完整藏文原文 · 德格版页 当前仅加载第 55 函德格 312b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ནི་འདི་ལྟ་སྟེ། གཉེན་པོ་མི་དམིགས་པའི་ཕྱིར་སྒྲིབ་པ་མེད་པའོ། །འཇམ་དཔལ་ཆོས་ཐམས་ཅད་ནི་འདི་ལྟ་སྟེ། མཉམ་པ་ཉིད་ཀྱི་ཕྱིར་གཉེན་པོ་མེད་པའོ། །འཇམ་དཔལ་ཆོས་ཐམས་ཅད་ནི་འདི་ལྟ་སྟེ། སྣ་ཚོགས་མི་དམིགས་པའི་ཕྱིར་མཉམ་པའོ། །འཇམ་དཔལ་ཆོས་
D132.055.0312b01.01ཐམས་ཅད་ནི་འདི་ལྟ་སྟེ། ཐ་མ་དང་མཆོག་དང་མཚུངས་པ་མི་དམིགས་པའི་ཕྱིར་སྣ་ཚོགས་མེད་པའོ། །འཇམ་དཔལ་ཆོས་ཐམས་ཅད་ནི་འདི་ལྟ་སྟེ། མི་འོང་བའི་ཕྱིར་མི་འཕོ་བའོ། །འཇམ་དཔལ་ཆོས་ཐམས་ཅད་ནི་འདི་ལྟ་སྟེ། འབྱུང་བ་མེད་པའི་ཕྱིར་མ་འོངས་པའོ། །འཇམ་དཔལ་
D132.055.0312b02.01ཆོས་ཐམས་ཅད་ནི་འདི་ལྟ་སྟེ། དུས་གསུམ་མཉམ་པའི་ཕྱིར་ལྟོས་པ་མེད་པའོ། །འཇམ་དཔལ་ཆོས་ཐམས་ཅད་ནི་འདི་ལྟ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་མི་དམིགས་པའི་ཕྱིར་དུས་གསུམ་ལས་འདས་པའོ། །འཇམ་དཔལ་ཆོས་ཐམས་ཅད་ནི་འདི་ལྟ་སྟེ།
D132.055.0312b03.01དབྱེ་བ་མི་དམིགས་པའི་ཕྱིར་རྡོ་རྗེ་ལྟ་བུའོ། །འཇམ་དཔལ་ཆོས་ཐམས་ཅད་ནི་འདི་ལྟ་སྟེ། རྣམ་པར་འཇིག་པ་མེད་པའི་ཕྱིར་གཡོ་བ་མེད་པའོ། །འཇམ་དཔལ་ཆོས་ཐམས་ཅད་ནི་འདི་ལྟ་སྟེ། ཡང་དག་པའི་མཐའ་རྣམ་པར་མི་རིག་པའི་ཕྱིར་མ་ཞིག་པའོ། །འཇམ་དཔལ་ཆོས་ཐམས་
D132.055.0312b04.01ཅད་ནི་འདི་ལྟ་སྟེ། མི་དམིགས་པའི་ཕྱིར་མྱ་ངན་ལས་འདས་པ་དང་མཉམ་པ་ཡིན་ཏེ། འཇམ་དཔལ་མ་ཆགས་པའི་ཚིག་དེ་དག་ནི་མཚན་མ་མེད་པའི་ཚིག་གོ། །མ་སྤྲོས་པའི་ཚིག་གོ། །རྙོག་པ་མེད་པའི་ཚིག་གོ། །མ་ནོར་བའི་ཚིག་གོ། །མ་གཡོས་པའི་ཚིག་གོ། །མི་འཕྲོགས་པའི་ཚིག་
D132.055.0312b05.01གོ། །ཕས་ཀྱི་རྒོལ་བ་ཐམས་ཅད་ཀྱིས་ཟིལ་གྱིས་མི་ནོན་པའོ། །ང་རྒྱལ་ཅན་ཐམས་ཅད་ཀྱིས་ཟིལ་གྱིས་མ་ནོན་པའོ། །འདི་ནི་མུ་སྟེགས་ཅན་དང་། ཕས་ཀྱི་རྒོལ་བ་རྣམས་ཀྱིས་མ་ཡིན་ནོ། །དམིགས་པར་ལྟ་བ་དང་། གང་ཟག་ཏུ་ལྟ་བ་དང་། སེམས་ཅན་དུ་ལྟ་བ་དང་། མཚན་
D132.055.0312b06.01མར་ལྟ་བ་རྣམས་ཀྱིས་མ་ཡིན་ནོ། །སེམས་ཅན་འདུ་བྱེད་སྤྱོད་པ་ཐམས་ཅད་ཀྱིས་མ་ཡིན་ནོ། །འཇམ་དཔལ་དེ་དག་ནི་དོན་ལས་སྐྱེས་པའི་ཚིག་རྣམས་ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དག་ནི་དེས་ཤེས་རབ་ཀྱི་སྟོབས་བསྐྱེད་པ་ཐོབ་ཅིང་། ཆོས་ཐམས་ཅད་ཀྱང་
D132.055.0312b07.01