完整藏文原文 · 德格版页 当前仅加载第 55 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
གང་སེམས་ཞི་བ་དང་། རབ་ཏུ་ཞི་བ་དང་། ཉེ་བར་ཞི་བ་དང་། ཤིན་ཏུ་ཞི་གནས་སུ་གྱུར་པ་དེ་ནི་དེའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །གང་སེམས་ཀྱི་མི་ཟད་པའི་ཆོས་ཉིད་དང་། ཡུལ་ཐམས་ཅད་ཀྱིས་སྨས་པར་མི་འགྱུར་བ་དེ་ནི་དེའི་བཟོད་པའི་ཕ་རོལ་ཏུ་ཕྱིན་པའོ། །
D132.055.0271a01.01གང་སེམས་ཀྱི་རྣམ་པར་སྒྲུབ་པ་དང་། དབྱེ་བ་དང་། དབེན་པ་དང་། རྣམ་པར་ཤེས་པ་དེ་ནི་དེའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །གང་སེམས་ཀྱི་ངེས་པར་སེམས་པ་དང་། ཉེ་བར་རྟོག་པ་དང་། གང་ཡང་དེའི་ཤིན་ཏུ་སེམས་པ་དེ་ནི་བསམ་གཏན་གྱི་ཕ་རོལ་ཏུ་ཕྱིན་པའོ། །གང་སེམས་
D132.055.0271a02.01རབ་ཏུ་ཤེས་པ་དང་། སོ་སོར་རྟོག་པ་དང་། རབ་ཏུ་ཞི་བ་དང་། ཉེ་བར་ཞི་བ་དང་། མངོན་སུམ་དུ་ཤེས་པ་དེ་ནི་དེའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །བློ་གྲོས་བརྟན་པ་དེ་ལྟར་ན་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ལ་ནི་འཇུག་པ་འདིས་སེམས་བསྐྱེད་
D132.055.0271a03.01པ་ཐམས་ཅད་ལ་ཕ་རོལ་ཏུ་ཕྱིན་པ་དྲུག་འཇུག་གོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་བརྟན་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ཙམ་དུ་བྱང་ཆུབ་སེམས་དཔའ་གང་དཔའ་བར་འགྲོ་བའི་ཏིང་ངེ་འཛིན་འདི་ཤིན་ཏུ་ཡོངས་སུ་གྲུབ་
D132.055.0271a04.01པ་དེའི་གནས་པ་ནི་བསམ་གྱིས་མི་ཁྱབ་སྟེ་ངོ་མཚར་ཏོ། །བཅོམ་ལྡན་འདས་བྱང་ཆུབ་སེམས་དཔའ་དེ་བཞིན་གཤེགས་པའི་གནས་པས་གནས་པར་འཚལ་བས་དཔའ་བར་འགྲོ་བའི་ཏིང་ངེ་འཛིན་འདི་ལ་བརྩོན་པར་བགྱིའོ། །དེ་ཅིའི་སླད་དུ་ཞེ་ན། དེ་ལྟར་དེ་ནི་བྱིས་པ་སོ་སོའི་སྐྱེ་བོ་
D132.055.0271a05.01ཐམས་ཅད་ཀྱི་གནས་པ་རྣམས་ན་ཡང་གདའ་ལ། གང་ལ་ཡང་ཆགས་པར་མི་འགྱུར། ཞེ་སྡང་བར་མི་འགྱུར། གཏི་མུག་པར་མི་འགྱུར་རོ། །དེ་ནས་བཅོམ་ལྡན་འདས་ལ་ཚངས་པ་བྱམས་པ་མཆོག་ཅེས་བྱ་བ་དེས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་
D132.055.0271a06.01དཔའ་བྱིས་པ་སོ་སོའི་སྐྱེ་བོ་ཐམས་ཅད་ཀྱིས་གནས་པས་གནས་པར་འཚལ་བས་དཔའ་བར་འགྲོ་བའི་ཏིང་ངེ་འཛིན་འདི་ལ་བསླབ་པར་བགྱིའོ། །དེ་ཅིའི་སླད་དུ་ཞེ་ན། དེ་ལྟར་དེ་ནི་བྱིས་པ་སོ་སོའི་སྐྱེ་བོ་ཐམས་ཅད་ཀྱི་གནས་པ་རྣམས་ན་ཡང་གདའ་ལ། གང་ལ་ཡང་མི་ཆགས། མི་
D132.055.0271a07.01