང་། དགེ་སློང་མ་ཉི་
D132.055.0311a03.01ཁྲི་བརྒྱད་སྟོང་ནི་ལེན་པ་མེད་པར་ཟག་པ་ལས་སེམས་རྣམ་པར་གྲོལ་ལོ། །དགེ་བསྙེན་དང་། དགེ་བསྙེན་མ་བརྒྱད་ཁྲི་དྲུག་སྟོང་ནི་ཆོས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ །ལྷ་ཁྲག་ཁྲིག་ཕྲག་སུམ་ཅུ་རྩ་དྲུག་གིས་ནི་ཆོས་མངོན་པར་རྟོགས་པར་གྱུར་ཏོ། །དེ་
D132.055.0311a04.01ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ལ་དོན་ལས་སྐྱེས་པའི་ཚིག་ཇི་ལྟ་བུ་དག་གིས་མ་འོངས་པའི་བྱང་ཆུབ་སེམས་དཔའ་རྣམས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འདས་པ་རྣམས་ཀྱི་བསླབ་པ་སློབ་ཅིང་
D132.055.0311a05.01ལོབས་ནས་སྤོབས་པ་རྒྱུན་མི་འཆད་པ་འཐོབ་པར་འགྱུར་བ་དེ་ལྟ་བུའི་དོན་ལས་སྐྱེས་པའི་ཚིག་བདག་ལ་བཤད་དུ་གསོལ། དོན་ལས་སྐྱེས་པའི་ཚིག་ཇི་ལྟ་བུས་གཟུངས་ཐོབ་པར་འགྱུར་བའི་དོན་ལས་སྐྱེས་པའི་ཚིག་དེ་དག་བཅོམ་ལྡན་འདས་ཀྱིས་བཤད་དུ་གསོལ། དེ་ནི་སྐྱེ་བོ་མང་པོ་
D132.055.0311a06.01ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མི་རྣམས་ཀྱི་དོན་དང་། སྨན་པ་དང་། བདེ་བ་དང་། གང་མ་འོངས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཕྱི་མའི་ཚེ་ཕྱི་མའི་དུས་ལ། དེ་བཞིན་གཤེགས་
D132.055.0311a07.01