完整藏文原文 · 德格版页 当前仅加载第 55 函德格 300a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི། ལྷའི་བུ་དེ་ལ་ཁོ་བོ་སྐྱེས་བུའི་མཐུར་ནི་མི་བལྟ་སྟེ། སངས་རྒྱས་ཀྱི་སྐྱེས་བུའི་མཐུ་ཉིད་དུ་བལྟའོ། །དེ་ནས་བཅོམ་ལྡན་འདས་ཀྱིས་གནས་བརྟན་ཀུན་དགའ་བོ་ལ་ལེགས་སོ་ཞེས་བྱ་བ་བྱིན་ཏེ། ལེགས་སོ་ལེགས་སོ། །ཀུན་དགའ་བོ་དེ་དེ་བཞིན་ནོ། །ཇི་སྐད་སྨྲས་
D132.055.0300a01.01པ་བཞིན་ཏེ། ཁྱོད་ནི་སངས་རྒྱས་ཀྱི་མཐུས་ཀུན་ཆུབ་པར་བྱེད་དོ། །དེ་ནས་བཅོམ་ལྡན་འདས་ཀྱིས་ལྷའི་བུ་ཟླ་བ་དྲི་མ་མེད་པའི་སྙིང་པོ་ལ་བཀའ་སྩལ་པ། ལྷའི་བུ་དགེ་སློང་ཀུན་དགའ་བོས་ཆོས་ཀུན་ཆུབ་པར་བྱས་པ་ནི་ཉུང་གི །གང་དག་ཀུན་ཆུབ་པར་མ་བྱས་པ་ནི་དཔག་ཏུ་མེད་དོ། །ལྷའི་བུ་
D132.055.0300a02.01དེ་བཞིན་གཤེགས་པས་ཆོས་ཇི་སྙེད་མངོན་པར་རྫོགས་པར་སངས་རྒྱས་པའི་ཆོས་འདུལ་བ་དེ་ལས་བྱེ་བའི་ཆའམ། བྱེ་བ་སྟོང་གི་ཆའམ། བྱེ་བ་བརྒྱ་སྟོང་གི་ཆའི་ཆ་ཤས་ཀྱང་ངས་མ་བཤད་དོ། །ངས་གང་བཤད་པ་དེ་ལས་བྱེ་བ་བརྒྱ་སྟོང་གི་ཆ་ཤས་ཀྱང་དགེ་སློང་ཀུན་དགའ་བོས་མ་བཟུང་
D132.055.0300a03.01ངོ་། །ལྷའི་བུ་ང་ནི་ཕྱོགས་བཅུའི་འཇིག་རྟེན་གྱི་ཁམས་ནས་ལྷགས་པའི་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དག་དང་། བྱང་ཆུབ་སེམས་དཔའ་དག་དང་། ཉིན་ཞག་གཅིག་ཅིག་ཆོས་ཀྱི་འབེལ་པའི་གཏམ་བཤད་པ་
D132.055.0300a04.01དང་། དྲིས་པ་རྣམ་པར་ཕྱེ་བ་བཤད་པ་དང་། མདོའི་སྡེ་དང་། དབྱངས་ཀྱིས་བསྙད་པའི་སྡེ་དང་། ལུང་དུ་བསྟན་པའི་སྡེ་དང་། ཚིགས་སུ་བཅད་པའི་སྡེ་དང་། ཆེད་དུ་བརྗོད་པའི་སྡེ་དང་། རྟོགས་པ་བརྗོད་པའི་སྡེ་དང་། གླེང་གཞིའི་སྡེ་དང་། དེ་ལྟ་བུ་བྱུང་བའི་སྡེ་དང་། སྐྱེས་པའི་
D132.055.0300a05.01རབས་ཀྱི་སྡེ་དང་། ཤིན་ཏུ་རྒྱས་པའི་སྡེ་དང་། རྨད་དུ་བྱུང་བའི་ཆོས་ཀྱི་སྡེ་དང་། གཏན་ལ་དབབ་པར་བསྟན་པའི་སྡེ་རྣམས་བཤད་པ་དང་། སེམས་ཅན་གྱི་སྤྱོད་པ་འཇུག་པ་བཤད་པ་དང་། ཕ་རོལ་ཏུ་ཕྱིན་པ་ཡོངས་སུ་རྫོགས་པ་བཤད་པ་དང་། ཉན་ཐོས་དང་། རང་སངས་
D132.055.0300a06.01རྒྱས་ཀྱི་ཐེག་པ་བཤད་པ་དང་། འཁོར་བ་སྨད་པ་བཤད་པ་དང་། མྱ་ངན་ལས་འདའ་བའི་ཡོན་ཏན་གྱི་ཕན་ཡོན་བཤད་པ་འཆད་པར་བྱེད་ན། ལྷའི་བུ་ཆོས་བཤད་པ་དེ་ལས་རྒྱ་ཆེར་རྣམ་པར་དབྱེ་བ་ནི་འཛམ་བུའི་གླིང་གི་རྡུལ་ཕྲ་རབ་ཀྱི་རྡུལ་དང་མཉམ་པའི་སེམས་ཅན་མང་དུ་ཐོས་
D132.055.0300a07.01