完整藏文原文 · 德格版页 当前仅加载第 55 函德格 302b 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་གཞོན་ནུར་གྱུར་པས་བཤད་པ་འདིའི་ལན་བཏབ་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་སོ། །སྣང་བ་ཆེན་པོས་ཀྱང་ཁྱབ་པར་གྱུར་ཏོ། །ལྷ་བརྒྱ་སྟོང་དག་ཀྱང་འཇམ་དཔལ་གཞོན་ནུར་གྱུར་པ་ལ་མཆོད་པའི་ལས་བྱ་བའི་ཕྱིར་མེ་ཏོག་གི་ཆར་ཡང་
D132.055.0302b01.01འབེབས་སོ། །ངོ་མཚར་རྨད་དུ་བྱུང་བའི་ཆོས་ཀྱི་སྒྲ་ཡང་འབྱིན་ཏོ། །བཅོམ་ལྡན་འདས་བདག་ཅག་གིས་དེ་བཞིན་གཤེགས་པ་དང་། འཇམ་དཔལ་གཞོན་ནུར་གྱུར་པ་ཡང་མཐོང་། དཔའ་བར་འགྲོ་བའི་ཏིང་ངེ་འཛིན་འདི་ཡང་ཐོས་ཏེ། རྙེད་པ་ལེགས་པར་རྙེད་དོ་ཞེས་ཆེད་དུ་རྗོད་པ་ཆེད་དུ་བརྗོད་དོ། །
D132.055.0302b02.01བཅོམ་ལྡན་འདས་འཇམ་དཔལ་གཞོན་ནུར་གྱུར་པ་འདི་བསམ་གྱིས་མི་ཁྱབ་པའི་ཆོས་དང་ལྡན་པ་ངོ་མཚར་ན། བཅོམ་ལྡན་འདས་འཇམ་དཔལ་གཞོན་ནུར་གྱུར་པ་ཏིང་ངེ་འཛིན་གང་ལ་གནས་ཏེ། བསམ་གྱིས་མི་ཁྱབ་པའི་ཆོས་ཉིད་འདི་ལྟ་བུ་འདི་སྟོན་པར་བགྱིད། བཅོམ་ལྡན་འདས་ཀྱིས་བཀའ་
D132.055.0302b03.01སྩལ་པ། ལྷའི་བུ་དག་འདི་ལ་འཇམ་དཔལ་གཞོན་ནུར་གྱུར་པ་དཔའ་བར་འགྲོ་བའི་ཏིང་ངེ་འཛིན་ལ་གནས་ནས་བསམ་གྱིས་མི་ཁྱབ་པའི་ཆོས་ཉིད་འདི་ལྟ་བུ་འདི་སྟོན་ཏེ། བྱང་ཆུབ་སེམས་དཔའི་ཏིང་ངེ་འཛིན་དེ་ལ་གནས་ན་དད་པས་རྗེས་སུ་འབྲང་བ་ཡང་ཡིན་ལ་གཞན་གྱི་དད་པས་འགྲོ་བ་ཡང་མ་
D132.055.0302b04.01ཡིན། ཆོས་ཀྱི་རྗེས་སུ་འབྲང་བ་ཡང་ཡིན་ལ་ཆོས་ཉིད་དང་ཆོས་ཀྱི་འཁོར་ལོ་སྐོར་བ་ལས་ཉམས་པ་ཡང་མ་ཡིན། བརྒྱད་པ་ཡང་ཡིན་ལ་ལོག་པ་བརྒྱད་དུ་ལྷུང་བའི་སེམས་ཅན་རྣམས་ཀྱི་ཕྱིར་བསྐལ་པ་གྲངས་མེད་པར་སྤྱོད་པ་ཡང་ཡིན། རྒྱུན་དུ་ཞུགས་པ་ཡང་ཡིན་ལ་སེམས་ཅན་རྒྱུན་
D132.055.0302b05.01ཕྱོགས་སུ་དེད་པ་རྣམས་ཀྱི་ཕྱིར་ཉན་ཐོས་རྣམས་ཀྱི་སྐྱོན་མེད་པར་ཡང་མི་ལྟུང་། ལན་ཅིག་ཕྱིར་འོང་བའང་ཡིན་ལ་འཇིག་རྟེན་གྱི་ཁམས་ཐམས་ཅད་དུ་སྣང་བ་ཡང་ཡིན། ཕྱིར་མི་འོང་བའང་ཡིན་ལ་སེམས་ཅན་ཡོངས་སུ་སྨིན་པར་བྱ་བའི་དོན་དུ་ཡང་འོང་། དགྲ་བཅོམ་པའང་ཡིན་ལ་སངས་
D132.055.0302b06.01རྒྱས་ཀྱི་ཆོས་ཡོངས་སུ་བཙལ་བའི་ཕྱིར་བརྩོན་འགྲུས་བརྩམས་པ་ཡང་ཡིན། ཉན་ཐོས་ཀྱང་ཡིན་ལ་སྤོབས་པ་རྒྱུན་མི་ཆད་པའི་ཕྱིར་སེམས་ཅན་ཐམས་ཅད་ལ་ཆོས་འཆད་པ་ཡང་ཡིན། རང་སངས་རྒྱས་ཀྱང་ཡིན་ལ་སེམས་ཅན་རྐྱེན་གྱི་སྟོབས་ཅན་རྣམས་ཀྱི་ཆེད་དུ་བསྐལ་པ་གྲངས་མེད་
D132.055.0302b07.01