完整藏文原文 · 德格版页 当前仅加载第 55 函德格 301b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པའི་དོན་ཇི་ལྟར་བལྟ་བར་བྱ། དེ་སྐད་ཅེས་སྨྲས་པ་དང་། འཇམ་དཔལ་གཞོན་ནུར་གྱུར་པས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤཱ་རིའི་བུ་དེ་བཞིན་གཤེགས་པ་ནི་ཐམས་ཅད་མཁྱེན་པ། ཐམས་ཅད་གཟིགས་པ། བདེན་པར་གསུང་བ། ཡང་དག་པར་གསུང་
D132.055.0301b01.01བ། སླུ་བར་མི་མཛད་པ་ཡིན་ནོ། །དེ་ནི་ལྷ་དང་བཅས་པའི་འཇིག་རྟེན་གྱིས་བསླུ་བར་མི་ནུས་ཏེ། དེ་ནི་འདིར་ཁོ་བོའི་དབང་ཡིན་ཏེ། གལ་ཏེ་ཁོ་བོ་གཞན་དུ་སྨྲ་བར་གྱུར་ན། ཁོ་བོས་དེ་བཞིན་གཤེགས་པ་བསླུས་པར་འགྱུར་རོ། །དེ་ལྟར་ན་བཙུན་པ་ཤཱ་རིའི་བུ་དེའི་ཚེ་དེའི་དུས་ན་བསྐལ་
D132.055.0301b02.01པ་རྣམ་པར་སྣང་བ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱལ་བ་ཞེས་བྱ་བ་ཞིག་བྱུང་སྟེ། དེས་ལྷ་དང་བཅས་པའི་འཇིག་རྟེན་གྱི་དོན་མཛད་ནས་ཡོངས་སུ་མྱ་ངན་ལས་འདས་སོ། །དེ་ཡོངས་སུ་མྱ་ངན་ལས་འདས་ནས་དམ་པའི་ཆོས་ལོ་འབུམ་དུ་
D132.055.0301b03.01གནས་པར་གྱུར་ཏོ། །དེ་ལྟར་བཙུན་པ་ཤཱ་རིའི་བུ་དམ་པའི་ཆོས་དེ་ནུབ་ནས་སེམས་ཅན་དེ་དག་རྐྱེན་གྱི་སྟོབས་ཅན་དུ་གྱུར་ཏེ། རང་སངས་རྒྱས་ཀྱི་སྤྱོད་ལམ་གྱིས་གདུལ་ནུས་པར་འགྱུར་བ་མ་གཏོགས་པར་གལ་ཏེ་དེ་དག་ལ་སངས་རྒྱས་བརྒྱ་སྟོང་གིས་ཆོས་བཤད་དུ་ཟིན་ཀྱང་དེ་དག་ཆོས་
D132.055.0301b04.01བཤད་པ་ལ་མོས་པར་མི་འགྱུར་ཏེ། སེམས་ཅན་དེ་དག་རང་སངས་རྒྱས་ཀྱི་ཐེག་པ་ལ་མོས་པ་ཤ་སྟག་གོ། །བཙུན་པ་ཤཱ་རིའི་བུ་དེའི་ཚེ་དེའི་དུས་ན་གང་ལ་སེམས་ཅན་དེ་དག་གིས་ཡོན་དབུལ་བར་བྱ་བའི་རང་སངས་རྒྱས་འགའ་ཡང་མ་བྱུང་ནས། ཤཱ་རིའི་བུ་ཁོ་བོ་ནི་སེམས་ཅན་དེ་དག་
D132.055.0301b05.01ཡོངས་སུ་སྨིན་པར་བྱ་བའི་ཕྱིར་བདག་ཉིད་རང་སངས་རྒྱས་སུ་ཁས་འཆེས་ཏེ། གྲོང་དང་། གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། ཕོ་བྲང་འཁོར་གང་དང་གང་དུ་གནས་པ་དེ་དང་དེར་རང་སངས་རྒྱས་སུ་འདུ་ཤེས་སོ། །རང་སངས་རྒྱས་ཀྱི་སྤྱོད་ལམ་ཡང་བསྟན་ཅིང་རང་སངས་
D132.055.0301b06.01རྒྱས་ཀྱི་ཆ་བྱད་ཀྱང་བསྟན་པས་ཁོ་བོ་ལ་སེམས་ཅན་དེ་དག་གུས་པ་དང་བཅས་ཤིང་རིམ་གྲོ་བསྐྱེད་ནས་བསོད་སྙོམས་སྦྱིན་པར་བྱེད་དོ། །ཁོ་བོས་བསོད་སྙོམས་དེ་དག་ཁས་བླངས་ནས་སེམས་ཅན་སྣོད་དུ་གྱུར་པ་ཇི་སྙེད་པའི་སེམས་ཅན་དེ་དག་ལ་ཆོས་བཤད་དོ། །བཤད་ནས་ཀྱང་
D132.055.0301b07.01