完整藏文原文 · 德格版页 当前仅加载第 55 函德格 310a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་བརྟན་པ་ལ་བཀའ་སྩལ་པ། བློ་གྲོས་བརྟན་པ་དེ་ལྟར་ན་ངའི་ཚེའི་ཚད་ནི་བསྐལ་པ་གྲངས་མེད་པ་བདུན་བརྒྱ་སྟེ། དེའི་འོག་ཏུ་ཤིན་ཏུ་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདས་སོ། །ཐམས་ཅད་དང་ལྡན་
D132.055.0310a01.01པའི་འཁོར་དེས་སངས་རྒྱས་ཀྱི་སྐུ་ཚེའི་ཚད་འདི་ཐོས་ནས་མགྲིན་གཅིག་ཏུ་ཚིག་འདི་སྐད་ཅེས་ངོ་མཚར་ཏོ། །སངས་རྒྱས་བཅོམ་ལྡན་འདས་ཆེ་བའི་བདག་ཉིད་རྣམས་ཀྱི་བཞུགས་པ་དང་། སངས་རྒྱས་ཀྱི་རྣམ་པར་འཕྲུལ་པའི་ཆོ་འཕྲུལ་དང་ཡོན་ཏན་གྱི་ཁྱད་པར་བསམ་གྱིས་མི་ཁྱབ་པ་ཐུགས་སུ་
D132.055.0310a02.01ཆུད་པ་དང་། སྤྱོད་པའི་ཁྱུ་མཆོག་ཏུ་གྱུར་པ་ཐམས་ཅད་ངོ་མཚར་ཏེ། དེ་ལྟར་བཅོམ་ལྡན་འདས་ཤཱཀྱ་ཐུབ་པའི་སྐུ་ཚེའི་ཚད་ནི་བསྐལ་པ་གྲངས་མེད་པ་བདུན་བརྒྱ་ལགས་ན། མི་མཇེད་ཀྱི་འཇིག་རྟེན་གྱི་ཁམས་འདིར་ནི་སྐུ་ཚེའི་ཚད་ཐུང་བར་གདའོ། །སེམས་ཅན་ཐམས་ཅད་ཀྱིས་ཚེའི་ཚད་
D132.055.0310a03.01འདི་དང་དཔའ་བར་འགྲོ་བའི་ཏིང་ངེ་འཛིན་འདི་ཐོབ་པར་ཤོག་ཤིག །ཅེས་སྨྲས་སོ། །དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་བློ་གྲོས་བརྟན་པ་ལ་བཀའ་སྩལ་པ། བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་བཤད་པ་འདི་གྲོང་ངམ། གྲོང་ཁྱེར་རམ། ཡུལ་
D132.055.0310a04.01ལམ། ལྗོངས་སམ། གཙུག་ལག་ཁང་ངམ། དགོན་པ་ཡང་རུང་སྟེ། གང་དུ་སྤྱོད་པར་འགྱུར་བ་དེར་བདུད་དམ་བདུད་ཀྱི་རིས་ཀྱི་ལྷ་གླགས་ལྟ་ཞིང་ཀླན་ཀ་ཚོལ་བ་དག་གིས་གླགས་རྙེད་པར་མི་འགྱུར་རོ། །བློ་གྲོས་བརྟན་པ་ཆོས་སྨྲ་བ་དེ་ཡང་དཔའ་བར་འགྲོ་བའི་ཏིང་ངེ་འཛིན་འདི་
D132.055.0310a05.01ཡི་གེར་འདྲིའམ། ཀློག་གམ། ལུང་ནོད་དམ། ཁ་ཏོན་བྱེད་དམ། འཆང་ན། མིའམ་མི་མ་ཡིན་པ་ལས་འཇིགས་པར་མི་འགྱུར་བར་རེ་བར་བྱ་བའི་སྟེང་དུ། དེ་ཡོན་ཏན་གྱི་བྱེ་བྲག་བསམ་གྱིས་མི་ཁྱབ་པ་ཉི་ཤུ་ཐོབ་པར་རེ་བར་བྱའོ། །ཉི་ཤུ་གང་ཞེ་ན། འདི་ལྟ་སྟེ། བསོད་
D132.055.0310a06.01ནམས་བསམ་གྱིས་མི་ཁྱབ་པ་དང་། ཤེས་རབ་བསམ་གྱིས་མི་ཁྱབ་པ་དང་། ཐབས་བསམ་གྱིས་མི་ཁྱབ་པ་དང་། སྤོབས་པ་བསམ་གྱིས་མི་ཁྱབ་པ་དང་། ཆོས་སྣང་བ་བསམ་གྱིས་མི་ཁྱབ་པ་དང་། གཟུངས་ཀྱི་སྒོ་ལ་འཇུག་པ་བསམ་གྱིས་མི་ཁྱབ་པ་དང་། ཆོས་ཀྱི་
D132.055.0310a07.01