完整藏文原文 · 德格版页 当前仅加载第 55 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །ཡང་བློ་གྲོས་བརྟན་པ་ཁྱོད་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མི་རྣམས་ཀྱི་དོན་དང་། ཕན་པ་དང་། བདེ་བ་དང་། ད་ལྟར་དང་། མ་འོངས་པའི་བྱང་ཆུབ་སེམས་དཔའ་རྣམས་ཡོངས་སུ་
D132.055.0256b01.01གཟུང་བའི་ཕྱིར་ཞུགས་ཏེ། བློ་གྲོས་བརྟན་པ་ཁྱོད་དེ་བཞིན་གཤེགས་པ་ལ་དོན་དེ་ཞུ་བར་སེམས་པ་ལེགས་སོ། །ལེགས་སོ། །འདི་ལྟར་བློ་གྲོས་བརྟན་པ་ཁྱོད་ནི་སྔོན་གྱི་རྒྱལ་བ་ལ་བྱ་བ་བྱས་པ། དགེ་བའི་རྩ་བ་བསྐྱེད་པ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་བསྙེན་བཀུར་བྱས་པ།
D132.055.0256b02.01ཐེག་པ་ཆེན་པོ་འདི་ལ་ཡོངས་སུ་སྦྱང་བ་བྱས་པ། ཐེག་པ་ཐམས་ཅད་ཀྱི་ངེས་པར་འབྱུང་བའི་ལམ་རྣམས་སུ་ངེས་པར་བྱུང་བ། བདུད་དང་། ཉོན་མོངས་པ་དང་། ཕྱིར་རྒོལ་བ་བཅོམ་པ། ཆོས་ལ་ཕན་གདགས་པའི་ཕྱིར་སངས་རྒྱས་ཀྱི་ཆོས་ལ་རང་དབང་ཡོད་པའི་ཡེ་ཤེས་དང་ལྡན་པ། བྱང་ཆུབ་
D132.055.0256b03.01སེམས་དཔའི་ཡེ་ཤེས་ཡང་དག་པར་འཛིན་དུ་འཇུག་པ། བྱང་ཆུབ་སེམས་དཔའ་ཡོངས་སུ་སྡུད་པ། སངས་རྒྱས་ཐམས་ཅད་ཀྱི་ཆོས་ཀྱི་མཛོད་འཛིན་པའོ། །འདི་ལྟར་བློ་གྲོས་བརྟན་པ་ཁྱོད་ནི་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་ལ་ཞུ་བ་ཞུས་པའི་ལུང་བསྟན་པ་ཚར་
D132.055.0256b04.01ཕྱིན་པའོ། །བློ་གྲོས་བརྟན་པ་ངས་ནི་སྐྱེས་བུ་དམ་པ་ཁྱོད་ལྟ་བུ་ཐེག་པ་ཆེན་པོ་ལ་ཡང་དག་པར་ཞུགས་པ་གོ་ཆ་ཆེན་པོ་བགོས་པ་མ་གཏོགས་པར་འཁོར་འདི་ན། ལྷའམ། ཀླུའམ། གནོད་སྦྱིན་ནམ། དྲི་ཟའམ། ལྷ་མ་ཡིན་ནམ། ནམ་མཁའ་ལྡིང་ངམ། མིའམ་ཅིའམ། ལྟོ་འཕྱེ་
D132.055.0256b05.01ཆེན་པོའམ། མིའམ་མི་མ་ཡིན་པའམ། ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པའམ། རང་སངས་རྒྱས་ཀྱི་ཐེག་པ་ལ་ཡང་དག་པར་ཞུགས་པ་ཡང་རུང་སྟེ། གང་དེ་བཞིན་གཤེགས་པ་ལ་དོན་འདི་འདྲི་ནུས་པ་དེ་མ་མཐོང་ངོ་། །བློ་གྲོས་བརྟན་པ་དེའི་ཕྱིར་ལེགས་པར་རབ་ཏུ་ཉོན་ལ་
D132.055.0256b06.01ཡིད་ལ་ཟུང་ཤིག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་གང་དང་ལྡན་ན་ཡོན་ཏན་གྱི་བྱེ་བྲག་དེ་དག་དང་དེ་བས་ཀྱང་ཤིན་ཏུ་ཆེས་ཁྱད་པར་དུ་འཕགས་པ་གཞན་དག་ཀྱང་ཐོབ་པར་འགྱུར་བའི་ཏིང་ངེ་འཛིན་དེ་ངས་ཁྱོད་ལ་བསྟན་ཏོ། །བཅོམ་ལྡན་འདས་ལེགས་སོ་ཞེས་གསོལ་ནས།
D132.055.0256b07.01