完整藏文原文 · 德格版页 当前仅加载第 55 函德格 305b 版页；藏文 NFD、目录标记与异常页序保留在来源切片中，重复版页行以稳定序号区分。
བྱམས་པ་ལ་བཀའ་སྩལ་པ། བྱམས་པ་ཁྱོད་ཀྱིས་བྱང་ཆུབ་སེམས་དཔའ་རྒྱལ་བའི་བློ་གྲོས་ལ་དཔའ་བར་འགྲོ་བའི་ཏིང་ངེ་འཛིན་གྱི་ཡུལ་སྟོན་ཅིག །དེ་ནས་བྱང་ཆུབ་སེམས་དཔའ་བྱམས་པས་དེའི་ཚེ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་བསྟན་པ་དང་། བྱང་ཆུབ་སེམས་དཔའ་རྒྱལ་བའི་བློ་
D132.055.0305b01.01གྲོས་དང་། ཐམས་ཅད་དང་ལྡན་པའི་འཁོར་དེས་དེ་མཐོང་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་འཛམ་བུའི་གླིང་ཇི་སྙེད་པ་དེ་དག་ཐམས་ཅད་ན་བྱང་ཆུབ་སེམས་དཔའ་བྱམས་པ་སྣང་སྟེ། ལ་ལ་ན་ནི་ལྷའི་འཇིག་རྟེན་ན་གནས། ལ་ལ་ན་ནི་མིའི་འཇིག་རྟེན་ན་གནས། ལ་ལ་
D132.055.0305b02.01ན་ནི་རབ་ཏུ་བྱུང་བར་གྱུར། ལ་ལ་ན་ནི་ཁྱིམ་ན་གནས་པར་གྱུར། ལ་ལ་ན་ནི་ཀུན་དགའ་བོ་བཞིན་དུ་དེ་བཞིན་གཤེགས་པའི་གཡོག་བྱེད། ལ་ལ་ན་ནི་ཤཱ་རིའི་བུ་བཞིན་དུ་ཤེས་རབ་ཆེ། ལ་ལ་ན་ནི་མཽད་གལ་གྱི་བུ་ཆེན་པོ་བཞིན་དུ་རྫུ་འཕྲུལ་ཆེ། ལ་ལ་ན་ནི་འོད་སྲུང་ཆེན་པོ་བཞིན་དུ་སྦྱངས་པ་སྨྲ། ལ་ལ་
D132.055.0305b03.01ན་ནི་གང་པོ་བཞིན་དུ་ཆོས་སྨྲ་བ་པོར་གྱུར། ལ་ལ་ན་ནི་སྒྲ་གཅན་ཟིན་བཞིན་དུ་བསླབ་པ་འདོད་པར་གྱུར། ལ་ལ་ན་ནི་ཉེ་བར་འཁོར་བཞིན་དུ་འདུལ་བ་འཛིན། ལ་ལ་ན་ནི་མ་འགགས་པ་བཞིན་དུ་ལྷའི་མིག་དང་ལྡན། ལ་ལ་ན་ནི་ནམ་གྲུ་བཞིན་དུ་བསམ་གཏན་པར་གྱུར། ལ་ལ་ན་ནི་རབ་
D132.055.0305b04.01འབྱོར་བཞིན་དུ་ཉོན་མོངས་པ་མེད་པར་གནས་པའི་མཆོག་ཏུ་གྱུར་ཏོ། །དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ན་ཉན་ཐོས་མཆོག་བཞིན་དུ་འདུ་ཤེས་ཏེ། གྲོང་དང་གྲོང་ཁྱེར་ལ་ལ་ན་ནི་བསོད་སྙོམས་སྤྱོད།
D132.055.0305b05.01ལ་ལ་ན་ནི་ཆོས་འཆད་པར་བྱེད། ལ་ལ་ན་ནི་ནང་དུ་ཡང་དག་པར་འཇོག་པར་སྣང་སྟེ། བྱང་ཆུབ་སེམས་དཔའ་རྒྱལ་བའི་བློ་གྲོས་དང་། ཐམས་ཅད་དང་ལྡན་པའི་འཁོར་དེས་བྱང་ཆུབ་སེམས་དཔའ་བྱམས་པ་དཔའ་བར་འགྲོ་བའི་ཏིང་ངེ་འཛིན་གྱི་ཡུལ་ལ་འཇུག་པ་མཐོང་ངོ་། །མཐོང་ནས་
D132.055.0305b06.01དགའ་མགུ་ཡི་རངས་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟ་སྟེ་དཔེར་ན། གསེར་ཁར་བ་དང་། མཆིང་བུ་དང་། ལྕགས་ཀྱི་དྲི་མ་དང་བྲལ་བ་རྡུལ་མ་མཆིས་པ་ནི་གང་དང་གང་དུ་བདར་བ་དེ་དང་དེར་གསེར་གྱི་རིགས་བཟང་པོ་མི་འདོར་རོ། །བཅོམ་
D132.055.0305b07.01